ഫേസ് ബുക്ക് നിങ്ങളെ അസൂയക്കാരനാക്കും

സോഷ്യല്‍ മീഡിയയുടെ അതി പ്രസരം നമ്മുടെ ജീവിതത്തെ ഓരോ ദിവസവും കാര്‍ന്നു തിന്നു കൊണ്ടിരിക്കുകയാണ്. എന്തിനും ഏതിനും നമ്മളിന്ന് ഫേസ്ബുക്കും വാട്‌സ് ആപ്പും ഉപയോഗിക്കുന്നു. എന്നാല്‍ പലപ്പോഴും ഇത്തരത്തില്‍ സോഷ്യല്‍ മീഡിയയില്‍ സജീവമായവര്‍ വലിയ ദേഷ്യക്കാരും ഏകാകികളും അസൂയക്കാരുമായിരിക്കും എന്നാണ് പഠനം. മറ്റുള്ളവരുടെ ജീവിതത്തെ നിങ്ങളുടെ ജീവിതവുമായി താരതമ്യപ്പെടുത്തി അതില്‍ അസൂയ വളരുകയാണ് ഉണ്ടാവുന്നതെന്നാണ് പഠനം.

ഹാപ്പിനസ് റിസര്‍ച്ച് ഇന്‍സ്റ്റിറ്റ്യൂട്ടില്‍ നിന്നുള്ള ഗവേഷകരാണ് ഇക്കാര്യം സ്ഥിരീകരിച്ചത്. മാത്രമല്ല ഫേസ്ബുക്കില്‍ മറ്റുള്ളവരുടെ ജീവിതത്തിലേക്ക് ഉള്ള ഒളിഞ്ഞു നോട്ടമായും ഇതിനെ കണക്കാക്കുന്നുണ്ട് പഠനം. 1905 പേരില്‍ നടത്തിയ പഠനത്തിലാണ് ഇത്തരമൊരു നിഗമനത്തില്‍ ഗവേഷകര്‍ എത്തിയത്. ചിലര്‍ക്ക് ഫേസ്ബുക്ക് ഉപയോഗിക്കാനും ചിലര്‍ക്ക് ഫേസ്ബുക്ക് ഉപയോഗിക്കാതിരിക്കാനുമുള്ള നിര്‍ദ്ദേശമാണ് നല്‍കിയത്. ഫേസ് ബുക്കില്‍ ഇവരെ അണ്‍ഫ്രണ്ട് ചെയ്യൂ

ഫേസ് ബുക്ക് ഉപയോഗിക്കാത്തവര്‍ സന്തോഷവാന്‍മാരായി കണ്ടെത്തുകയും ഫേസ് ബുക്ക് ഉപയോഗിച്ചവരില്‍ അമിത ദേഷ്യം കാണുകയും ചെയ്തതായാണ് പഠന ഫലം. അവനവന്റെ ജീവിതത്തെ മറ്റുള്ളവരുടെ ജീവിതവുമായി താരതമ്യം ചെയ്യാന്‍ ഏറ്റവും പറ്റിയ മാധ്യമമാണ് ഫേസ്ബുക്ക്. അതുകൊണ്ടു തന്നെ യഥാര്‍ത്ഥ ജീവിതത്തില്‍ തങ്ങള്‍ എന്തൊക്കെ ചെയ്യുന്നു എ്‌ന് മറ്റുള്ളവരുമായി താരതമ്യം ചെയ്ത് നോക്കുകയാണ് ഈ സ്ഥാപനവും ചെയ്തത്.