നിങ്ങള്‍ പുരുഷ ലക്ഷണങ്ങളെല്ലാം തികഞ്ഞവനോ?

ഉയരത്തിന്റെ പ്രാധാന്യം

അഞ്ചടി അഞ്ചിഞ്ച് പൊക്കമാണ് ഉത്തമനായ ഒരു പുരുഷന് വേണ്ടത്. മാത്രമല്ല പുരുഷന്‍മാരുടെ ഉയരം അവരുടെ വ്യക്തിത്വത്തെയാണ് സൂചിപ്പിക്കുന്നത്. എന്നാല്‍ ഉയരം കുറഞ്ഞവര്‍ ഭാഗ്യവാന്‍മാരും ബുദ്ധിമാന്‍മാരുമായിരിക്കും എന്നത് മറ്റൊരു യാഥാര്‍ത്ഥ്യം.

തലയുടെ ഷേപ്പ്

തലയുടെ ഷേപ്പ് തീരുമാനിയ്ക്കുന്നത് മുഖമാണ്. വട്ടമുഖമാണ് പുരുഷ ലക്ഷണം. വട്ടമുഖമുള്ള പുരുഷന്‍മാര്‍ അധികാരമുള്ളവരാകുന്നു. ജീവിതത്തില്‍ മറ്റുള്ളവരെ അടക്കി ഭരിക്കാനായിരിക്കും ഇവരുടെ നിയോഗം.

മുടിയുടെ കാര്യത്തിലും ചിലത്

സമൃദ്ധവും കറുത്തതും ചുരുളാത്തതുമായ മുടിയുള്ള പുരുഷനാണ് ലക്ഷണ ശാസ്ത്രത്തില്‍ മുന്നില്‍ നില്‍ക്കുന്നത്. ആരോഗ്യദൃഡഗാത്രനായിരിക്കും ഇത്തരക്കാര്‍.

നെറ്റി

സ്വന്തം കയ്യിലെ അഞ്ചു വിരലിന്റെ വീതിയും ചുളിവുമില്ലാത്ത പരന്ന നെറ്റിയുള്ള പുരുഷന്‍ ഉത്തമനും ചിന്താശീലനുമാകുന്നു. ഇത്തരത്തിലുള്ള നെറ്റിയാണ് ഉത്തമലക്ഷണ ശാസ്ത്രം.

പുരികങ്ങള്‍

എഴുന്നേറ്റു നില്‍ക്കുന്ന പുരികങ്ങളുള്ള പുരുഷനായിരിക്കും പുരുഷ ലക്ഷണങ്ങള്‍ തികഞ്ഞവന്‍. എന്നാല്‍ രോമങ്ങള്‍ കുറവുള്ളവര്‍ എപ്പോഴും നിര്‍ഭാഗ്യവാന്‍മാരായിരിക്കും പല കാര്യങ്ങളിലും.

ചെവി

പുരുഷ ലക്ഷണങ്ങളില്‍ പ്രാധാന്യമര്‍ഹിക്കുന്ന ഒന്നാണ് ചെവി. ചെറുതും മാംസളവുമായ ചെവിയുള്ള പുരുഷന്‍ ഉത്തമനാകുന്നു.

മൂക്കിന്റെ ലക്ഷണം

നീണ്ട നാസികയോടു കൂടിയ മൂക്കുള്ളയാള്‍ ധനികനായിരിക്കും. ലക്ഷണ ശാസ്ത്രമനുസരിച്ച് നീണ്ട മൂക്കോട് കൂടിയവനായിരിക്കും ഉത്തമനായിട്ടുള്ളത്.

കവിള്‍

പുരുഷന്‍മാരുടെ കവിള്‍ത്തടം രോമാവൃതവും പരന്നതുമായിരിക്കണം. ഇത്തരം കവിളുള്ളവര്‍ സുമുഖനും ആരോഗ്യദൃഡഗാത്രനും ധര്‍മ്മിഷ്ഠനുമായിരിക്കും.

കൈപ്പത്തിയും വിരലുകളും

നീണ്ടു വടിവായതും മാംസളവുമായ കൈപ്പത്തിയാണ് ഉത്തമ പുരുഷന്റെ ലക്ഷണം. ഇത്തരം കൈപ്പത്തിയോടു കൂടിയുള്ളവര്‍ ഭാഗ്യവാന്‍മാരായിരിക്കും.

ചുണ്ടുകള്‍

ചുവന്ന ചുണ്ടുകളാണ് സ്ത്രീക്കും പുരുഷനും ഉത്തമമായിട്ടുള്ളത്. എന്നാല്‍ പലരുടേും ചുണ്ടുകള്‍ക്ക് കറുത്ത നിറമായിരിക്കും. ഇത് നിര്‍ഭാഗ്യത്തിന്റെ ലക്ഷണമാണ്.