ഭക്ഷണം ഓര്‍ഡര്‍ ചെയ്തു, കിട്ടിയത് പാതി കഴിച്ചത്‌

വീഡിയോ നമുക്കിടയില്‍ നിന്ന്

ഇത് സംഭവിച്ചിരിക്കുന്നത് നമുക്കിടയില്‍ തന്നെയാണ്. വളരെ പ്രമുഖരായ ഒരു ഓണ്‍ലൈന്‍ ഫുഡ് ഡെലിവറി സൈറ്റ് ആണ് ഇത്തരമൊരു ആരോപണത്തില്‍ പെട്ടിരിക്കുന്നത്. ഈ വീഡിയോയില്‍ നിന്ന് തന്നെ വ്യക്തമാണ് അയാള്‍ ഏത് സൈറ്റിലെ ജോലിക്കാരനാണ് എന്നത്. കൂടുതല്‍ വിവരങ്ങളെക്കുറിച്ച് അറിയാം.

വീഡിയോ വൈറലായി

നിമിഷ നേരങ്ങള്‍ കൊണ്ടാണ് ഇതിന്റെ വീഡിയോ വൈറലായത്. മദന്‍ ചിക്‌ന എന്ന ട്വിറ്റര്‍ അക്കൗണ്ട് വഴിയാണ് ഇത് പുറത്ത് വിട്ടിരിക്കുന്നത്. കൂപ്പണ്‍ കോഡ് ഉപയോഗിക്കുമ്പോള്‍ അത് എന്താണ് നല്‍കുന്നത് എന്ന് അറിയാന്‍ അവസാനം വരെ കാണൂ എന്നാണ് ഇതില്‍ പറഞ്ഞിരിക്കുന്നത്.

സംഭവിച്ചത് ഇങ്ങനെ

എന്താണ് സംഭവിച്ചത് എന്നറിയാന്‍ ഇത് വായിക്കൂ. ഓര്‍ഡര്‍ എടുത്ത ഭക്ഷണം കൊണ്ട് വരുമ്പോള്‍ അതില്‍ നിന്നും പാക്കറ്റ് പുറത്തെടുത്ത് അതില്‍ നിന്ന് ഭക്ഷണം രുചിച്ച് നോക്കുകയായിരുന്നു. മാത്രമല്ല മറ്റൊരു പാക്കറ്റില്‍ നിന്നും ഇത് പോലെ ഭക്ഷണം എടുത്ത് രുചിച്ച് നോക്കുന്നുണ്ടായിരുന്നു. വീണ്ടും പഴയത് പോലെ തന്നെ പൊട്ടിച്ച് ടേസ്റ്റ് നോക്കിയ ഭക്ഷണം അതു പോലെ തന്നെ എടുത്ത് വെക്കുകയായിരുന്നു അയാള്‍ ചെയ്തത്.

സമീപത്തുണ്ടായിരുന്നവര്‍

എന്നാല്‍ സമീപത്ത് ഉണ്ടായിരുന്നവരില്‍ ആരോ ഇത് വീഡിയോ എടുത്ത് പോസ്റ്റ് ചെയ്യുകയായിരുന്നു. നിമിഷ നേരം കൊണ്ടാണ് ഈ വീഡിയോ വൈറലായി മാറിയത്. എല്ലാ ഭക്ഷണവും പൊതി തുറന്ന് അല്‍പാല്‍പമായി കഴിച്ച ശേഷം വീണ്ടും അതു പോലെ തന്നെ പൊതിഞ്ഞ് വെക്കുകയായിരുന്നു അയാള്‍ ചെയ്തത്.

കമ്പനി എടുത്ത നടപടി

ഇയാളുടെ ഇത്തരം പ്രവൃത്തിയില്‍ പ്രതിഷേധിച്ച് അയാളെ ജോലിയില്‍ നിന്ന് പറഞ്ഞു വിട്ടതായി കമ്പനി അറിയിച്ചു. പല പ്രമുഖരും ഈ വീഡിയോ ഷെയര്‍ ചെയ്യുകയായിരുന്നു. ഇനിയെങ്കിലും ഇത്തരത്തിലുള്ള മാര്‍ഗ്ഗത്തിലൂടെ ഭക്ഷണം ഓര്‍ഡര്‍ ചെയ്യുമ്പോള്‍ വളരെയധികം ശ്രദ്ധിക്കണം. കാരണം ഇത് പലപ്പോഴും ആരെങ്കിലും കഴിച്ചതിന്റെ ബാക്കിയായിരിക്കും എന്നതിനുള്ള സാധ്യത തള്ളിക്കളയാനാവില്ല.