ഇവയൊന്നും ആര്‍ക്കും ദാനം ചെയ്യരുത്, ഭാഗ്യദോഷം ഫലം

മോശമായ ഭക്ഷണം

ഭക്ഷണം കളയണം എന്ന് വിചാരിച്ച് ദാനം ചെയ്യുന്നവരുണ്ട്. ഒരിക്കലും മോശമായ ഭക്ഷണം ദാനം ചെയ്യരുത്. ഇത് നിങ്ങള്‍ക്ക് തന്നെ ദാരിദ്ര്യം കൊണ്ട് വരും എന്ന കാര്യത്തില്‍ സംശയം വേണ്ട. മാത്രമല്ല ഇത്തരത്തില്‍ മോശമായ ഭക്ഷണം കഴിച്ച് ദാനം സ്വീകരിച്ച ആള്‍ക്ക് വല്ലതും സംഭവിച്ചാല്‍ അതും നിങ്ങളുടെ ഉത്തരവാദിത്വമായി മാറും.

മൂര്‍ച്ചയുള്ള വസ്തുക്കള്‍

മൂര്‍ച്ചയുള്ള വസ്തുക്കളാണ് മറ്റൊന്ന്. ഒരിക്കലും മൂര്‍ച്ചയുള്ള വസ്തുക്കള്‍ ദാനം ചെയ്യരുത്. കത്തി, കത്രിക, സൂചി തുടങ്ങിയവ മറ്റുള്ളവര്‍ക്ക് നല്‍കരുത് ഒരിക്കലും. ഇത് നിങ്ങളുടെ പ്രിയപ്പെട്ടവര്‍ വരെ നിങ്ങളോട് അകലാനും അവരുമായി ഒരു വാക്കുതര്‍ക്കത്തിലേക്കും നയിക്കും.

പൊട്ടിപ്പോവുന്ന വസ്തുക്കള്‍

വീണുടയുന്ന വസ്തുക്കളാണ് മറ്റൊന്ന്. ജ്യോതിശാസ്ത്രപ്രകാരം ഇത്തരം വസ്തുക്കള്‍ ദാനം ചെയ്യുന്നത് നിങ്ങളുടെ ജോലിസംബന്ധമായ വളര്‍ച്ചയെ ഇല്ലാതാക്കുന്നു. മാത്രമല്ല സാമ്പത്തികമായും പല കോട്ടങ്ങളും ഇതിലൂടെ ഉണ്ടാവുന്നു.

പ്ലാസ്റ്റിക് വസ്തുക്കള്‍

പ്ലാസ്റ്റിക് വസ്തുക്കള്‍ ദാനം ചെയ്യുന്നതും നിര്‍ഭാഗ്യം വിളിച്ച് വരുത്തും. ഇത് നിങ്ങളുടെ കുടുംബത്തിന്റെ ഐശ്വര്യത്തേയും ഇല്ലാതാക്കുന്നു.

ചൂല്‍

ചൂല്‍ മറ്റുള്ളവരില്‍ നിന്നും വാങ്ങുന്നത് പലപ്പോഴും പല വിധത്തില്‍ സാമ്പത്തിക നഷ്ടത്തിന് കാരണമാകുന്നു. ജ്യോതിഷപ്രകാരം ഇത് ലക്ഷ്മീ ദേവിയുടെ ഇറങ്ങിപ്പോക്കിനും സാമ്പത്തിക വളര്‍ച്ചയ്ക്കും തടസ്സമാകുന്നു.

ചെരുപ്പ്

മറ്റുള്ളവര്‍ക്ക് ചെരുപ്പ് ദാനം ചെയ്യുന്നവരും അല്‍പം സൂക്ഷിക്കണം. നിങ്ങളിലെ ദാരിദ്ര്യത്തിനാണ് ഇത് കാരണമാകുന്നത്. പ്രത്യേകിച്ച് ഉപയോഗിച്ച് ചെരുപ്പ് പഴകിയ ചെരുപ്പ് എന്നിവയെല്ലാം ദാരിദ്ര്യം വരുത്തി വെയ്ക്കുന്നു.