ഈ നിമിത്തങ്ങള്‍ മരണഭയം ഉണ്ടാക്കുന്നതാണ്

കാക്ക ചത്ത് കിടക്കുന്നത്

പലപ്പോഴും കാക്ക ഒരു ദു:ശകുനമായിട്ട് തന്നെയാണ് നമ്മള്‍ കണക്കാക്കുന്നത്. എന്നാല്‍ ചത്ത് കിടക്കുന്ന കാക്കയെ കാണുന്നത് മരണത്തിന്റെ ലക്ഷണമായാണ് കണക്കാക്കുന്നത്. ഇത് കണ്ടാല്‍ നിങ്ങള്‍ക്ക് പ്രിയപ്പെട്ടവരുടെ മരണം അല്ലെങ്കില്‍ അപകട വാര്‍ത്ത കേള്‍ക്കും എന്നാണ് സൂചിപ്പിക്കുന്നത്. ഇത്തരം വിശ്വാസങ്ങളെല്ലാം പലപ്പോഴും മനസ്സില്‍ അടിയുറച്ച് പോയതിന്റെ കൂടി ഫലമാണ് എന്ന കാര്യവും മറക്കേണ്ടതില്ല. എന്ന് കരുതി കാക്ക ചത്ത് കിടന്നാല്‍ എല്ലാം അത് മരണ ലക്ഷണമാണെന്ന് കരുതുകയും വേണ്ട.

പൂമ്പാറ്റയുടെ നിറം

പൂമ്പാറ്റ പലപ്പോഴും വീട്ടിന് ചുറ്റും പാറിപ്പറക്കുന്നത് നമ്മള്‍ കണ്ടിട്ടുണ്ട്. എന്നാല്‍ ഇതിന്റെ നിറം ശ്രദ്ധിച്ചിട്ടുണ്ടോ? കറുപ്പ് നിറമുള്ള പൂമ്പാറ്റ നിങ്ങളെ ചുറ്റി പറക്കുന്നുണ്ടോ? എന്നാല്‍ നിങ്ങളുടെ കുടുംബത്തില്‍ ഒരു മരണം നടക്കുന്നതിനുള്ള സാധ്യതയുണ്ട് എന്നതാണ് ഇത് സൂചിപ്പിക്കുന്നത്. ഇതെല്ലാം പലപ്പോഴും പൊതുവേയുള്ള വിശ്വാസത്തിന്റെ പുറത്ത് ഉണ്ടായിട്ടുള്ള കാര്യങ്ങളാണ്. അതുകൊണ്ട് തന്നെ ഇത്തരം കാര്യങ്ങളില്‍ വിശ്വസിച്ച് ജീവിതത്തില്‍ ദു:ഖിച്ചിരിക്കേണ്ട ആവശ്യമില്ല. കാരണം പ്രതീക്ഷിക്കാതെ ജീവിതത്തില്‍ പല വിധത്തിലുള്ള മാറ്റങ്ങളും സംഭവിക്കാം. എന്നാല്‍ ഇത് മരണമാണ് എന്ന് ചിന്തിക്കേണ്ടതില്ല. എപ്പോഴും നല്ലതിനെക്കുറിച്ച് മാത്രം ചിന്തിക്കുക.

മൃഗങ്ങള്‍ ബഹളം വെക്കുന്നത്

രാത്രിയില്‍ വീട്ടില്‍ വളര്‍ത്തുന്ന കന്നുകാലികളും നായകളും ഉള്‍പ്പടെയുള്ള മൃഗങ്ങള്‍ ബഹളം വെക്കുന്നുണ്ടോ? പലപ്പോഴും രോഗശയ്യയില്‍ ദിവസങ്ങളായി കിടക്കുന്നവരെ തേടി മരണമെത്തുന്നുണ്ട് എന്നതിന്റെ സൂചനയാണ് ഇത്. പണ്ട് കാലം മുതല്‍ തന്നെ നമുക്കിടയില്‍ നിലനില്‍ക്കുന്ന വിശ്വാസങ്ങളില്‍ ഒന്നാണ് മൃഗങ്ങള്‍ക്ക് മരണം മുന്‍കൂട്ടി കാണാന്‍ സാധിക്കും എന്നത്. അതുകൊണ്ട് തന്നെ ഇത്തരം കാര്യങ്ങള്‍ അല്‍പം ശ്രദ്ധിച്ച് മനസ്സിലാക്കുന്നത് നല്ലതായിരിക്കും.

വവ്വാല്‍ വീട്ടില്‍ വരുന്നത്

പലരും അല്‍പം പേടിയോടെ മാത്രം കാണുന്ന ഒന്നാണ് ഇത്. കാരണം വവ്വാല്‍, മൂങ്ങ തുടങ്ങിയവയെല്ലാം മരണത്തിന്റെ വാഹകരാണ് എന്നാണ് വിശ്വാസം. അതുകൊണ്ട് തന്നെ ഇവ വീട്ടില്‍ വരുന്നത് മരണവും കൊണ്ടാണ് എന്ന് പ്രായം കൂടിയവര്‍ പറയുന്നു. എന്നാല്‍ ഇതിനൊന്നും ഒരു ശാസ്ത്രീയമായ അടിത്തറയും ഇല്ല എന്നതാണ് സത്യം. ഇത്തരം കാര്യങ്ങള്‍ പലപ്പോഴും വിശ്വാസത്തിന്റെ പുറത്ത് ഉണ്ടാവുന്ന ഒന്നാണ്. അതുകൊണ്ട് തന്നെ ഇതെല്ലാം വളരെയധികം ശ്രദ്ധിക്കണം എന്ന് മുതിര്‍ന്നവര്‍ പറയുന്നു.

ഗ്രഹണ സമയത്ത്

വീട്ടില്‍ പ്രായമായവര്‍ അല്ലെങ്കില്‍ രോഗശയ്യയിലായവര്‍ ഉണ്ടെങ്കില്‍ അവര്‍ ഏറ്റവും കൂടുതല്‍ ഭയപ്പെടുന്നത് ഗ്രഹണ സമയത്താണ്. കാരണം ഇത് പലപ്പോഴും പല വിധത്തില്‍ മരണഭയം ഇവരില്‍ ഉണ്ടാക്കുന്നു. എന്നാല്‍ ഇതെല്ലാം വിശ്വാസത്തിന്റെ പുറത്ത് നമ്മള്‍ തന്നെ ചിന്തിച്ച് കൂട്ടുന്ന ചില കാര്യങ്ങളാണ്. എന്നാല്‍ ഇതല്ലാതെ പലപ്പോഴും ഇത്തരം കാര്യങ്ങള്‍ കാലങ്ങളായി വിശ്വാസത്തിന്റെ പുറത്ത് ഉണ്ടാവുന്നതും കൂടിയാണ്. ഒന്നിനും ശാസ്ത്രീയമായ അടിത്തറയും വിശകലനവും ഇല്ലെങ്കിലും ഇന്നും ഇത്തരം വിശ്വാസങ്ങളുടെ പുറത്ത് ജീവിക്കുന്നവര്‍ ചില്ലറയല്ല.