സ്വപ്‌നത്തിനു പിറകിലെ ഭാഗ്യനിര്‍ഭാഗ്യങ്ങള്‍

ഭക്ഷണം

ഓരോരുത്തരുടേയും സ്വപ്‌നങ്ങള്‍ക്ക് ഓരോ തലങ്ങളായിരിക്കും. ഭക്ഷണം സ്വപ്‌നം കാണുന്നവര്‍ അവര്‍ക്കുണ്ടാകാന്‍ പോകുന്ന വ്യാവസായികമായ നേട്ടത്തെയാണ് സൂചിപ്പിക്കുന്നത്.

കുട്ടികള്‍

കുട്ടികളെ സ്വപ്‌നം കാണുന്നത് ശുഭസൂചകമാണ്. പ്രത്യേകിച്ച് വിവാഹം കഴിഞ്ഞ് കാലങ്ങളായി കുട്ടികള്‍ ഇല്ലാത്തവര്‍ക്ക് ശുഭസൂചനയാണ് ഇതിലൂടെ വെളിവാകുന്നത്. സന്താനസൗഭാഗ്യമാണ് ഇത്തരത്തില്‍ പ്രകടമാകുന്നത്.

മരണം

അവനവന്റെ തന്നെ മരണം സ്വപ്‌നം കാണുന്നവര്‍ ദീര്‍ഘായുസ്സോടെ ഇരിയ്ക്കുമെന്നാണ് സ്വപ്‌ന ഫലം. മറ്റുള്ളവരുടെ മരണമാണെങ്കില്‍ ബന്ധുക്കളിലാരെങ്കിലും മരിയ്ക്കാന്‍ സമയമായി എന്നതിന്റെ സൂചനയാണ്.

മരുഭൂമിയിലൂടെ നടക്കല്‍

മരുഭൂമിയിലൂടെ നടക്കുന്നതായി സ്വപ്‌നം കാണുന്നവരും കുറവല്ല. ഈ സ്വപ്‌ന ദര്‍ശനത്തിന്റെ ഫലം ദീര്‍ഘദൂര യാത്രയാണ്.

ആനയെ സ്വപ്‌നം കണ്ടാല്‍

മൃഗങ്ങളില്‍ തന്നെ ആനയെ സ്വപ്‌നം കണ്ടാല്‍ കാര്യവിജയം, സമ്പത്ത്, പുരോഗതി എന്നിവയെയാണ് സൂചിപ്പിക്കുന്നത്.

അച്ഛനെ സ്വപ്‌നം കണ്ടാല്‍

പലപ്പോഴും അച്ഛനമ്മമാരെ സ്വപ്‌നം കാണുന്നവര്‍ കുറവായിരിക്കും. എന്നാല്‍ അച്ഛനെ സ്വപ്‌നം കണ്ടാല്‍ അത് അച്ഛനോടുള്ള നമ്മുടെ സ്‌നേഹത്തെ സൂചിപ്പിക്കുന്നു.

അഗ്നി

അഗിനിബാധയോ, അഗ്നിസംബന്ധമായ എന്തെങ്കിലും കാര്യങ്ങളോ സ്വപ്‌നം കണ്ടാല്‍ അത് ആയുരാരോഗ്യത്തേയും സന്തോഷത്തേയും സൂചിപ്പിക്കുന്നു.

വഴക്കാണെങ്കില്‍

വഴക്ക് പല തരത്തിലുമുണ്ടാകാം. എന്നാല്‍ പലപ്പോഴും വഴക്ക് സ്വപ്‌നം കാണുന്നത് സൂചിപ്പിക്കുന്നത് നമ്മുടെ കുടുംബത്തിലെ ഒത്തൊരുമ നഷ്ടപ്പെടുന്നതായാണ്.

പെണ്‍കുട്ടി ഭാഗ്യലക്ഷണം

പെണ്‍കുട്ടിയെ സ്വപ്‌നം കാണുന്നവര്‍ക്ക് ഭാഗ്യം വരാന്‍ സമയമായി എന്നതാണ് കാര്യം. ഇത് നമ്മുടെ ജീവിത വിജയത്തെ സൂചിപ്പിക്കുന്നു.

പണമാണ് സ്വപ്‌നത്തിലെങ്കില്‍

പണമാണ് നാം സ്വപ്‌നം കാണുന്നതെങ്കില്‍ സാമ്പത്തികമായി നമുക്കുണ്ടാകാന്‍ പോകുന്ന നേട്ടത്തിന്റെ മുന്നോടിയാണ് ഇത്തരത്തിലുള്ള സ്വപ്നം.

അപകടം

അപകടമാണ് സ്വപ്‌നമെങ്കില്‍ അത് പലപ്പോഴും നമുക്കുണ്ടാകാന്‍ പോകുന്ന വലിയ വീഴ്ചയെ സൂചിപ്പിക്കുന്നു. ഇത്തരം സ്വപ്‌നങ്ങള്‍ നമുക്ക് നല്‍കുന്നത് മുന്നറിയിപ്പാണ്.