വട്ടമുഖമാണോ എങ്കില്‍ ഭാഗ്യം നിങ്ങളോടൊപ്പം

ഓവല്‍ ഷേപ്പ്

ഓവല്‍ഷേപ്പ് എന്ന് പറഞ്ഞാല്‍ മുട്ടയുടെ ആകൃതിയുള്ള മുഖം എന്നാണ്. ഏത് കാര്യവും തുറന്ന് പറയാന്‍ കഴിയുന്നവരാണ് ഇവര്‍. അത് കൊണ്ട് തന്നെ വിഷമകരമായ ഏത് കാര്യങ്ങളേയും ഇവര്‍ക്ക് തരണം ചെയ്യാന്‍ കഴിയും. വിധിയില്‍ വിശ്വസിക്കുന്നവരാണ് ഇവര്‍.

ത്രികോണാകൃതിയില്‍ മുഖമുള്ളവര്‍

ത്രികോണാകൃതിയില്‍ മുഖമുള്ളവരുടെ കൂടപ്പിറപ്പാണ് വിജയം. വിജയത്തിനു വേണ്ടി എത്ര കഷ്ടപ്പെടാനും ഇവര്‍ തയ്യാറാകും. ഏത് കാര്യത്തേയുെ നിയന്ത്രിക്കാനും പരിധിയില്‍ നിര്‍ത്താനും ഇവര്‍ക്ക് കഴിയും.

വട്ടമുഖമുള്ളവര്‍

നമ്മളില്‍ പലരുടേയും മുഖം വൃത്താകൃതിയില്‍ ആയിരിക്കും. മറ്റുള്ളവരെ ആകര്‍ഷിക്കാന്‍ കഴിവുള്ളവരായിരിക്കും. നിങ്ങളുടെ ആവശ്യത്തേക്കാള്‍ മറ്റുള്ളവരുടെ ആവശ്യങ്ങള്‍ക്കായിരിക്കും ഇവര്‍ പ്രാധാന്യം നല്‍കുക. മറ്റുള്ളവരുടെ സന്തോഷത്തിനും ഇഷ്ടത്തിനും പ്രാധാന്യം നല്‍കുന്നവരായിരിക്കും ഇവര്‍.

ചതുരാകൃതിയില്‍ മുഖമുള്ളവര്‍

ചതുരാകൃതിയില്‍ മുഖമുള്ളവരും ഒട്ടും കുറവല്ല. തമാശ ആസ്വദിയ്ക്കാനും തമാശ രൂപേണ എല്ലാ കാര്യത്തിനും തീര്‍പ്പ് കല്‍പ്പിക്കാന്‍ കഴിയുന്നവരും ആയിരിക്കും ഇത്തരക്കാര്‍. മാത്രമല്ല ഏത് കാര്യത്തേയും വിജയത്തിലേക്ക് നയിക്കാന്‍ ഇവര്‍ക്കുള്ള കഴിവ് വളരെ വലുതാണ്.

ഹൃദയാകൃതിയില്‍ മുഖമുള്ളവര്‍

ഹൃദയാകൃതിയില്‍ മുഖമുള്ളവര്‍ ഒട്ടും കുറവല്ല നമുക്കിടയില്‍. ഇവര്‍ സ്‌നേഹിക്കാന്‍ മാത്രം അറിയുന്നവരായിരിക്കും. എന്നാലും ഏത് സാഹചര്യത്തേയും ഉറച്ച മനസ്സോടെ നേരിടാന്‍ ഇവര്‍ മുന്നിലായിരിക്കും. ക്രിയേറ്റീവ് ആയി കാര്യങ്ങളെ തീരുമാനിയ്ക്കാന്‍ ഇവര്‍ക്ക് കഴിയും.

നീളത്തില്‍ മുഖമുള്ളവര്‍

നീണ്ട മുഖമുള്ളവര്‍ക്ക് സമ്മര്‍ദ്ദങ്ങള്‍ക്ക് അടിമപ്പെട്ട് ജീവിയ്ക്കുന്നവരായിരിക്കും. എന്നാലും ജോലിയോടുള്ള ആത്മാര്‍ത്ഥതയും ഏറ്റെടുത്ത കാര്യങ്ങള്‍ ചെയ്ത് തീര്‍ക്കാനുള്ള കഴിവും ഇവര്‍ക്ക് കൂടുതലായിരിക്കും. വാക്കുകള്‍ ഉപയോഗിക്കുമ്പോള്‍ സൂക്ഷിച്ച് അളന്ന് മുറിച്ച് പ്രവര്‍ത്തിക്കുന്നവരായിരിക്കും ഇവര്‍.