കയ്യിലെ വിവാഹ രേഖകള്‍ സത്യമോ?

ബന്ധത്തിന്റെ തീവ്രത

നിങ്ങളുടെ കയ്യിലെ താഴ്‌വശത്ത് ചെറുവിരലിന് അടുത്തു കിടക്കുന്ന രേഖകളാണ് വിവാഹരേഖകള്‍ എന്നു പറയുന്നത്. ചെറുവിരലും ഹൃദയ രേഖയും തമ്മിലുള്ള അകലം കണക്കാക്കിയാണ് വിവാഹത്തിലെ ബന്ധങ്ങളുടെ തീവ്രത കണക്കാക്കുന്നത്.

25 വയസ്സില്‍ വിവാഹം

25 വയസ്സില്‍ വിവാഹം കഴിയ്ക്കുന്നവരുടെ കൈരേഖ എങ്ങനെയെന്ന് നിങ്ങള്‍ക്കറിയാമോ? വിവാഹ രേഖകളില്‍ നടുവിലുള്ള വരയ്ക്ക് അല്‍പം നിറം കൂടുതല്‍ ആണെങ്കില്‍ ഇത് വിവാഹം 25 വയസ്സില്‍ നടക്കുമെന്നതിന്റെ സൂചനയാണ്.

നേരത്തേയുള്ള വിവാഹം

നേരത്തേയുള്ള വിവാഹമാണ് മറ്റൊന്ന്. ഹൃദയ രേഖയ്ക്ക് അടുത്താണ് നീളം കൂടിയ വിവാഹ രേഖയെങ്കില്‍ വിവാഹം നേരത്തെ നടക്കുമെന്നാണ് സൂചിപ്പിക്കുന്നത്. എന്നാല്‍ നീളം കൂടിയ രേഖനിങ്ങളുടെ ചെറുവിരലിന് അടുത്താണെങ്കില്‍ വിവാഹത്തിന് കാലതാമസമുണ്ടാകും.

ഒന്നിലധികം വിവാഹം

ചെറുവിരലിന് അടുത്തുള്ള വിവാഹ രേഖകള്‍ നിരവധി ഉണ്ടെങ്കില്‍ അത്തരക്കാര്‍ക്ക് ഒന്നിലധികം വിവാഹം കഴിയ്ക്കാനുള്ള യോഗമുണ്ടെന്നാണ് പറയുന്നത്.

തകരുന്ന ദാമ്പത്യം

വിവാഹരേഖകളില്‍ ഒന്നിലധികം വരകള്‍ക്കും നിറം കൂടുതലാണെങ്കില്‍ ഇത് തകരുന്ന ദാമ്പത്യത്തിന്റെ ലക്ഷണമാണ്.

അന്യമത വിവാഹം

വിവാഹരേഖകള്‍ കയ്യിലെ മറ്റു രേഖകളെ അപേക്ഷിച്ച് ചെറുതോ വലുതോ ആയാല്‍ ഇത് ഇന്റര്‍ കാസ്റ്റ് മാര്യേജ് സാധ്യത എന്നാണ് പറയപ്പെടുന്നത്.

ആരോഗ്യവും വിവാഹവും

വിവാഹ രേഖകള്‍ ഇടയ്ക്ക് മുറിഞ്ഞു പോകുന്നുണ്ടെങ്കില്‍ നിങ്ങളുടെ പങ്കാളി അനുഭവിക്കേണ്ടി വരുന്ന ആരോഗ്യ പ്രശ്‌നങ്ങളാണ് ഇവിടെ വെളിവാകുന്നത്.

വിവാഹമോചനവും

വിവാഹത്തെ പോലെ തന്നെ പ്രാധാന്യം ഉള്ളതാണ് വിവാഹ മോചനവും. വിവാഹ രേഖകളില്‍ എവിടെയെങ്കിലും ഒരു കുത്തോ പുള്ളിയോ ഉണ്ടെങ്കില്‍ വിവാഹം വിവാഹമോചനത്തിലേക്കാണ് നയിക്കുക.

സ്‌നേഹബന്ധം ഒന്നിലധികം

പലപ്പോഴും നാലിലധികം വിവാഹരേഖകള്‍ ഉണ്ടെങ്കില്‍ സ്‌നേഹ ബന്ധങ്ങളുടെ എണ്ണവും കൂടുതലായിരിക്കും എന്നാണ് പറയുന്നത്.