കല്യാണ രേഖ തെളിയുന്നുണ്ടോ കൈയ്യില്‍

വിവാഹ പ്രായം

വിവാഹപ്രായം ഓരോരുത്തര്‍ക്കും ഓരോ തരത്തിലാണ്. എന്നാല്‍ വിവാഹ പ്രായം തീരുമാനിക്കുന്നത് ചെറുവിരലിന് താഴെയുള്ള ചെറിയ വരകളാണ്. ഇത് നോക്കി നമുക്ക് വിവാഹ പ്രായം തീരുമാനിക്കാവുന്നതാണ്. അതെങ്ങനെയെന്ന് നോക്കാം.

വൈകുമോ നേരത്തെയോ

വിവാഹം നടക്കുമ്പോള്‍ അത് പല വിധത്തിലും ആശങ്കയുണര്‍ത്തുന്ന ഒന്നാണ്. വൈകി നടക്കുമോ അതോ നേരത്തെ നടക്കുമോ എന്ന് വേണ്ട പല വിധത്തിലുള്ള പ്രശ്‌നങ്ങളും ഉണ്ടാവുന്നു. എന്നാല്‍ ഇതെല്ലാം തീരുമാനിക്കുന്നത് ചെറുവിരലിനും ഹൃദയരേഖത്തും ഇടയിലുള്ള രേഖയാണ്. വിവാഹം നേരത്തേ നടക്കുമോ വൈകി നടക്കുമോ എന്നെല്ലാം മനസ്സിലാക്കാന്‍ സഹായിക്കുന്നത് ഈ രേഖകളാണ്.

ചെറുവിരലിന് അടുത്ത്

ചെറുവിരലിന്റെ ഏറ്റവും അടുത്താണ് ഈ രേഖയെങ്കില്‍ വിവാഹം 20-25 വയസ്സിനുള്ളില്‍ നടക്കുമെന്നാണ് പറയുന്നത്. ഹസ്തരേഖ ശാസ്ത്രപ്രകാരം വിവാഹപ്രായം വളരെ നേരത്തെയായിരിക്കും. അതുകൊണ്ട് ഈ രേഖകള്‍ ഒന്ന് ശ്രദ്ധിക്കാവുന്നതാണ്.

ചെറുവിരലിന് താഴെ

ഇനി ചെറുവിരലിന്റെ ഏറ്റവും താഴെയായി അടുത്താണ് രേഖയെങ്കില്‍ വൈകിയുള്ള വിവാഹമാണ് ഫലം. മുപ്പത്തിയഞ്ച് വയസ്സിന് ശേഷമായിരിക്കും നിങ്ങളുടെ വിവാഹം നടക്കുക. അതുകൊണ്ട് തന്നെ ഇത്തരം കാര്യങ്ങളില്‍ അല്‍പം വിശ്വസിക്കുന്നതും തെറ്റല്ല.

മുപ്പതുകളില്‍ വിവാഹം

ഇനി നിങ്ങളുടെ വിവാഹം മുപ്പതിലാണ് നടക്കുകയെങ്കില്‍ അതിന് തെളിയിക്കുന്ന രീതിയും ഉണ്ട്. ഹൃദയരേഖക്കും ചെറുവിരലിനും നടുവിലായാണ് രേഖയെങ്കില്‍ മുപ്പതുകളിലാണ് നിങ്ങളുടെ വിവാഹം നടക്കുകയെന്ന് പറയാം. അതുകൊണ്ട് ഇത് അല്‍പം ശ്രദ്ധിച്ചാല്‍ കൊള്ളാം.

കുറേ രേഖകള്‍

നിങ്ങള്‍ക്ക് രേഖകള്‍ കൂടുതലാണോ? ചെറുവിരലിനും ഹൃദയരേഖക്കും ഇടയില്‍ നിരവധി രേഖകള്‍ ഉണ്ടെങ്കില്‍ വിവാഹം പെട്ടെന്ന് നടക്കുകയും ഇത് വഴി ഭാഗ്യം വരുമെന്നും ആണ് വിശ്വാസം. വരന്റെ വീട്ടില്‍ രാജകുമാരിയെപ്പോലെ നിങ്ങള്‍ക്ക് വാഴാം. അത്രക്കും നല്ലതാണ് ഇതെന്നാണ് ഹസ്തരേഖാ ശാസ്ത്രം പറയുന്നത്.

ദാമ്പത്യത്തിന്റെ ആയുസ്സ്

പലര്‍ക്കും ഇന്നത്തെ കാലത്ത് വിവാഹമോചനം എന്ന് പറയുന്നത് കുട്ടിക്കളിയാണ്. എന്നാല്‍ അതിന് തയ്യാറാവാത്തവര്‍ വായിക്കാന്‍. ചെറുവിരലിന് അടുത്തുള്ള രേഖക്ക് നീളം കൂടുതലെങ്കില്‍ നിങ്ങള്‍ക്ക് ദീര്‍ഘകാല ദാമ്പത്യത്തിന് സാധ്യതയുണ്ട് എന്നാണ് പറയുന്നത്. മാത്രമല്ല ജീവിതം സന്തോഷകരവും ആയിരിക്കും.

പ്രണയിച്ച് വിവാഹം കഴിക്കണോ?

നിങ്ങള്‍ക്ക് വിവാഹം കഴിക്കുന്നത് പ്രണയിച്ച് വേണോ? എങ്കില്‍ കൈയ്യിലേക്ക് ഒന്ന് നോക്കി നോക്കൂ. നിങ്ങള്‍ക്ക് പ്രണയവിവാഹമെങ്കില്‍ ഈ രേഖയുടെ അടുത്തായി ഒരു നക്ഷത്ര ചിഹ്നം കൂടി കാണപ്പെടുന്നു. ഇത് ഭാഗ്യത്തേയും കൂടി സൂചിപ്പിക്കുന്നു.