ലക്ഷണമൊത്ത സ്ത്രീശരീരം

സ്ത്രീയുടെ ഉയരം

ഉയരം കൂടുന്നതും കുറയുന്നതും നമ്മുടെ ശാരീരിക പ്രത്യേകത അനുസരിച്ചായിരിക്കും. എന്നാല്‍ ലക്ഷണ ശാസ്ത്രമനുസരിച്ച് അഞ്ചടി പൊക്കവും വളവില്ലാത്ത ശരീരവുമാണ് ഉത്തമ സ്ത്രീയുടെ ലക്ഷണം.

മുടി

നല്ല കറുപ്പ് നിറവും കെട്ടിവെച്ചാല്‍ തലയുടെ മൂന്ന് ഭാഗങ്ങളിലും നിറഞ്ഞിരിക്കുന്നതുമായ മുടിയാണ് ലക്ഷണയുക്തമായത്. കൊഴിമുട്ടയുടെ ആകൃതിയോട് സാമ്യമുള്ള മുഖത്തോട് കൂടിയ സ്ത്രീയ്ക്കായിരിക്കും ഇത്തരം മുടിയുണ്ടാവുക.

കണ്ണ്

കറുത്ത കണ്ണുകളും വെളുത്ത പടങ്ങളും നാലുവശവും മഷിയെഴുതിയ പോലുള്ള നിറവുമുള്ള നീണ്ട കണ്ണുകളാണ് സ്ത്രീയുടെ ലക്ഷണശാസ്ത്രത്തില്‍ കണ്ണിനെപ്പറ്റി പറയാനുള്ളത്.

തല

തലയും മുഖവും ലക്ഷണ ശാസ്ത്രമനുസരിച്ച് ഒന്നു തന്നെയാണ്. തലയുടെ ആകൃതിയാണല്ലോ മുഖത്തിന് രൂപം നല്‍കുന്നത്. വട്ടമുഖമുള്ള തലയോട് കൂടിയവളായിരിക്കും എപ്പോഴും ഭാഗ്യവതി.

നെറ്റിത്തടം

സ്വന്തം കൈവിരലുകള്‍ ചേര്‍ത്താല്‍ മൂന്ന് വിരല്‍ വീതി ഉള്ളതും ഉയര്‍ന്നതുമായ നെറ്റിയാണ് സ്്ത്രീകള്‍ക്ക് ഉത്തമം. ഇവര്‍ ഐശ്വര്യവതികളായിരിക്കും.

നെറ്റിയിലെ വരകള്‍

ഇത് ആയുസ്സിന്റെ കണക്കാണ് സൂചിപ്പിക്കുന്നത്. ഒരു വരയുള്ളവര്‍ 40 വയസ്സു വരേയും രണ്ടിലധികം വരയുള്ളവര്‍ 60 വയസ്സിലധികവും ജീവിയ്ക്കും.

മൂക്ക്

ചെറുവിരലിന്റെ തുമ്പിന്റെ വണ്ണമുള്ള ദ്വാരമുള്ള മൂക്കാണ് നല്ലത്. മാത്രമല്ല ഒട്ടും കൂര്‍ക്കാതെയും പരക്കാതെയും ഉള്ള മാംസളമായ അഗ്രഭാഗവും ഉത്തമസ്ത്രീ ലക്ഷണമാകുന്നു.

പുരികം

പുരികത്തിലുമുണ്ട് ചില ലക്ഷണ ശാസ്ത്രങ്ങള്‍. ചൂണ്ടു വിരലിന്റെ നീളമുള്ളതും കറുത്ത രോമത്തോടുകൂടിയതുമായ പുരികമാണ് ലക്ഷണശാസ്ത്രത്തില്‍ ഉത്തമം

കവിള്‍

കവിളിന്റെ കാര്യത്തിലും അല്‍പം ശാസ്ത്രം നോക്കാം. അധികം പരപ്പില്ലാതെയും ചിരിയ്ക്കുമ്പോള്‍ ചുഴികളില്ലാത്തതുമായ കവിളുകളാണ് സ്ത്രീയ്ക്ക് ഉത്തമം.

താടി

താഴത്തെ ചുണ്ടിന്റെ അടിവശം കുഴിഞ്ഞും താടിയെല്ലുകള്‍ മുഴച്ചു കാണാതെയും മാംസളമായിരിക്കുന്ന താടിയാണ് ഏറ്റവും ഉത്തമമായിട്ടുള്ളത്.

പല്ല്

മുല്ലപ്പൂമൊട്ടിന്റെ വലിപ്പത്തില്‍ പരന്ന് നിരയൊത്തും മാംസഭാഗത്താല്‍ അരികു മൂടിയതുമായ പല്ലാണ് ലക്ഷണശാസ്ത്രത്തില്‍ സ്ത്രീയ്ക്ക് ഏറ്റവും ഉത്തമം.

കൈത്തണ്ട

മുകളില്‍ നിന്ന് കീഴോട്ട് വണ്ണം കുറഞ്ഞ് ഉരുണ്ടിരിക്കുന്ന കൈത്തണ്ടയാണ് സ്ത്രീയ്ക്കുത്തമം.

പാദം

രണ്ടു പാദങ്ങളും ചേര്‍ത്തു വെച്ച് നിന്നാല്‍ തള്ളവിരലുകളുടെ അഗ്രവും ഉപ്പൂറ്റിയും മാത്രം കൂട്ടിമുട്ടുകയും ബാക്കിഭാഗം കൂട്ടിമുട്ടാതെയും ഇരിയ്ക്കുന്നതാണ് ഏറ്റവും നല്ലത്.

കൈനഖങ്ങള്‍

ചുവന്നതും മൃദുലവുമായ കൈനഖങ്ങളാണ് ഉത്തമയായ സ്ത്രീയ്ക്കു വേണ്ടത്. ഞങ്ങളുടെ ഫേസ്ബുക് പേജ് ലൈക് ചെയ്യൂ, ഷെയര്‍ ചെയ്യൂ