ജനനത്തീയതി പ്രകാരം ഇതു ചെയ്താല്‍ ഐശ്വര്യം

1

1, 10,, 19, 28 തീയതികളില്‍ ജനിച്ചവര്‍ക്ക എല്ലാം ചേര്‍ത്തു കൂട്ടുമ്പോള്‍ കിട്ടുന്ന സംഖ്യ 1 ആണ്. ഇവര്‍ക്കു സ്വാധീനമുള്ള ഗ്രഹങ്ങള്‍ സൂര്യനും ചൊവ്വയുമാണ്. അഡിമിനിസ്‌ട്രേഷന്‍, മെഡിസിന്‍, ടെക്‌നിക്കല്‍ ജോലികള്‍ ഇവര്‍ക്കു നല്ലതാണ്. മരം, ഫാര്‍മസി ബിസിനസുകളും ധനവും ഐശ്വര്യവും കൊണ്ടു വരും. ജോലിയിലോ ബിസിനസിലോ പ്രശ്‌നമെങ്കില്‍ ചെമ്പു ധരിയ്ക്കുക. രാവിലെ സൂര്യന് ജലാരാധന നടത്തുന്നത് നല്ലതാണ്.

2

2, 11, 20, 29 തീയതികളില്‍ ജനിച്ചവരുടെ സംഖ്യ 2 ആണ്. ഇവര്‍ക്കു സ്വാധീനമുള്ള ഗ്രഹങ്ങള്‍ സൂര്യനും ചന്ദ്രനുമാണ്. ആര്‍ട്ട്, അഭിനയം, പാട്ട്, സൗന്ദര്യ, ജല സംബന്ധമായ തൊഴിലുകള്‍ ഇവര്‍ക്കു നല്ലതാണ്. ഹോസ്പിറ്റല്‍, റെസ്റ്റോറന്റ് മേഖലകളും നല്ലതു തന്നെയാണ്. ശിവനെ പൂജിയ്ക്കുന്നതും വെള്ളി ധരിയ്ക്കുന്നതും നല്ലതാണ്.

3

3, 12, 21, 30 തീയതികളില്‍ ജനിച്ചവര്‍ക്ക് വ്യാഴ, ബുധ ഗ്രഹങ്ങളുമായാണ് അടുപ്പമുള്ളത്. കണ്‍സള്‍ട്ടിംഗ്, അദ്ധ്യാപനം, നിയമം, ബൗദ്ധിക തലത്തിലുള്ള തൊഴിവുകള്‍ എന്നിവ നല്ലതാണ്. സ്റ്റേഷനറി, വിദ്യാഭ്യാസം, മതപരമായ തൊഴിലുകള്‍ എന്നിവയും ചേരുന്നതു തന്നെയാണ്. വിഷ്ണു സഹസ്രനാമം ചൊല്ലാം. സ്വര്‍ണം ധരിയ്ക്കുന്നതും നല്ലതാണ്.

4

4, 13, 22, 31 തീയതികളില്‍ ജനിച്ചവരുടെ സംഖ്യ 4 ആണ്. ഇവര്‍ക്ക് രാഹു, ചന്ദ്രന്‍ എന്നിവയാണ് സ്വാധീനമുളള ഗ്രഹങ്ങള്‍. ടെക്‌നിക്കല്‍, ആസ്‌ട്രോളജി, ഫാര്‍മസി മേഖലകള്‍ ഇവര്‍ക്കു നല്ലതാണ്. ഇലക്ട്രിക്കല്‍, ഇലക്ട്രോണിക്‌സ്, കണ്‍സള്‍ട്ടിംഗ് മേഖലകള്‍ ഏറെ നല്ലതാണ്. ശിവനെ പ്രാര്‍്ത്ഥിയ്ക്കാം. സ്റ്റീല്‍ മോതിരം ധരിയ്ക്കാം.

5

5, 14, 23 തീയതികളില്‍ ജനിച്ചവര്‍ക്ക് വ്യാഴം, സൂര്യ ഗ്രഹ സ്വാധീനമാണുള്ളത്. ഇവര്‍ക്ക് ഫിനാന്‍സ്, ലോ, അഡ്മിനിസ്‌ട്രേഷന്‍, കോര്‍പറേറ്റ് മേഖലകള്‍ നല്ലതാണ്. എഴുത്തും പാട്ടും ഇവര്‍ക്കേറെ ചേരും. കൃഷ്ണനെ പൂജിയ്ക്കാം. വെങ്കലം ധരിയ്ക്കുന്നതും നല്ലതാണ്.

6

6, 15, 24 തീയതികളില്‍ ജനിച്ചവര്‍ക്ക് ശുക്ര, വ്യാഴ സ്വാധീനം കൂടുതലാണ്. ഇവര്‍ക്ക് അഭിനയം, ഫിലിം, മീഡിയ, മെഡിക്കല്‍ രംഗങ്ങള്‍ ചേരുന്നവയാണ്. ടീച്ചിംഗ് രംഗത്തു നിന്നും ഫലം ലഭിയ്ക്കും. ശിവ പാര്‍വ്വതിയെ പൂജിയ്ക്കാം. സില്‍വര്‍ മോതിരം ധരിയ്ക്കാം.

7

7, 16, 25 തീയതികളില്‍ ജനിച്ചവര്‍ക്ക് കേതു, വ്യാഴം എന്നിവ ഗ്രഹസ്ഥാനത്തു പ്രാധാന്യമര്‍ഹിയ്ക്കുന്നു. മതപരം, ടീച്ചിംഗ്, ആര്‍ട്ട്, റിസര്‍ച്ച്, ടെക്‌നിക്കല്‍ ഫീല്‍ഡുകള്‍ ഇവര്‍ക്കു നല്ലതാണ്. ഫാര്‍മസിയില്‍ വിജയമുണ്ടാകും. ഗോള്‍ഡ് ധരിയ്ക്കാം. ഗണപതിയെ പൂജിയ്ക്കുക.

8

8, 17, 26 തീയതികളില്‍ ജനിച്ചവര്‍ക്ക് ശനിയും ചൊവ്വയുമാണ് സ്വാധീന ശക്തികള്‍. ഇവര്‍ക്ക് അഡ്മിനിസ്‌ട്രേഷന്‍, രാഷ്ട്രീയം, നിയമം, എഞ്ചിനീയറിംഗ് ഫീല്‍ഡുകള്‍ നല്ലതാണ്. ജ്യോതിഷ, മതപരമായ രംഗങ്ങളും നേട്ടം നല്‍കും. ശനിയേയും ഹനുമാനേയും പൂജിയ്ക്കാം, ഇരുമ്പു മോതിരം ധരിയ്ക്കാം.

9

9, 18, 27 തീയതികളില്‍ ജനിച്ചവര്‍ക്ക് ചൊവ്വ, വ്യാഴ ഗ്രഹങ്ങളുമായാണ് അടുപ്പം. ആര്‍മി, ഫാക്ടറി, ഭൂമി, കണ്‍സ്ട്രക്ഷന്‍ ഫീല്‍ഡുകള്‍ ഇവര്‍ക്കു നല്ലതാണ്. ടീച്ചിംഗ്, എഴുത്തു ജോലികളും ഗുണം ചെയ്യും. ഹനുമാന്‍ ചാലിസ ജപിയ്ക്കാം. ചെമ്പുമോതിരം ധരിയ്ക്കാം.