നിങ്ങളെ വിലയിരുത്തുന്നത് ഇങ്ങനെ?

വസ്ത്രത്തിന്റെ നിറം

വസ്ത്രത്തിന്റെ നിറം പോലും പലരേയും വിലയിരുത്താനുള്ള തുറുപ്പു ചീട്ടായി മാറുന്നുണ്ട്. ചിലര്‍ ശരീരത്തിന്റെ നിറത്തിന് ചേരാത്ത രീതിയിലുള്ള വസ്ത്രം ധരിയ്ക്കുന്നവരുണ്ടാകാം. ഇവരെയൊക്കെ കാണുമ്പോള്‍ തന്നെ പലപ്പോഴും ഒരു നെഗറ്റീവ് ഇംപ്രഷന്‍ പലരിലും ഉണ്ടാവാം.

മാന്യമായ വസ്ത്രധാരണം

മാന്യമായ വസ്ത്രധാരണമാണ് മറ്റൊന്ന്. മാന്യമായ രീതിയില്‍ വസ്ത്രം ധരിയ്ക്കുന്നത് എല്ലാവരുടേയും ശ്രദ്ധയും ആദരവും പിടിച്ച് പറ്റാന്‍ സഹായിക്കുന്നു. എന്നാല്‍ പൊതുവേദിയില്‍ മാന്യമായ രീതിയില്‍ വസ്ത്രം ധരിയ്ക്കാതെയെത്തുമ്പോള്‍ അത് പലപ്പോഴും നെഗറ്റീവ് ചിന്ത കാണുന്നവരില്‍ ഉണ്ടാക്കാന്‍ കാരണമാകും.

ശാരീരിക ചേഷ്ടകള്‍

പലരും ആദ്യം കാണുന്ന മാത്രയില്‍ നമസ്‌കാരം ചെയ്യുകയും ചിലര്‍ കൈ കൊടുക്കുകയും എല്ലാം ചെയ്യും. ഇത്തരം ശാരീരിക ചേഷ്ടകളിലൂടെ നമുക്ക് പലരേയും വിലയിരുത്താന്‍ കഴിയും.

ചെരുപ്പ്

വൃത്തിയുള്ള ചെരുപ്പാണ് മറ്റൊന്ന്. കാല്‍ നോക്കിയാല്‍ പലരുടേയും വൃത്തി മനസ്സിലാവും. ചെരുപ്പ് ധാരണത്തിലൂടെയും ഒരാളുടെ വ്യക്തിത്വം മനസ്സിലാക്കാന്‍ സാധിയ്ക്കും.

നോട്ടം

സംസാരിയ്ക്കുമ്പോള്‍ കണ്ണില്‍ നോക്കി സംസാരിയ്ക്കുന്നയാളെയാണ് എല്ലാവര്‍ക്കും ഇഷ്ടം. എന്നാല്‍ ചിലര്‍ അങ്ങനെയല്ലാതെ സംസാരിയ്ക്കുന്നവരും ഉണ്ട്.

കൃത്യനിഷ്ഠ

ഏത് കാര്യം ചെയ്യുമ്പോഴും ഉള്ള കൃത്യനിഷ്ഠയാണ് മറ്റൊന്ന്. കൃത്യനിഷ്ഠയോട് കൂടി കാര്യങ്ങള്‍ ചെയ്യുന്ന ഒരാളെ വിലയിരുത്താന്‍ എളുപ്പമാണ്.

ഹസ്തദാനം ചെയ്യുന്നത്

പലരും സ്ത്രീ-പുരുഷഭേദമന്യേ ഹസ്തദാനം ചെയ്യാന്‍ ഇഷ്ടപ്പെടുന്നവരാണ്. ഇവര്‍ക്ക് മുന്നില്‍ സ്ത്രീയും പുരുഷനും എല്ലാം ഒരുപോലെ ആണ് എന്നതാണ് കാണിയ്ക്കുന്നത്. ഇത്തരം സ്വഭാവങ്ങളിലടെയും പലരേയും വിലയിരുത്താം.