അറപ്പുളവാക്കുന്ന സൗന്ദര്യ വര്‍ദ്ധക വസ്തുക്കള്‍

Published: Saturday, December 5, 2015, 11:35 [IST]

ഇന്നത്തെ കാലത്ത് സൗന്ദര്യ വര്‍ദ്ധക വസ്തുക്കള്‍ ഉപയോഗിക്കാത്തവര്‍ ചുരുക്കം. എന്നാല്‍ ഇതിന്റെയൊക്കെ പിന്നിലുള്ള വസ്തുക്കളെക്കുറിച്ച് നിങ്ങള്‍ക്കറിയാമോ? പലപ്പോഴും നമുക്ക് ഏറ്റവും അറപ്പുളവാക്കുന്ന പല വസ്തുക്കളുമാണ് സൗന്ദര്യ വര്‍ദ്ധക വസ്തുക്കളില്‍ ഉപയോഗിക്കുന്നത് എന്നതാണ് സത്യം.

സൗന്ദര്യം വര്‍ദ്ധിപ്പിക്കാന്‍ നമ്മള്‍ ഉപയോഗിക്കുന്ന പല വസ്തുക്കളിലും ചേര്‍ക്കുന്നത് നമുക്ക് അറപ്പും വെറുപ്പും ഉണ്ടാക്കുന്നവയാണ്. അതുകൊണ്ടു തന്നെ ഇനി ഇവയ്ക്കു പിന്നാലെ പായുമ്പോള്‍ അല്‍പമൊന്ന് ആലോചിക്കുന്നത് നന്നായിരിക്കും. ചര്‍മം തിളങ്ങാന്‍ പഴത്തൊലികള്‍

കാളയുടെ ശുക്ലം

പലപ്പോഴും കണ്ടീഷണറില്‍ ഉപയോഗിക്കുന്നതാണ് കാളയുടെ ശുക്ലം. ഇതൊരു പ്രോട്ടീന്‍ ഘടകമായി പല കണ്ടീഷണറുകളിലു ഉപയോഗിക്കുന്നുണ്ട്.

തിമിംഗലത്തിന്റെ വിസര്‍ജ്യം

എന്താ വിശ്വാസമാകുന്നില്ലേ, സത്യമാണ് പല തരത്തിലുള്ള പെര്‍ഫ്യൂമുകളില്‍ തിമിംഗലത്തിന്റെ വിസര്‍ജ്യം ഉപയോഗിക്കുന്നുണ്ട്.

വണ്ടിന്റെ ശരീരം

പല ലിപ്സ്റ്റിക്കുകളിലും വണ്ടിന്റെ ശരീരാവശിഷ്ടങ്ങള്‍ പൊടിച്ചു ചേര്‍ക്കുന്നുണ്ട്. സ്റ്റാര്‍ബക്‌സ് പൊടിച്ച വണ്ടുകളെ കോഫീ പൗഡറില്‍ ഉപയോഗിക്കാറുണ്ടെന്ന് നേരത്തെ കണ്ടെത്തിയിരുന്നു.