ഈ മറുകുകള്‍ സാമ്പത്തികപ്രതിസന്ധിക്ക് കാരണം

ഇടത്തേ കവിളില്‍

ഇടത്തേ കവിളില്‍ മറുകുള്ളവര്‍ക്ക് വരുമാനം വളരെ കൂടുതലായിരിക്കും. എന്നാല്‍ വരുമാനത്തേക്കാള്‍ കൂടുതല്‍ ചിലവായിരിക്കും എന്നതാണ് സത്യം. മാത്രമല്ല കൃത്യമായ സമ്പാദ്യശീലം ഉണ്ടാവില്ല എന്നതും യാഥാര്‍ത്ഥ്യമാണ്. ഇതെല്ലാം ജീവിതത്തില്‍ പലവിധത്തിലുള്ള സാമ്പത്തിക പ്രതിസന്ധികള്‍ ഉണ്ടാക്കുകയാണ് ചെയ്യുന്നത്. അതുകൊണ്ട് തന്നെ ഇടതേ കവിളിലെ മറുക് അല്‍പം ശ്രദ്ധിക്കാം.

ചുണ്ടില്‍

സ്ത്രീകളുടെ ചുണ്ടില്‍ മറുകുള്ളത് ഭംഗിയായാണ് കണക്കാക്കുന്നത്. ചുണ്ടില്‍ മറുകുണ്ടെങ്കിലും സാമ്പത്തിക രംഗം വളരെ മോശമായിരിയ്ക്കും. എപ്പോഴും സാമ്പത്തിക പ്രതിസന്ധിയായിരിക്കും ഇവര്‍ക്ക് നേരിടേണ്ടി വരിക. അതുകൊണ്ട് ചുണ്ടിലെ മറുകുണ്ടാക്കുന്ന സാമ്പത്തിക പ്രതിസന്ധി ചില്ലറയല്ല.

ഇടത്തേ കൈവെള്ളയില്‍

ഇടത്തേ കൈവെള്ളയ്ക്കുള്ളില്‍ മറുകുണ്ടെങ്കിലും ശ്രദ്ധിക്കുക. ഇതും സാമ്പത്തിക പ്രതിസന്ധിയ്ക്ക് കാരണമാകും. എപ്പോഴും പണത്തിന് അത്യാവശ്യം വരും എന്നതാണ് ഇതിനര്‍ത്ഥം. അതുകൊണ്ട് കൈവെള്ളയിലെ മറുക് സാമ്പത്തിക പ്രതിസന്ധി ഉണ്ടാക്കുന്നതാണ് എന്ന കാര്യത്തില്‍ സംശയം വേണ്ട.

ഇടത്തേ കാലില്‍

നിങ്ങളുടെ ഇടതേ കാലില്‍ മറുകുണ്ടെങ്കിലും അല്‍പം ശ്രദ്ധിക്കാം. ഇടത്തേ കാലില്‍ മറുകുണ്ടാവുന്നതും സാമ്പത്തികാഭിവൃദ്ധിയുണ്ടാവില്ല എന്നതിന്റെ സൂചനയാണ്. പണം കൂടുതലുണ്ടാവും എന്നാല്‍ എങ്ങനെ ഉപയോഗിക്കണം എന്നതിനെക്കുറിച്ച് പലപ്പോഴും കൃത്യമായ ധാരണ ഉണ്ടാവില്ല. ഇത് പലപ്പോഴും സാമ്പത്തിക നഷ്ടത്തിലേക്ക് നയിക്കുന്നു.

ചൂണ്ടുവിരലില്‍

ചൂണ്ടുവിരലില്‍ ഏതെങ്കിലും തരത്തിലുള്ള മറുക് ഉണ്ടെങ്കിലും അത് പലപ്പോഴും സാമ്പത്തികനഷ്ടത്തിലേക്ക് നയിക്കുന്നു. പലരിലും ചൂണ്ടു വിരലില്‍ മറുകുണ്ടെങ്കില്‍ അത് മാഞ്ഞു പോവുന്നു. സാമ്പത്തിക നഷ്ടമുണ്ടാക്കുന്ന ഒന്നാണ് ഇതെന്ന കാര്യത്തില്‍ സംശയം വേണ്ട.

ഇടത്തേ പുരികത്തില്‍

ചിലര്‍ക്ക് ഇടത്തേ പുരികത്തിനു മുകളിലായി കാക്കപ്പുള്ളികളോ മറുകുകളോ ഉണ്ടാവാറുണ്ട്. ഇത് ആ വ്യക്തിയുടെ സാമ്പത്തികാടിത്തറ തകര്‍ക്കുന്നതാണ്.

ഇടത്തേ കക്ഷത്തിലായി

ഇടത്തേ കക്ഷത്തിലായി ഇത്തരത്തില്‍ മറുകുകളോ മറ്റോ ഉണ്ടെങ്കിലും ഇതും സാമ്പത്തികമായുള്ള തകര്‍ച്ചയെയാണ് സൂചിപ്പിക്കുന്നത്. മാത്രമല്ല ഇത്തരത്തില്‍ സ്വകാര്യഭാഗത്തായി ഉണ്ടാവുന്ന മറുകുകളും സൂചിപ്പിക്കുന്നത് സാമ്പത്തിക നഷ്ടത്തെ തന്നെയാണ്.