ഇസ്ലാമില്‍ ബഹുഭാര്യത്വം എന്തുകൊണ്ട്?

അനുവദനീയം

ഇസ്ലാമില്‍ ബഹുഭാര്യത്വം അനുവദിക്കപ്പെട്ടതിന് നിരവധി കാരണങ്ങളുണ്ട്. ഭാര്യമാര്‍ക്കിടയില്‍ നീതിയോടെ വര്‍ത്തിക്കണമെന്ന നിബന്ധനയോടെയാണ് ഇത്തരത്തില്‍ ബഹുഭാര്യത്വത്തിന് തുടക്കമിട്ടത്.

നാലു ഭാര്യമാരില്‍ കവിയരുത്

ഏറ്റവും പ്രധാനമായും പാലിക്കേണ്ട നിബന്ധനയാണിത്. ഇസ്ലാമില്‍ ഒരിക്കലും നാലു ഭാര്യമാരില്‍ കവിയരുതെന്നത്. എന്നാല്‍ ഒന്നിലധികം ഭാര്യമാരുമായി ലൈംഗിക ബന്ധത്തിലേര്‍പ്പെടുകയും അവരോടുള്ള ബാധ്യത അപ്പോള്‍ തന്നെ തീര്‍ക്കുകയും ചെയ്യുന്ന സംബ്രദായത്തെ ഇസ്ലാം പൂര്‍ണമായും കര്‍ശനമായും നിരോധിയ്ക്കുന്നു.

സ്ത്രീകളോടുള്ള ക്രൂരത

സ്ത്രീകളോടുള്ള ക്രൂരത ഏത് മതത്തിലാണെങ്കിലും അംഗീകരിക്കപ്പെടുന്നതല്ല. അതുകൊണ്ടു തന്നെ ഇത്തരത്തിലുള്ള ക്രൂരതയ്ക്ക് അവസാനം കണ്ടെത്തുന്നതിനാണ് ബഹുഭാര്യത്വം എന്ന സംബ്രദായത്തെ ഇസ്ലാം തുടര്‍ന്നു പോരുന്നതും.

സാമൂഹിക അനിവാര്യത

ബഹുഭാര്യത്വം വ്യക്തിപരമായ ആവശ്യം എന്നതിലുപരി സാമൂഹിക അനിവാര്യതയായി മാറുന്ന സന്ദര്‍ഭങ്ങളുണ്ടായിരുന്നു. യുദ്ധത്തില്‍ മരണപ്പെടുന്ന പുരുഷന്‍മാരുടെ അനാഥരാക്കപ്പെടുന്ന വിധവകളെ സംരക്ഷിക്കാനായും ബഹുഭാര്യത്വം ഇസ്ലാമില്‍ അനുവദിയ്ക്കപ്പെട്ടു.

കുട്ടികളില്ലാത്തവര്‍

വിവാഹം കഴിച്ചിട്ടും കുട്ടികളില്ലാത്ത പുരുഷന്‍മാര്‍ക്കും പുനര്‍വിവാഹത്തിന് ഇസ്ലാമില്‍ അനുമതിയുണ്ട്. എന്നാല്‍ എല്ലാ ഭാര്യമാര്‍ക്കും തുല്യ അവകാശം നല്‍കണമെന്നതാണ് ഇസ്ലാം നിഷ്‌കര്‍ഷിക്കുന്നത്.

അനാഥരെ സംരക്ഷിക്കാന്‍

അച്ഛനമ്മമാരില്ലാത്ത പെണ്‍മക്കളെ സംരക്ഷിക്കാനും ബഹുഭാര്യത്വം സ്വീകരിക്കാവുന്നതാണ്. എന്നാല്‍ ഇത്തരത്തില്‍ വിവാഹം കഴിക്കുന്നവരെ തുല്യരീതിയില്‍ തന്നെ പരിഗണിക്കണം.

വിവാഹ മോചനം

പരസ്പരം ഒരു തരത്തിലും യോജിച്ചു പോകാനാവില്ല എന്ന തീരുമാനം ഇരുവരും ചേര്‍ന്നെടുത്താല്‍ മാത്രമേ വിവാഹമോചനത്തിനും ഇസ്ലാം അനുവദിയ്ക്കുകയുള്ളൂ. അല്ലാത്ത പക്ഷം നടത്തുന്ന അനുരഞ്ജന ചര്‍ച്ചയില്‍ ഇരുവരും യോജിച്ചു പോകേണ്ടതാണ്.