ആളുകളെ അപ്രത്യക്ഷരാക്കും അത്ഭുത ദ്വീപ്

കെനിയയില്‍ സ്ഥിതി ചെയ്യുന്നു

കെനിയയിലെ റുഡോള്‍ഫ് തടാകത്തിലാണ് ഈ ദ്വീപ് സ്ഥിതി ചെയ്യുന്നത്. നിരവധി ഊഹാപോഹങ്ങള്‍ ഈ ദ്വീപിനെക്കുറിച്ച് ഉണ്ടെങ്കിലും ഇവയില്‍ പലതും വിശ്വസനീയമല്ല.

തിരിച്ചു വരവില്ല

ഇവിടെ എത്തിയവരാരും ഒരിക്കലും തിരിച്ചു വന്നിട്ടില്ല എന്നതാണ് ഈ ദ്വീപിനെ കുപ്രസിദ്ധിയിലേക്ക് നയിക്കുന്നത്. എന്‍വൈറ്റനേറ്റ് എന്നാണ് ദ്വീപിന്റെ പേര്. ഗോത്രഭാഷയില്‍ ഇതിന് നോ റിട്ടേണ്‍ എന്നാണ് അര്‍ത്ഥം.

പുറംലോകമറിഞ്ഞതെപ്പോള്‍

ഈ ദ്വീപിനെക്കുറിച്ച് പുറംലോകമറിഞ്ഞത് വളരെ വൈകിയാണ്. കച്ചവടത്തിന് പേര് കേട്ട സ്ഥലമായിരുന്നു ഈ ദ്വീപ്. എന്നാല്‍ പെട്ടെന്നൊരു ദിവസം യാതൊരു വിധത്തിലുള്ള കാരണവുമില്ലാതെ ഇത് നിന്നുപോയി.

അന്വേഷണത്തിലേക്ക്

പിന്നീട് എന്താണിതിനു കാരണം എന്നന്വേഷിച്ച് രണ്ട്‌പേര്‍ ദ്വീപലേക്ക് പുറപ്പെട്ടു. എന്നാല്‍ അവര്‍ക്കവിടെ കാണാന്‍ സാധിച്ച കാഴ്ച വളരെ അത്ഭുതപ്പെടുത്തുന്നതായിരുന്നു. എല്ലാം നശിപ്പിക്കപ്പെട്ട അവസ്ഥയിലായിരുന്നു ആ ദ്വീപ്. തിരിച്ചു പോരാന്‍ ഒരുങ്ങിയ ഇവര്‍ക്ക് പിന്നീട് ഒരിക്കലും തിരിച്ചു പോരാന്‍ സാധിച്ചില്ല.

ഭൂമിശാസ്ത്ര പഠനം

1935-ല്‍ ഭൂമിശാസ്ത്രപരമായ പഠനത്തിനായി ഇംഗ്ലീഷ് ശാസ്ത്രഞ്ജന്‍ വിവൈന്‍ ഫഷ് ദ്വീപിലേക്ക് യാത്ര പുറപ്പെട്ടു. അദ്ദേഹത്തോടൊപ്പം അനുയായികളായി മാര്‍ട്ടിന്‍ ഷെഫിന്‍, ബില്‍ ഡെയ്‌സണ്‍ എന്നീ രണ്ടു പേരും ഉണ്ടായിരുന്നു. എന്നാല്‍ പിന്നീട് ഇവരും പരസ്പരം കണ്ടിട്ടില്ല. മാത്രമല്ല ഇവരും ആ ദ്വീപില്‍ നിന്നും അപ്രത്യക്ഷരായി.

നിരവധി ഭൂമിശ്‌സാത്ര വിദഗ്ധര്‍

80 വര്‍ഷത്തിനുള്ളില്‍ നിരവധി ഭൂമിശാസ്ത്ര വിദഗ്ധരാണ് ഈ ദ്വീപില്‍ നിന്നും അപ്രത്യക്ഷരായത്. എന്നാല്‍ ദ്വീപിനെക്കുറിച്ചോ അതിന്റെ ഈ പ്രതിഭാസത്തെക്കുറിച്ചോ ഇന്നും ആര്‍ക്കും വ്യക്തമായി അറിയാന്‍ കഴിഞ്ഞിട്ടില്ല എന്നതാണ് സത്യം.

അപ്രത്യക്ഷരാകുന്നത് കണ്‍മുന്നില്‍ വെച്ച്

കൂടെപ്പോകുന്നവരുടെ കണ്‍മുന്നില് വെച്ചാണ് പലരും അപ്രത്യക്ഷരാകുന്നതെന്നതാണ് മറ്റൊരു സത്യം. ആര്‍ക്കും യാതൊന്നും ചെയ്യാന്‍ പറ്റാത്ത സാഹചര്യമായിരിക്കുമെന്നും പഠനങ്ങള്‍ പറയുന്നു. മാത്രമല്ല ഇതു വരെ രഹസ്യമന്വേഷിച്ച് പോയവരാരും തിരിച്ചു വന്നിട്ടില്ലെന്നതും മറ്റൊരു സത്യം.