വിവാഹത്തിന് അരിയും പൂവും എറിയുന്നതെന്തിന്?

Published: Thursday, October 6, 2016, 16:44 [IST]

ഓരോ നാട്ടിലും ഓരോ സംസ്‌കാരമാണ് നിലവുലുള്ളത്. ഏത് കാര്യത്തിലായാലും അവര്‍ പിന്തുടരുന്നതും ഇത്തരം ആചാരങ്ങളും അവരുടെ സംസ്‌കാരവും ആയിരിയ്ക്കും. വിവാഹത്തിന്റെ കാര്യത്തില്‍ പ്രത്യേകിച്ച്.

വിവാഹവേളയില്‍ പ്രത്യേകിച്ച് താലികെട്ടുന്ന ചടങ്ങില്‍ വധൂവരന്‍മാരുടെ ദേഹത്തേക്ക് അരിയും പൂവും എറിയുന്ന ചടങ്ങ് നമ്മളെല്ലാവരും കണ്ടിട്ടുണ്ട്.

എന്നാല്‍ എന്താണ് ഇതിന് പിന്നിലുള്ള രഹസ്യം, എന്തിനാണ് ഇത്തരത്തില്‍ അരിയും പൂവും എറിയുന്നത് എന്ന് നിങ്ങള്‍ക്കറിയാമോ? വര്‍ഷങ്ങള്‍ പഴക്കമുള്ള ഒരു ചടങ്ങാണ് ഇത്. നമ്മള്‍ മലയാളികള്‍ക്കിടയില്‍ മാത്രമല്ല ഇത്തരമൊരു ചടങ്ങുള്ളത്.

തുടക്കം റോമില്‍

റോമിലാണ് ഇത്തരമൊരു ചടങ്ങിന്റെ തുടക്കം എന്നാണ് പറയപ്പെടുന്നത്. നവ വധൂവരന്‍മാര്‍ക്ക് എല്ലാ വിധത്തിലുള്ള അനുഗ്രഹാശിസ്സുകളും നല്‍കുക എന്നത് തന്നെയാണ് ഇതിന്റെ ലക്ഷ്യം.

ഭാഗ്യം കൊണ്ടുവരാന്‍

ഇത്തരത്തില്‍ വരന്റെ ബന്ധുക്കളും വധുവിന്റെ ബന്ധുക്കളും ചേര്‍ന്ന് ചെയ്യുന്നത് ഭാഗ്യം കൊണ്ട് വരാന്‍ കാരണമാകും എന്നാണ് വിശ്വാസം.

മൊറോക്കയിലും ഇത്തരമൊരു വിശ്വാസം

മൊറോക്കയിലും ഇത്തരത്തില്‍ ഒരു ആചാരം നിലനില്‍ക്കുന്നു എന്നാണ് പറയപ്പെടുന്നത്. വിവാഹനാളില്‍ ബന്ധുക്കളൊഴികെ വിവാഹത്തില്‍ പങ്കെടുക്കുന്നവരെല്ലാം ഇത്തരത്തില്‍ അരിയും പൂവും വധുവിന്റേയും വരന്റേയും ദേഹത്തേക്ക് എറിയും.