പ്ലാസ്റ്റിക് കുപ്പികളിലെ അക്കങ്ങളിലെ മുന്നറിയിപ്പ്

നമ്പര്‍ 1 ആണെങ്കില്‍

പ്ലാസ്റ്റിക് ബോട്ടിലിനു താഴെയുള്ള ത്രികോണ ചിഹ്നത്തിനുള്ളിലുള്ള നമ്പര്‍ 1 ആണെങ്കില്‍ പോളിത്തൈലിന്‍ തെറാപ്തലേറ്റ് കൊണ്ടാണ് ഈ കുപ്പി നിര്‍മ്മിച്ചിരിയ്ക്കുന്നത് എന്ന് പറയാം. ഇത് പെട്ടെന്ന് നശിക്കുമെന്നതിനാല്‍ എക്‌സ്പയറി ഡേറ്റിനു ശേഷം ഉപയോഗിക്കുന്നത് നല്ലതല്ല. അതുകൊണ്ട് തന്നെ കുപ്പിക്കു മുകളില്‍ ക്രഷ് ദ ബോട്ടില്‍ ആഫ്റ്റര്‍ യൂസ് എന്ന് എഴുതിയിരിക്കുന്നതും.

നമ്പര്‍ 2 ആണെങ്കില്‍

പ്ലാസ്റ്റിക് ബോട്ടിലിനു താഴെയുള്ള ത്രികോണ ചിഹ്നത്തിനുള്ളില്‍ നമ്പര്‍ 2 ആണെങ്കില്‍ ഹൈ ഡെന്‍സിറ്റി പോളിത്തിലീന്‍ കൊണ്ടാണ് നിര്‍മ്മിച്ചിരിക്കുന്നത് എന്ന് പറയാം. ഇത് വെള്ളക്കുപ്പികള്‍ ഉണ്ടാക്കാനല്ല ഉപയോഗിക്കുന്നതും. ഡിറ്റര്‍ജന്റ്. ഷാമ്പൂ ബോട്ടിലുകള്‍ ഉണ്ടാക്കുന്നതിനായാണ് ഇത് ഉപയോഗിക്കുന്നത്.

നമ്പര്‍ 3 ആണെങ്കില്‍

പോളിവിനൈല്‍ ക്ലോറൈഡ് അഥവാ പി വി സി ആണ് മൂന്നാം നമ്പര്‍ ആണെങ്കില്‍ ഉപയോഗിക്കുന്നത്. ക്യാന്‍സര്‍ വാഹകരാണ് ഇവര്‍ എന്ന കാര്യത്തില്‍ സംശയമില്ല. കാര്‍സിനോജെന്‍ അടങ്ങിയിട്ടുള്ളതാണ് ഇത്. മെഡിസിന്‍സ് കുപ്പികള്‍, പൈപ്പുകള്‍, എണ്ണയുടെ കുപ്പികള്‍ എന്നിവ ഉണ്ടാക്കാനാണ് ഇവ ഉപയോഗിക്കുന്നത്.

നമ്പര്‍ 4 ആണെങ്കില്‍

ലോ ഡെന്‍സിറ്റ് പോളിത്തൈലിന്‍ ആണ് നാലാം നമ്പര്‍ ആണെങ്കില്‍ ഉപയോഗിക്കുന്നത്. റീസൈക്ലിംഗ് ചെയ്യാം എന്നതാണ് ഇതിന്റെ സൂചന. സുരക്ഷിതമായി ഉപയോഗിക്കാം എന്നതാണ് പ്രത്യേകത. കാനുകള്‍, വേസ്റ്റ് കുട്ടകള്‍ എന്നിവ നിര്‍മ്മിക്കാനാണ് ഇവ ഉപയോഗിക്കുന്നത്.

നമ്പര്‍ 5 ആണെങ്കില്‍

ത്രികോണ ചിഹ്നത്തിനുള്ളില്‍ നമ്പര്‍ 5 ആണെങ്കില്‍ പൊളിപ്രൊപ്പൈലെന്‍ ഉപോഗിച്ചാണ് ഇവ നിര്‍മ്മിച്ചിരിക്കുന്നത് എന്ന് പറയാം. ഏറ്റവും സുരക്ഷിതമായ പ്ലാസ്റ്റിക് ആണ് ഇത്. ഐസ്‌ക്രീം കപ്പുകളും മറ്റും ഉണ്ടാക്കാന്‍ ഉപയോഗിക്കുന്നതാണ് ഇത്.

നമ്പര്‍ 6 ആണെങ്കില്‍

നമ്പര്‍ 6 ആണെങ്കില്‍ പൊളിസ്റ്റൈറന്‍, പോളി കാര്‍ബോണേറ്റ് ബിസ്ഫിനോള്‍ എന്നിവയാണ് ഉപയോഗിക്കുന്നത്. ഇത് പലപ്പോഴും ഹോര്‍മോണ്‍ വ്യതിയാനത്തിനും മറ്റു വൈകല്യങ്ങള്‍ക്കും കാരണമാകുന്നു. പ്ലാസ്റ്റിക് സ്പൂണ്‍, ഫോര്‍ക്ക്, വാട്ടര്‍ ബോട്ടിലുകള്‍ എന്നിവ നിര്‍മ്മിക്കാനാണ് ഇവ ഉപയോഗിക്കുന്നത്.

നമ്പര്‍ 7 ആണെങ്കില്‍

ത്രികോണ ചിഹ്നത്തിനുള്ളില്‍ 7 ആണെങ്കില്‍ റെഡ് ആലേര്‍ട്ട് ആണ് ഇത് സൂചിപ്പിക്കുന്നത് എന്ന് പറയാം. പോളികാര്‍ബോണേറ്റ് ആണ് ഉപയോഗിക്കുന്നത്. ബാഗ് നിര്‍മ്മാണത്തിനാണ് പ്രധാനമായും ഉപയോഗിക്കുന്നത്.