ഈ പഴങ്ങള്‍ കണ്ടാല്‍ ആരും നോക്കിപ്പോകും

ദുരിയന്‍ പഴം

കണ്ടാല്‍ ചക്ക പോലെ ഉണ്ടാകുമെങ്കിലും സംഗതി ചക്കയുമായി യാതൊരു ബന്ധവുമില്ല. സൗത്ത് ഈസ്റ്റ് ഏഷ്യയില്‍ പഴങ്ങളുടെ രാജാവ് എന്നാണ് ഇതറിയപ്പെടുന്നത്.

റംമ്പൂട്ടാന്‍

ഇത് നമ്മുടെ നാട്ടില്‍ സുലഭമായ ഒന്നാണ്. നല്ല ചുവന്ന നിറത്തോട് കൂടിയ മൃദുലമായ മുള്ളുകളോട് കൂടിയ പുറം ചട്ടയായിരിക്കും ഇതിന്റേത്. എന്നാല്‍ ഉള്‍ഭാഗം മാംസളമായതും നടുവിലായി കുരുവുള്ളതും ആയിരിക്കും.

മാംഗോസ്റ്റിന്‍

പര്‍പ്പിള്‍ നിറത്തോട് കൂടിയ ബലമുള്ള തോടുകളോടു കൂടിയതായിരിക്കും മാംഗോസ്റ്റിന്‍. എന്നാല്‍ അകം വളരെ മൃദുവായതും മാംസളമായതും ആയിരിക്കും.

ചക്ക

ചക്ക നമ്മള്‍ മലയാളികള്‍ക്ക് വളരെയധികം സുപരിചിതമാണ്. ചക്കയെക്കുറിച്ച് പ്രത്യേകം പറയേണ്ട ആവശ്യമില്ല. ചക്ക ഏത് പാകത്തിലുള്ളതും ഭക്ഷ്യയോഗ്യമാണ്.

സീതപ്പഴം

സീതപ്പഴവും നമ്മുടെ നാട്ടിലെ സ്ഥിരം പഴങ്ങളില്‍ ഒന്നാണ്. ഇതിന്റെ കട്ടിയേറിയ പുറം ഭാഗം കളഞ്ഞ് അകത്തെ മാംസളമായ ഭാഗം കഴിയ്ക്കാവുന്നതാണ്.

സ്റ്റാര്‍ ഫ്രൂട്ട്

സ്റ്റാര്‍ഫ്രൂട്ടും ഇത്തരത്തില്‍ സ്വാദേറിയ ഒരു പഴമാണ്. അല്‍പം പുളിയോടും മധുരത്തോടും കൂടിയാണ് ഈ പഴം കഴിയ്ക്കാനാവുകയുള്ളൂ.

ഡ്രാഗണ്‍ ഫ്രൂട്ട്

അത്രയധികം കണ്ട് പരിചയമില്ലാത്ത പഴം. അകത്തെ മാംസളമായ ഭാഗത്താകട്ടെ കറുത്ത നിറത്തില്‍ ചെറിയ ചെറിയ പുള്ളികള്‍ പോലെ കുരുവുണ്ടാകും.

ലിച്ചി

പേര് കേട്ട് പരിചയമുണ്ടെങ്കിലും വിദേശിയാണ് ആള്‍. നല്ല പിങ്ക് നിറത്തോട് കൂടിയ ഈ പഴത്തിന്റെ മാംസളമായ ഭാഗം കഴിയ്ക്കാവുന്നതാണ്.