ഇവ ചെയ്താല്‍ സാമ്പത്തികപ്രയാസം മാറും

പൂജാസമയത്ത് പവിഴം

പൂജാസമയത്ത് പവിഴം സമീപത്തു വയ്ക്കുക. ഇതു വച്ച് ഓം ശ്രീ നമ എന്ന പ്രാര്‍ത്ഥന ഉരുവിടുകയും ചെയ്യാം. ഇത് ദിവസവും ചെയ്യുക.

പിതൃദോഷം കാരണം

പിതൃദോഷം കാരണം പണം സമ്പാദിയ്ക്കാന്‍ കഴിയാതെ വരുമെന്ന് ജ്യോതിഷം പറയുന്നു. പ്രായമായവരെ സഹായിക്കുക, അവരെ സേവിയ്ക്കുക. സൂര്യനെ ധ്യാനിച്ചു ഗായത്രീ മന്ത്രം ജപിയ്ക്കുന്നതും നല്ലതാണ്

ശിവനെ പ്രാര്‍ത്ഥിയ്ക്കുക

ശിവനെ പ്രാര്‍ത്ഥിയ്ക്കുക. നിയമ പ്രകാരം രുദ്രാക്ഷം ധരിയ്ക്കുക. മോതിരവിരലില്‍ ചെമ്പു മോതിരം ധരിയ്ക്കുക, ഇടതു വിരലിലും ചൂണ്ടുവിരലിലും വെള്ളിമോതിരം ധരിയ്ക്കുക ഇവയെല്ലാം ധനസമ്പാദനത്തിന് ജ്യോതിഷം നിര്‍ദേശിയ്ക്കുന്ന വഴികളാണ്.

കാളയ്ക്ക് ശര്‍ക്കര

കാളയ്ക്ക് ശര്‍ക്കര നല്‍കുന്നത് ജ്യോതിഷ പ്രകാരം ധനം നേടാനുള്ള നല്ലൊരു വഴിയാണ്. പശുവിന് ഉരുളക്കിഴങ്ങും ധാന്യവും നല്‍കാം. പാവങ്ങള്‍ക്കു മധുരവും ഭക്ഷണവും നല്‍കുക. ഇതു ചില വഴികളില്‍ പെടുന്നു.

പൂജയ്ക്കും പ്രാര്‍ത്ഥനയ്ക്കും ശേഷം

പൂജയ്ക്കും പ്രാര്‍ത്ഥനയ്ക്കും ശേഷം പാലില്‍ ചന്ദനം അരച്ചു കുറി തൊടുന്നത് നല്ലതാണ്. പ്രാര്‍ത്ഥിയ്ക്കുമ്പോള്‍ സമീപത്ത് തേനും സിന്ദൂരവും വയ്ക്കുന്നതു നല്ലതാണ്.

തുളസി

വീട്ടില്‍ തുളസി നടുക. കൃത്യമായി പരിപാലിയ്ക്കുക. വ്യാഴാഴ്ചകളില്‍ പാല്‍ കൊണ്ടു പൂജിയ്ക്കുക. സന്ധ്യാസയമം കഴിഞ്ഞാല്‍ തുളസിയില പറിയ്ക്കരുത്.

വീടിന്റെ വാതില്‍

വീടിന്റെ വാതില്‍ സന്ധ്യാസമയത്ത് വിളക്കു വയ്ക്കുമ്പോള്‍ അടച്ചിടരുത്. വീടിന്റെ വാതില്‍ പടിഞ്ഞാറു ദിശയിലെങ്കില്‍ ഇതില്‍ ഒരു കഷ്ണം മഞ്ഞത്തുണി കെട്ടുക. വീടിന്റെ പ്രവേശനവഴി വിശാലമാകണം. വടക്കുദിശയില്‍ പൂജിയ്ക്കാനുള്ള പൂജാമുറിയോ സംവിധാനമോ വേണം. വീട്ടിലെ വെള്ളത്തിന്റെ ഒഴുക്ക്, അതായത് വാട്ടര്‍ ഫൗണ്ടനോ മറ്റോ ഉണ്ടെങ്കില്‍ വടക്കു ദിശയിലേയ്ക്കാകണം, അല്ലെങ്കില്‍ വടക്കു കിഴക്ക്.

വീട്ടില്‍ ശനി യന്ത്രം

വീട്ടില്‍ ശനി യന്ത്രം വയ്ക്കുന്നത് ധനാകര്‍ഷണത്തിന് നല്ലതാണ്. ഇതുപോലെ സ്ഫടികത്തിന്റെ ശിവവിഗ്രഹവും നല്ലതാണ്. നടരാജ വിഗ്രഹം പൊതുവെ വീട്ടില്‍ പാടില്ലെന്നു പറയും. കാരണം ഇത് ഉഗ്രമൂര്‍ത്തിയായ ഭഗവാന്റെ ഭാവമാണ്. പണ്ടു കാലങ്ങളില്‍ ഉണ്ടായിരുന്നതുപോലെ വീടിന്റെ ഉമ്മറത്ത് വെള്ളം വയ്ക്കുന്നത് നല്ലതാണ്. കിണ്ടിയിലോ മറ്റോ ഇതു വയ്ക്കാം.