ജന്മമാസവും രുദ്രാക്ഷവും, ഭാഗ്യം തേടി വരും

ചിങ്ങമാസത്തില്‍ ജനിച്ചവര്‍

ചിങ്ങമാസത്തില്‍ ജനിച്ചവര്‍ സൂര്യഭഗവാന്റെ അനുഗ്രഹം ഉള്ളവരാണ്. ഇവര്‍ ഏകമുഖമുള്ള രുദ്രാക്ഷമോ 12 മുഖമുള്ള രുദ്രാക്ഷമോ ധരിയ്ക്കാം. ആരോഗ്യകരമായി നല്ല ഫലങ്ങള്‍ ലഭിയ്ക്കാന്‍ ഇത് തന്നെയാണ് മുന്നില്‍.

കന്നിമാസത്തില്‍ ജനിച്ചവര്‍

ബുധനാണ് ഇവരുടെ ഗ്രഹം. ഇത്തരക്കാര്‍ നാല് മുഖമുള്ള രുദ്രാക്ഷം ധരിയ്ക്കുന്നതാണ് നല്ലത്. ഇത് സാമ്പത്തികലാഭത്തിനും ആരോഗ്യത്തിനും ഇത്തരക്കാരെ വളരെയധികം സഹായിക്കും.

തുലാം

ശുക്രനാണ ഇവരുടെ ഗ്രഹം. ആറ് മുഖമുള്ള രുദ്രാക്ഷമാണ് ഇവര്‍ ധരിക്കേണ്ടത്. കൂടാതെ 13 മുഖമുള്ള രുദ്രാക്ഷവും ഇവര്‍ക്ക് ഭാഗ്യം നല്‍കുന്നതാണ്.

വൃശ്ചികം

ചൊവ്വയാണ ഇവരുടെ ഗ്രഹം. ഇത്തരക്കാര്‍ മൂന്ന് മുഖമുള്ള രുദ്രാക്ഷം ധരിയ്ക്കുന്നതാണ് ആയുരാരോഗ്യത്തിന് നല്ലത്.

ധനു

വ്യാഴമാണ് ധനുമാസത്തില്‍ ജനിച്ചവരുടെ ഗ്രഹം. അഞ്ച് മുഖമുള്ള രുദ്രാക്ഷം ധരിയ്ക്കുന്നത് എന്തുകൊണ്ടും നല്ലതാണ്. ഇത് സമ്പത്തിനെ ആകര്‍ഷിയക്കും.

മകരം

ശനിദേവനാണ് ഇവരുടെ ഗ്രഹം. ഏഴുമുഖമുള്ള രുദ്രാക്ഷം ധരിയ്ക്കുന്നത് ശനിദോഷനിവാരണത്തിന് സഹായിക്കുന്നു. മാത്രമല്ല 14 മുഖവും ഇവര്‍ക്ക് സഹായകമാണ്.

കുംഭം

ശനി തന്നെയാണ് ഇവരുടേയും ഗ്രഹം. ഏഴ് മുഖമുള്ള രുദ്രാക്ഷം തന്നെയാണ് ഇവര്‍ക്കും നല്ലത്. ഭാഗ്യം എവിടെയാണെങ്കിലും ഇവരെ തേടിയെത്തും.

മീനം

വ്യാഴമാണ് ഇവരുടെ ഗ്രഹം. അഞ്ച് മുഖമുള്ള രുദ്രാക്ഷം ധരിയ്ക്കുന്നത് വിദ്യാഭ്യാസപരമായും ഇവരെ ഉയര്‍ത്തുന്നു.

മേടം

മേടമാസത്തില്‍ ജനിച്ചവര്‍ ചൊവ്വാഗ്രഹത്തിന്റെ അധീനതയില്‍ വരുന്നവരാണ്. മൂന്ന് മുഖമുള്ള രുദ്രാക്ഷമാണ് ഇവര്‍ക്ക് ചേരുന്നത്.

ഇടവം

വ്യാഴമാണ് ഇവരുടെ ഗ്രഹം. ഭാഗ്യം കൊണ്ട് വരാന്‍ ഇത്തരക്കാര്‍ ആറ് മുഖമുള്ള രുദ്രാക്ഷമാണ് ഇവര്‍ ധരിയ്‌ക്കേണ്ടത്.

മിഥുനം

ബുധനാണ് മിഥുന രാശിക്കാരുടെ ഗ്രഹം. ഇവര്‍ക്ക് നാല് മുഖമുള്ള രുദ്രാക്ഷം ധരിയ്ക്കുന്നതാണ് നല്ലത്.

കര്‍ക്കിടകം

ചന്ദ്രനാണ് ഇവരെ ഭരിയ്ക്കുന്നത്. ഇരുമുഖമുള്ള രുദ്രാക്ഷമാണ് ഇവര്‍ക്കേറ്റവും അനുയോജ്യം. ഇത് ഇത്തരക്കാരെ ആരോഗ്യത്തിനും ബന്ധങ്ങളില്‍ വിശ്വാസം സൂക്ഷിക്കുന്നതിനും സഹായിക്കും.