ഗുളികയുടെ കവറിലെ ഒഴിഞ്ഞ അറയുടെ രഹസ്യമെന്ത്?

സുരക്ഷാകവചമെന്ന അറകള്‍

ടാബ്ലെറ്റിന്റെ സ്ട്രിപ്പില്‍ കാണുന്ന ഇത്തരം അറകള്‍ ഒരു സുരക്ഷാകവചമായാണ് പ്രവര്‍ത്തിക്കുന്നത്. മരുന്നുകളിലുണ്ടാകുന്ന കെമിക്കല്‍ റിയാക്ഷന്‍ ഒഴിവാക്കാനായാണ് ഇത്തരം സ്ഥലങ്ങള്‍ മരുന്ന് സ്ട്രിപ്പില്‍ ഇടുന്നത്.

ഗുളികകള്‍ തമ്മിലുള്ള അകലം

ഗുളികകള്‍ തമ്മിലുള്ള അകലം വര്‍ദ്ധിപ്പിക്കാനും ഒന്ന് ഒന്നിനോട് കലരാതിരിയ്ക്കാനും ഈ ഒഴിഞ്ഞ അറകള്‍ സഹായിക്കും.

വാണിജ്യപരമായും മുന്നിലാവാന്‍

എന്നാല്‍ എല്ലാ മരുന്നുകളും ഇത്തരത്തില്‍ ഒരു ലക്ഷ്യം വച്ചുള്ളതല്ല. ഒറ്റ ഗുളിക മാത്രമാണ് സ്ട്രിപ്പിലുള്ളതെങ്കില്‍ ഇതില്‍ മരുന്നിന്റെ പൂര്‍ണവിവരം ഉള്‍ക്കൊള്ളിയ്ക്കാനായാണ് ഈ പരിപാടി.

സ്ട്രിപ്പിന്റെ ഭംഗി

പലപ്പോഴും സ്ട്രിപ്പിന്റെ ഭംഗിയ്ക്കായും ഇത്തരം ചില്ലറ അഡ്ജസ്റ്റ്‌മെന്റുകള്‍ ചെയ്യാറുണ്ട്. മാത്രമല്ല ഗുളികയ്ക്ക് പിന്നിലുള്ള വിശദീകരണങ്ങള്‍ കൂടുമ്പോഴും സ്ട്രിപ്പിന്റെ ഭംഗി നിലനിര്‍ത്താനും ഇത് സഹായിക്കും.

ഗുളികകളുടെ ദൈര്‍ഘ്യത്തിന്

പലപ്പോഴും ഗുളികകള്‍ ദീര്‍ഘദൂരത്തേക്ക് കയറ്റി അയയ്ക്കുമ്പോള്‍ അത് പൊടിഞ്ഞു പോകാതിരിയ്ക്കാനും ഈ ഒഴിഞ്ഞ അറകള്‍ സഹായിക്കുന്നു.