കുട്ടികളില്ലാത്തവരോട് ഇതൊന്നും പറയരുത്....

ദാമ്പത്യത്തില്‍ കുട്ടികളുടെ സ്ഥാനം പ്രധാനപ്പെട്ടതാണ്. അച്ഛനുമമ്മയുമാകാന്‍ ആഗ്രഹിയ്ക്കാത്ത ദമ്പതിമാരും കുറവാണ്.

എന്നാല്‍ ചിലര്‍ക്കെങ്കിലും ഈ ഭാഗ്യം ലഭിയ്ക്കില്ല. അല്ലെങ്കില്‍ വൈകിയേ ലഭിയ്ക്കൂ. ഇത്തരക്കാരെ കുറ്റപ്പെടുത്തുകയും സഹതാപത്തോടെ കാണുകയും ചെയ്യുന്ന ഒരു സമൂഹമാണിത്. മാത്രമല്ല, ചിലപ്പോഴെങ്കിലും അവരെ മുറിവേല്‍പ്പിയ്ക്കുന്ന വിധത്തിലുള്ള ചോദ്യങ്ങള്‍ ചോദിയ്ക്കുകയും ചെയ്യും.

ചുംബനം, നിങ്ങള്‍ക്കറിയാത്ത രഹസ്യങ്ങള്‍

ഇത്തരം ചില ചോദ്യങ്ങള്‍ മിക്കവാറും താഴെപ്പറയുന്നവയായിരിയ്ക്കും.

എന്തേ, കുട്ടികളൊന്നും വേണ്ടേ എന്നുള്ളതായിരിയക്കും പലപ്പോഴും ചോദിയ്ക്കുക. എന്നാല്‍ കുട്ടികള്‍ക്കു വേണ്ടിയുള്ള് പ്ലാനെന്നും ചോദിയ്ക്കുന്നവരുണ്ട്.

എന്തേ കുട്ടികളില്ലാത്തത്. ആര്‍ക്കാണ് പ്രശ്‌നം തുടങ്ങിയ രീതിയിലുള്ള ചോദ്യങ്ങളുമുണ്ടാകും.

നിങ്ങളുടെ അച്ഛനമ്മമാരെ മുത്തച്ഛനും മുത്തശ്ശിയുമാക്കേണ്ടേ എന്നതായിരിയ്ക്കും ചിലരുടെ ചോദ്യം.

കുട്ടികളുണ്ടെങ്കിലേ അതിന്റെ ഒരു സുഖം മനസിലാകൂയെന്നുപദേശിയ്ക്കുന്നവരും കുറവല്ല.

ഈ വ്രതങ്ങളെടുക്കൂ, അല്ലെങ്കില്‍ പുണ്യസ്ഥലങ്ങള്‍ സന്ദര്‍ശിയ്ക്കൂ എന്നു പറയുന്നവരുമുണ്ട്.

ആ, പിള്ളേരൊന്നുമില്ലല്ലോ, അടിച്ചു പൊളിച്ചു നടക്കാമെന്നു വംഗ്യാര്‍ത്ഥത്തില്‍ പറയുന്നവരുമുണ്ട്.

കുട്ടികളുണ്ടാകാത്തത് ഭര്‍ത്താവിന്റെയോ ഭാര്യയുടേയോ കുറ്റമാകാം. എന്നാല്‍ കുഴപ്പം ഭാര്യയ്ക്കാണോ എന്ന രീതിയിലുളള ചോദ്യങ്ങളും സാധാരണം.