നിങ്ങള്‍ക്കുമുണ്ടോ ഈ ഫോബിയ?

Pulse

oi-Staff

By Super

Published: Friday, February 19, 2016, 23:03 [IST]

നമ്മളെല്ലാം ഒന്നല്ലെങ്കില്‍ മറ്റൊരു കാര്യത്തെ ഭയപ്പെടുന്നവരാണ്. നിങ്ങള്‍ അത്തരത്തില്‍ എന്തിനെയെങ്കിലും ഭയപ്പെടുന്ന ആളാണെങ്കില്‍ നിങ്ങള്‍ക്കും ഒരു ഫോബിയ ഉണ്ട്. ഇത് ഉത്കണ്ഠ സംബന്ധമായ ഒരു തരം തകരാറാണ്. ഒരു വസ്തുവിനോടോ സാഹചര്യത്തോടോ നിലനില്‍ക്കുന്ന ഭയമാണിത്. ഇതുള്ള വ്യക്തികള്‍ ഈ പ്രശ്നം ഒഴിവാക്കാനായി യഥാര്‍ത്ഥത്തിലുള്ള അപകടസാധ്യതയേക്കാള്‍ കൂടുതലായി ശ്രമം നടത്തും.

ലോകത്തിലെ രസകരങ്ങളായ നാല് ഫോബിയകളെക്കുറിച്ച് അറിയുക. ഇത് നിങ്ങള്ക്ക് ഏറെ രസകരമായി തോന്നാം.

1. ആര്‍ക്കിബ്യൂട്രോഫോബിയ - നിലക്കടല ബട്ടര്‍ വായുടെ മുകള്‍ ഭാഗത്ത് ഒട്ടിപ്പിടിക്കുമോ എന്ന ഭയമാണിത്. ഇത് കുട്ടികളിലാണ് ഏറെയും കാണപ്പെടുന്നത്. ഈ ഭയം നിയന്ത്രണാതീതമാകുമ്പോള്‍ നിലക്കടല കാണുന്നത് പോലും ഭയമുണ്ടാക്കും.

2. ബാരോഫോബിയ - നിങ്ങളുടെ കാലുകള്‍ തറയില്‍ ഉറപ്പിച്ച് നിര്‍ത്താന്‍ സഹായിക്കുന്നത് എന്താണ്? ഗുരുത്വാകര്‍ഷണമാണോ? എന്നിരുന്നാലും ഗുരുത്വാകര്‍ഷണം സംബന്ധിച്ച ബാരോഫോബിയ അനുഭവിക്കുന്ന ഒട്ടേറെ ആളുകള്‍ ലോകത്തിലുണ്ട്.

3. നിയോഫോബിയ - ജീവിതത്തില്‍ പുതിയ കാര്യങ്ങള്‍ പരീക്ഷിക്കാന്‍ നമ്മള്‍ക്കൊക്കെ ഇഷ്ടമാണ്. എന്നാല്‍ നിയോഫോബിയ അനുഭവിക്കുന്നവര്‍ ഇത് വിരുദ്ധമായ സ്വഭാവമുള്ളവരാണ്. തങ്ങളുടെ ജീവിതത്തില്‍ പുതിയ കാര്യങ്ങള്‍ പരിചയപ്പെടുന്നതിനോടുള്ള ഭയമാണിത്. മനസില്‍ പുതിയ ആശയങ്ങള്‍ ഉണ്ടാവുന്നത് ചിലര്‍ക്ക് അഭിമുഖീകരിക്കാന്‍ സാധിക്കാത്ത കാര്യമാണ്.

4. യൂഫോബിയ - തങ്ങളുടെ ദുരിതത്തിന്‍റെ കൂടിനുള്ളില്‍ വസിക്കുന്നവരാണ് യൂഫോബിയ ഉള്ളവര്‍. നല്ല വാര്‍ത്തകള്‍ കേള്‍ക്കുന്നതിനോടുള്ള ഭീതിയാണ് ഇത്. ആരുടെയെങ്കിലും ഒപ്പം ജീവിക്കുന്നതും അവര്‍ വെറുക്കുന്നു.