ഇതും നമ്മള്‍ നാളെ കഴിക്കേണ്ടിവരും....

ചിലന്തി

ചിലന്തി കടിച്ചാല്‍ അതിന്റെ വിഷത്തിനെതിരെ ചികിത്സയെടുക്കുന്നവരാണ് നമ്മള്‍. എന്നാല്‍ ചിലന്തിയെ കഴിക്കുന്നതിനെക്കുറിച്ച് വെറുതേയൊന്ന് ആലോചിച്ചു നോക്കൂ. ധാരാളം പ്രോട്ടീന്‍ നിറഞ്ഞ ഒന്നാണ് ചിലന്തി എന്നാണ് പറയപ്പെടുന്നത്. എന്നാല്‍ ഇന്ത്യക്കു പുറത്ത് പല റെസ്റ്റോറന്റുകളിലും ചിലന്തി ഫ്രൈ സുലഭമാണെന്നതാണ് സത്യം.

നാടവിര

നെതര്‍ലാന്‍ഡില്‍ ഒരു കൂട്ടം ആളുകള്‍ കഴിക്കുന്നതാണ് നാടവിര. ഇത് തലമുടിയുടേയും നഖത്തിന്റേയും വളര്‍ച്ചയ്ക്ക് വളരെ നല്ലതാണെന്നാണ് ആരോഗ്യവിദഗ്ധരുടെ അഭിപ്രായം. മാത്രമല്ല തലച്ചോറിന്റെ ബുദ്ധിവികാസത്തിനും ഇത് സഹായിക്കും.

ചെറിയ വണ്ട്

വണ്ടിനെ നമ്മുടെ നാട്ടില്‍ സ്ഥിരമായി കാണാറുള്ളതാണ്. എന്നാല്‍ വണ്ടിനെ പൊരിച്ചു തിന്നുവരുമുണ്ട് നമുക്കിടയില്‍. കാട്ടുജാതിക്കാരൊന്നുമല്ല നമ്മളേക്കാള്‍ വിവരവും വിദ്യാഭ്യാസവുമുള്ളവരാണ് ഇത്തരത്തില്‍ വണ്ടിനെ വരെ പൊരിക്കുന്നത്. ഇത് സാന്‍ഡ്വിച്ചിനോടൊപ്പം നല്ലതാണെന്നാണ് ഒരു കൂട്ടരുടെ അഭിപ്രായം.

ചിതല്‍

ചിതലിനെ തിന്നുന്ന പല ജന്തുക്കളേയും നമുക്കറിയാം. ഉറുമ്പു തീനിയ്ക്ക് ചിതലിനെ തിന്നാന്‍ ഇഷ്ടമാണ്. എന്നാല്‍ വെനസ്വേലയിലെ ആളുകള്‍ പറയുന്നത് ചിതലിന് ഉഗ്രന്‍ ടേസ്റ്റാണെന്നാണ്. ഇതില്‍ ഇരുമ്പിന്റെ അംശവും കാല്‍സ്യവും എല്ലാം കൂടുതലാണ്. അതാണ് അവരുടെ ആരോഗ്യത്തിന്റെ രഹസ്യമെന്നാണ് ഇവര്‍ പറയുന്നത്.

പുഴുക്കള്‍

പുഴുക്കളെ കാണുന്നതു തന്നെ നമുക്ക് വെറുപ്പുളവാക്കുന്നു. എന്നാല്‍ ഇതിനെ കഴിക്കുന്ന കാര്യം ആലോചിച്ചാലോ? നമുക്കൊരിക്കലും സ്വീകരിക്കാന്‍ പറ്റാത്ത ജീവിത രീതിയിലാണ് നോര്‍ത്ത് സാംമ്പിയയിലെ ആളുകള്‍ ജീവിക്കുന്നത്. അവരുടെ ഇഷ്ടവിഭവമാണ് ഈ പുഴു എന്നു പറയുന്നത്.

തേള്‍

വിഷത്തിന്റെ കാര്യത്തില്‍ ഒട്ടും പിന്നിലല്ല തേള്‍. തേള്‍ വിഷത്തിന്റെ പ്രതിവിധി ചെയ്യുന്നവരാണ് നമ്മള്‍. എന്നാല്‍ തേളിനെ പൊരിച്ചു തിന്നുന്നവരാണ് ചൈനക്കാര്‍. ചോറിനോടൊപ്പം തേള്‍ഫ്രൈ ആണ് അവരുടെ സ്‌പെഷ്യല്‍ വിഭവം.

തേനീച്ച

തേന്‍ നമുക്കെല്ലാവര്‍ക്കും ഇഷ്ടമാണ്. എന്നു വെച്ച് തേനീച്ചയെ നമ്മളാരും കഴിക്കാറില്ല. എന്നാല്‍ അമേരിക്ക, മെക്‌സിക്കോ, ആഫ്രിക്ക തുടങ്ങിയ രാജ്യങ്ങളില്‍ തേനീച്ചയില്ലാതെ തീന്‍മേശയൊരുങ്ങില്ല എന്നതാണ് സത്യം.

പുല്‍ച്ചാടി

പുല്‍ച്ചാടി വരുന്നത് ഭാഗ്യമാണെന്നു വിശ്വസിക്കുന്നവരാണ് നമ്മള്‍. എന്നാല്‍ പുല്‍ച്ചാടിയെ തിന്നുന്നത് ഭാഗ്യമാണെന്ന് വിശ്വസിക്കുന്നവരാണ് മറ്റൊരു കൂട്ടര്‍. നെതര്‍ലന്‍ഡുകാരു തന്നെയാണ് പുല്‍ച്ചാടി ആരോഗ്യത്തിനു ഗുണകരമാണെന്നു പറഞ്ഞു കഴിക്കുന്നത്.

പാറ്റ

പാറ്റയെന്നും കൂറയെന്നുമുള്ള ഓമനപ്പേരില്‍ അറിയപ്പെടുന്നതാണ് ഈ പാവം കീടം. എന്നാല്‍ ചൈനയിലെ പല ഗ്രാമങ്ങളിലും പാറ്റയെന്നത് അവരുടെ ഭക്ഷണത്തിലെ പ്രധാന ഘടകമാണ്. പ്രോട്ടീന്‍ നിറയെ ഉണ്ടെന്നതാണ് ഇവര്‍ക്ക് പാറ്റയെ പ്രിയങ്കരിയാക്കിയത്.