ഉറക്കത്തില്‍ പോലും സൂക്ഷിക്കണം, അല്ലെങ്കില്‍ അപകടം

വിരകള്‍

വിരകള്‍ നമ്മുടെയെല്ലാം ശരീരത്തിലുണ്ട്. എന്നാല്‍ 92 വയസ്സായ മുത്തശ്ശിയുടെ കാതില്‍ നിന്നും ഒന്നും രണ്ടും വിരകളെയല്ല കണ്ടെടുത്തത് 57 എണ്ണമാണ്. ഇതിനെ പുറത്തെടുത്ത ഡോക്ടര്‍ക്ക് തന്നെ വിശ്വസിക്കാന്‍ കഴിഞ്ഞിട്ടില്ല ഇക്കാര്യം. ചെവിയ്ക്കുള്ളില്‍ കയറിയ വിര പിന്നീട് മുട്ടയിട്ട് പെരുകിയാണ് ഇത്രയും എണ്ണമായി മാറിയത്.

ചീവീട് ചെവിയില്‍

ചെവിയാണ് എല്ലാ പ്രാണികളുടേയും വാസസ്ഥലം. അതികഠിനമായ ചെവിവേദനയുമായാണ് ഒരാള്‍ ഡോക്ടറെ കാണാനെത്തിയത്. എന്നാല്‍ ഈ വേദനയ്ക്ക് പുറകിലാകട്ടെ ചിവീടായിരുന്നു എന്ന് പിന്നീടാണ് മനസ്സിലായത്.

പാറ്റയ്ക്കും പ്രിയം ചെവി തന്നെ

അതികഠിനമായ ചെവിവേദനയെത്തുടര്‍ന്നാണ് ഒരു യുവാവ് ഡോക്ടറുടെ പക്കലെത്തിയത്. എന്നാല്‍ ചിലന്തിയാണെന്ന ധാരണയില്‍ ഡോക്ടറെ കാണാനെത്തിയുവാവിനെ അമ്പരപ്പിച്ചത് 2.5 സെന്റിമീറ്റര്‍ നീളമുള്ള പാറ്റയായിരുന്നു.

ചിലന്തിയും താമസം

ജോര്‍ജിയന്‍ ബ്രിട്ടീഷ് പാട്ടുകാരന്‍ കാത്തി മെലുവയാണ് ചെവിയില്‍ നിന്ന് അസാധാരണമായ ശബ്ദം കേട്ടതിനെത്തുടര്‍ന്ന് ആശുപത്രിയില്‍ എത്തിയത്. എന്നാല്‍ ചിലന്തിയായിരുന്നു ഈ ശബ്ദത്തിനു പിറകിലെന്നറിഞ്ഞ ഡോക്ടറും കാത്തിയും ഞെട്ടിപ്പോയി.

ശ്വാസകോശത്തില്‍ മത്സ്യം

ശ്വസനസംബന്ധമായ അസുഖങ്ങളെത്തുടര്‍ന്നാണ് ഈ മൂന്ന് വയസ്സുകാരനെ ആശുപത്രിയിലാക്കിയത്. എന്നാല്‍ ശ്വാസകോശത്തില്‍ നിന്ന് 3.5 സെന്റിമീറ്റര്‍ നീളമുള്ള മത്സ്യത്തെയാണ് ഈ കുട്ടിയുടെ ശ്വാസകോശത്തില്‍ നിന്ന് ഡോക്ടര്‍ കണ്ടെത്തിയത്. കൂട്ടുകാരനോടൊപ്പം നദിയില്‍ കളിയ്ക്കുമ്പോഴായിരിക്കും മത്സ്യം ശ്വാസകോശത്തിലെത്തിയത് എന്നാവാം നിഗമനം.

ഈച്ചയുടെ ലാര്‍വ

അഞ്ച് വയസ്സുകാരന്റെ കണ്ണില്‍ നിന്നാണ് ലാര്‍വ്വ കണ്ടെത്തിയത്. മാത്രമല്ല ഇതിന്റെ മുട്ടകളും കണ്ണില്‍ ഉണ്ടായിരുന്നു. പിന്നീട് ശ്‌സത്രക്രിയയിലൂടെ ഇതിനെയെല്ലാം നീക്കം ചെയ്തു.

വായില്‍ നിന്നും കണ്ടെടുത്ത വിര

63-കാരനായ കൊറിയക്കാരിയുടെ വായില്‍ നിന്നാണ് ഈ വിരയെ കണ്ടെടുത്തത്. പകുതി മാത്രം പാകം ചെയ്ത മത്സ്യമാണ് ഈ പണി പറ്റിച്ചത്. വായില്‍ പറ്റിപ്പിടിച്ച് വളര്‍ന്ന ഇതിനെ പിന്നീട് ശസ്ത്രക്രിയയിലൂടെ നീക്കം ചെയ്തു.

പഴങ്ങളിലെ ഈച്ച

പഴക്കടകള്‍ക്കു ചുറ്റും വട്ടമിട്ടു പറക്കുന്ന ഈച്ചകളെ നമ്മള്‍ ധാരാളം കണ്ടിട്ടുണ്ട്. എന്നാല്‍ ിതിന്റെ ലാര്‍വ്വ ചെവിയില്‍ കയറിക്കൂടി മുട്ടയിട്ട് പെരുകിയതിനെക്കുറിച്ച് ആലോചിച്ചു നോക്കൂ. നൂറുകണക്കിന് ലാര്‍വ്വകളെയാണ് ചെവിവേദനയെത്തുടര്‍ന്ന് ആശുപത്രിയിലെത്തിയ യുവാവിന്റെ ചെവിയില്‍ നിന്നും പുറത്തെടുത്തത്.