ഇവിടെ ജീവിയ്ക്കുന്നത് ആയുസ്സ് കൈയ്യില്‍പിടിച്ച്

സിറിയ

സിറിയയിലെ ആഭ്യന്തരയുദ്ധമാണ് എന്നും എപ്പോഴും ലോകം ഉറ്റു നോക്കുന്ന പ്രധാന പ്രശ്‌നം. സുന്നികളും ഷിയകളും തമ്മില്‍ നിരവധി കലാപങ്ങളും യുദ്ധങ്ങളും ഉണ്ടായി. ഇതിന്റെയെല്ലാം അനന്തര ഫലം എപ്പോഴും നിരപരാധികളായ ആളുകളുടെ മരണം തന്നെയായിരുന്നു.

അഫ്ഗാനിസ്ഥാന്‍

അഫ്ഗാനിസ്ഥാനാണ് ലോകത്ത് ജീവിയ്ക്കാന്‍ ആളുകള്‍ ഭയക്കുന്ന മറ്റൊരു രാജ്യം. സെപ്റ്റംബറില്‍ നടന്ന ആക്രമണത്തിനു ശേഷം രാജ്യത്ത് സമാധാനം ഉണ്ടായിട്ടില്ല. മാത്രമല്ല രാജ്യത്ത് സമാധാനം തിരിച്ച് പിടിയ്ക്കാന്‍ ഇത് വരെ സാധിച്ചിട്ടില്ല എന്നതാണ് സത്യം.

സൗത്ത് സുഡാന്‍

ആഭ്യന്തര യുദ്ധം തന്നെയാണ് ഇവിടത്തേയും പ്രശ്‌നം. ലോകത്ത് ഏറ്റവും കൂടുതല്‍ പേടിയ്‌ക്കേണ്ട രാജ്യങ്ങളില്‍ ഒന്നാണ് സുഡാന്‍. യുദ്ധത്തെുടര്‍ന്ന് രാജ്യത്ത് മലേറിയയും എയ്ഡ്‌സും വ്യാപിച്ചു എന്നതായിരുന്നു യുദ്ധത്തിന്റെ അനന്തര ഫലം.

ഇറാഖ്

ഇറാഖിന്റെ മൂന്നിലൊന്ന് ഭരിയ്ക്കുന്നതും ഐസിസ് ആണ്. മതതീവ്രവാദത്തിന്റെ ഏറ്റവും ഭയാനകമായ രൂപമാണ് ഐസിസ് എന്നത്. ലോകത്ത് ഏറ്റവും കൂടുതല്‍ യുദ്ധം നടക്കുന്നത് ഇറാഖിലാണ് എന്ന് പറഞ്ഞാല്‍ അതിശയപ്പെടാനില്ല. മരണത്തെ മുഖാമുഖം കണ്ടു കൊണ്ടാണ് ഇവിടെ ജനങ്ങള്‍ താമസിയ്ക്കുന്നത്.

സൊമാലിയ

ലോകത്തെ പട്ടിണിപ്പാവങ്ങളെ കുറിച്ചാലോചിക്കുമ്പോള്‍ ആദ്യം ഓര്‍മ്മവരുന്നത് സൊമാലിയയാണ്. സൊമാലിയയില്‍ ഗവണ്‍മെന്റ് ഇല്ലാതിരുന്ന സമയത്ത് ആരംഭിച്ച ആഭ്യന്തര യുദ്ധം 1991 വരെ നീണ്ടു നിന്നു. ലോകത്ത് ഏറ്റവും കൂടുതല്‍ ഭയത്തോടെ ജീവിയ്ക്കാന്‍ ആളുകള്‍ പേടിയ്ക്കുന്ന ഒരു രാജ്യമാണ് സൊമാലിയ.

സുഡാന്‍

രാജ്യം ഗവണ്‍മെന്റ് അധികാരത്തിനു കീഴിലല്ലാതിരുന്ന സമയത്ത് അക്രമങ്ങള്‍ നിരവധിയാണ് രാജ്യത്ത് ഉണ്ടായിരുന്നത്. കടുത്ത മനുഷ്യാവകാശ ലംഘനവും ജീവിത നിലവാരമില്ലായ്മയും പലപ്പോഴും ഈ രാജ്യത്തെ ജീവിതസ്ഥിരി വളരെ ദയനീയമാക്കിത്തീര്‍ത്തു.

മദ്ധ്യ ആഫ്രിക്കന്‍ റിപ്പപ്ലിക്

മദ്ധ്യ ആഫ്രിക്കന്‍ റിപ്പബ്ലിക് ആണ് ലോകത്തെ ഭയപ്പെടുത്തുന്ന മറ്റൊരു രാജ്യം. ക്രിസ്ത്യന്‍, മുസ്ലീം വാദികളാണ് രാജ്യത്തിന്റെ നിയന്ത്രണം ഏറ്റെടുത്ത് യുദ്ധത്തിന് നേതൃത്വം വഹിച്ചത്. ഇന്ന് മനുഷ്യന്‍ ജീവിയ്ക്കാന്‍ ഭയപ്പെടുന്ന രാജ്യങ്ങളില്‍ മുന്‍പന്തിയിലാണ് മദ്ധ്യ ആഫ്രിക്കന്‍ റിപ്പബ്ലിക്.