ചിലര്‍ക്കിഷ്ടം മറ്റുള്ളവരെ ശല്യം ചെയ്യാന്‍

ഫോണിലുള്ള സംസാരം

പലപ്പോഴും പലരും ജോലി സ്ഥലത്ത് നിന്ന് ചെയ്യുന്ന കാര്യമാണ് ഇത്. മറ്റുള്ളവര്‍ക്കുണ്ടാകുന്ന അസൗകര്യം കണക്കിലെടുക്കാതെ ഉറക്കെ ഫോണില്‍ സംസാരിക്കും. കുടുംബ കാര്യങ്ങള്‍ വരെ ഇത്തരത്തില്‍ ഫോണില്‍ സംസാരിക്കുന്നത് മറ്റുള്ളവര്‍ക്കുണ്ടാക്കുന്ന അസൗകര്യം ചില്ലറയായിരിക്കില്ല.

വിമര്‍ശനങ്ങള്‍

ഏത് കാര്യത്തിലും തന്റെ സഹപ്രവര്‍ത്തകരെ വിമര്‍ശിക്കുന്നതും പലര്‍ക്കും ശീലമാകാം. എന്നാല്‍ ഇത് മറ്റുള്ളവര്‍ക്കുണ്ടാക്കുന്ന മാനസിക വിഷമത്തെക്കുറിച്ച് ഇവര്‍ ആലോചിക്കില്ല എന്നതാണ് സത്യം.

ജോലിയിലെ മത്സരം

ആരോഗ്യകരമായ മത്സരങ്ങള്‍ പലപ്പോഴും നല്ലതാണ്. എന്നാല്‍ പലപ്പോഴും ജോലിക്കിടയില്‍ സഹപ്രവര്‍ത്തകരമായുണ്ടാകുന്ന പല മത്സരങ്ങളും തെറ്റിധാരണകള്‍ക്കു മാത്രമേ വഴിവെയ്ക്കൂ.

തെറ്റാണെങ്കില്‍ നിരുത്തരവാദപരമായി നില്‍ക്കുക

താന്‍ ചെയ്ത കാര്യങ്ങള്‍ തെറ്റാണെങ്കില്‍ നിരുത്തരവാദപരമായി പെരുമാറുക എന്നത് പലരുടേയും സ്വഭാവമാണ്. താന്‍ ചെയ്ത തെറ്റ് മറ്റുള്ളവരുടെ തലയില്‍ കെട്ടിവെയ്ക്കാനുള്ള ശ്രമവും കൂടുതലായിരിക്കും.

അനാവശ്യമായ സംസാരം

പലപ്പോഴും തന്റെ സഹപ്രവര്‍ത്തകര്‍ തിരക്കിലായിരിക്കുമ്പോഴും അനാവശ്യമായി സംസാരിക്കുന്നത് പലരുടേയും ശീലമായിരിക്കും. അവരുടെ ജോലി ഭാരത്തെ കണക്കിലെടുക്കാതെയുള്ള ഇത്തരത്തിലുള്ള സംസാരം പലരുടേയും അപ്രീതിയ്ക്ക് കാരണമാകും.

ഫോണ്‍ എടുക്കാതിരിക്കുക

പലപ്പോഴും സഹ പ്രവര്‍ത്തകര്‍ വിളിക്കുമ്പോള്‍ ഫോണ്‍ എടുക്കാതിരിക്കുന്നത് പലരുടേയും വിനോദമായിരിക്കും. ഇത് ബന്ധം വഷളാവാന്‍ മാത്രമേ സഹായിക്കൂ.

ജോലിയുടെ ക്രെഡിറ്റ്

താന്‍ ചെയ്ത ജെലി അല്ലെങ്കിലും അതിന്റെ ക്രെഡിറ്റ് ഏറ്റെടുക്കുക എന്നതാണ് പലര്‍ക്കുമുള്ള ശീലം. എന്നാല്‍ അതിന്റെ സ്ഥാനത്ത് വല്ല മോശം കാര്യമാണെങ്കില്‍ അത് ഏറ്റെടുക്കാന്‍ ആളുടെ പൊടിപോലുമുണ്ടാവില്ല.