പൂച്ച കുറുകെ ചാടിയാല്‍ ദു:ശ്ശകുനം?

നായ കുറുകെ ചാടിയാല്‍

നായയാണ് നിങ്ങളുടെ ശകുനത്തിന് മുന്നില്‍ നില്‍ക്കുന്നതെങ്കില്‍ പോകുന്ന കാര്യങ്ങള്‍ യാതൊരു തടസ്സവും കൂടാതെ നടക്കും എന്നത് തന്നെയാണ് സൂചിപ്പിക്കുന്നത്. മാത്രമല്ല സംരക്ഷണവും സുരക്ഷിതത്വവും എല്ലാം ഇതിന് പിന്നിലെ സൂചനകളാണ്.

വവ്വാല്‍ പറന്നാല്‍

സാധാരണയായി പകല്‍ സമയങ്ങളില്‍ വവ്വാലിനെ കാണാറില്ല. എന്നാല്‍ വവ്വാല്‍ വട്ടമിട്ട് പറക്കുന്നത് കണ്ടാണ് യാത്രയ്ക്ക് തുടക്കം കുറിയ്ക്കുന്നതെങ്കില്‍ പോകുന്ന കാര്യത്തിന് മോശമാണെങ്കിലും നല്ലതാണെങ്കിലും ഉടന്‍ തീരുമാനമാകും എന്നതാണ് യാഥാര്‍ത്ഥ്യം.

പൂച്ചയെ ശകുനം കണ്ടാല്‍

പൂച്ച കുറുകെ ചാടുന്നത് പൊതുവേ അശുഭലക്ഷണമായാണ് കണക്കാക്കുന്നത്. എന്ത് കാര്യത്തിനാണോ ഇറങ്ങിപ്പുറപ്പെട്ടിട്ടുള്ളത് അക്കാര്യം നടക്കാനുള്ള സാധ്യതവളരെ കുറവായിരിക്കും എന്നതാണ് സത്യം.

ആന

ബന്ധുക്കള്‍ക്കും സുഹൃത്തുക്കള്‍ക്കും പങ്കാളികള്‍ക്കുമിടയിലുള്ള സ്‌നേഹവും കരുതലും വര്‍ദ്ധിപ്പിക്കുകയാണ് ആനയെ ശകുനം കാണുന്നതിലൂടെ സംഭവിയ്ക്കുന്നത്. ഇത് കുടുംബബന്ധത്തിന്റെ ഭദ്രതയെയാണ് സൂചിപ്പിക്കുന്നത്.

ആടിനെ ശകുനം കണ്ടാല്‍

കാര്യങ്ങളെല്ലാം നല്ല ഊര്‍ജ്ജത്തോടെ നടക്കും എന്നതാണ് ആടിനെ ശകുനം കണ്ടാലുള്ള ഗുണം. മാത്രമല്ല ഏത് കാര്യത്തിനും ശക്തമായ അടിത്തറ ഉണ്ടാവും എന്നതാണ് ആടിനെ ശകുനം കണ്ട് ഇറങ്ങിയാലുള്ള ഗുണം.

മൂങ്ങ

മൂങ്ങയാണ് ഇനി നിങ്ങളുടെ ശകുനമെങ്കില്‍ മരണം കേള്‍ക്കാനായിരിക്കും നിങ്ങളുടെ വിധി. അതുകൊണ്ട് തന്നെ മരണത്തിന്റെ കാവല്‍ക്കാരന്‍ എന്നാണ് പലപ്പോഴും മൂങ്ങ അറിയപ്പെടുന്നതും.

കാക്ക

കാക്കയെ ശകുനം കാണുന്നതും നല്ലതാണ്. വിരുന്നുകാര്‍ വരുന്നതിനു മുന്നോടിയായാണ് പലപ്പോഴും കാക്കയെ പലരും കണക്കാക്കുന്നത്. മാത്രമല്ല പല കാര്യങ്ങള്‍ക്കും യാതൊരു ശകുനപ്പിഴയുമില്ലാതെ കാര്യങ്ങള്‍ നടക്കാന്‍ കാക്കയെ ശകുനം കാണുന്നത് നല്ലതാണ്.

എലി

നമ്മുടെ നാട്ടില്‍ സാധാരണമായി കണ്ടു വരുന്നതാണ് എലി. എത്ര ചെറിയ കാര്യമാണെങ്കില്‍ പോലും യാതൊരു ബുദ്ധിമുട്ടുമില്ലാതെ നടക്കും എന്നതാണ് എലിയെ കണികാണുന്നതിന്റെ ശാസ്ത്രം.

മുയല്‍

ചിലരുടെയെങ്കിലും വീട്ടില്‍ മുയലിനെ വളര്‍ത്തുന്നവരുണ്ടാകും. മുയലിനെ ശകുനം കണ്ടാല്‍ ഏത് കാര്യത്തിലുമുള്ള പേടിയും ഉത്കണ്ഠയും എല്ലാം ഇല്ലാതാകും എന്നതാണ് വിശ്വാസം.

അണ്ണാനാണെങ്കിലോ

യാത്ര പോകുമ്പോള്‍ ശകുനം അണ്ണാനാണെങ്കിലോ സാമ്പത്തികമായി നമ്മള്‍ മുന്നിലാവും എന്നതാണ് ഇത് സൂചിപ്പിക്കുന്നത്.

തവള

മഴക്കാലമായതിനാല്‍ തവളകള്‍ ഇഷ്ടം പോലെയാണ്. തവളയെ ശകുനം കണ്ടാണ് ഒരു കാര്യത്തിന് ഇറങ്ങിപ്പുറപ്പെടുന്നതെങ്കില്‍ ഇത് പലപ്പോഴും കാര്യത്തെ കൂടുതല്‍ ഗുരുതരമാക്കും എന്നാണ് വിശ്വാസം.

പല്ലിയാണ് ലക്ഷണമെങ്കില്‍

പല്ലിയാണ് ശകുനലക്ഷണമെങ്കില്‍ കാര്യങ്ങള്‍ നിങ്ങള്‍ വിചാരിയ്ക്കുന്നതിനേക്കാള്‍ കൂടുതല്‍ എളുപ്പമാകും എന്നാണ് പറയുന്നത്. ഏത് കാര്യത്തിനും പുതിയ പുതിയ ആശയങ്ങള്‍ കൊണ്ടുവരാന്‍ സാധിയ്ക്കുകയും ചെയ്യും.