പുരികക്കൊടിയില്‍ ഒളിഞ്ഞിരിയ്ക്കും ഭാഗ്യ രഹസ്യം

സാധാരണ പുരികം

സാധാരണ പുരികം എന്ന് പറഞ്ഞാല്‍ മീഡിയം കട്ടിയും നീളവും ഉള്ള പുരികമാണ്. ഇത്തരക്കാര്‍ സാധാരണയായി ആകാംഷ കൂടുതലുള്ളവര്‍ ആയിരിക്കും. ഇവരില്‍ തന്നെ ചിലര്‍ ആത്മാര്‍ത്ഥതയുള്ളവരും ചിലര്‍ കൃത്രിമമായി ബന്ധങ്ങളെ കെട്ടിച്ചമയ്ക്കുന്നവരും ആയിരിക്കും.

നീളക്കൂടുതലുള്ള പുരികം

നീളക്കൂടുതലുള്ള പുരികമാണ് മറ്റൊന്ന്. മാനസിക സമ്മര്‍ദ്ദം കൂടുതലുള്ളവരായിരിക്കും ഇത്തരക്കാര്‍. മാത്രമല്ല പുതിയ വസ്തുക്കളില്‍ ഭ്രമമേറുന്നവരുമായിരിക്കും ഇവര്‍. എല്ലാ പ്രശ്‌നങ്ങളേയും സ്വന്തമായി തന്നെ പരിഹരിയ്ക്കാന്‍ കഴിവുള്ളവരുമായിരിക്കും.

ചെറിയ പുരികങ്ങള്‍

ചെറിയ പുരികങ്ങള്‍ ഉള്ളവരാണ് മറ്റൊരു കൂട്ടര്‍. എല്ലാ കാര്യത്തിലും പൂര്‍മത വേണമെന്ന് ആഗ്രഹിക്കുന്നവരായിരിക്കും ഇവര്‍. എപ്പോഴും പ്രശ്‌നങ്ങളെക്കുറിച്ച് ചിന്തിയ്ക്കാതെ എന്തിനും പരിഹാരം വേണമെന്ന് ആഗ്രഹിക്കുന്നവരായിരിക്കും ഇവര്‍.

കട്ടി കൂടിയ പുരികം

കട്ടികൂടിയ പുരികങ്ങള്‍ ഉള്ളവര്‍ക്ക് ഏത് കാര്യത്തിലും പോസിറ്റീവ് ഫലമായിരിക്കും ലഭിയ്ക്കുക. ബന്ധങ്ങളില്‍ വിള്ളലുണ്ടാകുമെങ്കിലും അതിനെയെല്ലാം തരണം ചെയ്ത മുന്നോട്ട് പോവാന്‍ ഇത്തരക്കാര്‍ക്ക് കഴിയും. മറ്റുള്ളവര്‍ എന്ത് വിചാരിയ്ക്കുമെന്ന് ഇവര്‍ക്ക് ആലോചനയില്ല. അവനവന്റെ സ്വാതന്ത്ര്യം ആഘോഷിക്കുക എന്നതായിരിക്കും ഇവരുടെ പോളിസി.

ഉയര്‍ന്ന ആര്‍ച്ച് പോലുള്ള പുരികം

ഉയര്‍ന്ന ആര്‍ച്ച് പോലുള്ള പുരികമുള്ളവര്‍ സെലക്ടീവായിരിക്കും ഏത് കാര്യത്തിലും. അവനവനിലൊതുങ്ങി ജീവിയ്ക്കുന്നവരായിരിക്കും ഇത്തരക്കാര്‍.

ത്രികോണാകൃതിയിലുള്ള പുരികം

ത്രികോണാകൃതിയിലുള്ള പുരികമുള്ളവര്‍ക്ക് വ്യക്തമായ ഒരു കാഴ്ചപ്പാട് ജീവിതത്തെക്കുറിച്ച് ഉണ്ടാവും. ഏത് തീരുമാനവും ശരിയെന്ന രീതിയില്‍ കൈക്കൊള്ളാന്‍ ഇവര്‍ക്ക് കഴിയും. മറ്റുള്ളവര്‍ക്ക് പ്രചോദനമാകുന്നവരായിരിക്കും ഇത്തരക്കാര്‍.

നീളത്തിലുള്ള പുരികമുള്ളവര്‍

നീളത്തിലുള്ള പുരികമുള്ളവരാണ് മറ്റൊരു കൂട്ടര്‍. ഇവര്‍ക്കാവട്ടെ നേരേ വാ നേരെ പോ എന്ന സ്വഭാവമായിരിക്കും. മാത്രമല്ല എന്തിനേയും അളന്ന് കുറിച്ച് കൈകാര്യം ചെയ്യുന്നവരായിരിക്കും ഇവര്‍.

നിറം കുറഞ്ഞ പുരികം

നിറം കുറഞ്ഞ പുരികമാണ് നിങ്ങളുടേതെങ്കില്‍ പ്രത്യേകിച്ച് ആകൃതി ഇല്ലാത്ത പുരികം ഉള്ളവര്‍ ആത്മവിശ്വാസത്തോടെ കാര്യങ്ങളെ അവതരിപ്പിക്കാന്‍ കഴിവില്ലാത്തവരാണ് ഇത്തരക്കാര്‍.