ഈ വര്‍ഷം നമ്മളെ ഞെട്ടിച്ച ചില പ്രമുഖര്‍

ആഷിഖ് അബു

സമൂഹത്തില്‍ നടക്കുന്ന ഏത് കൊള്ളരുതായ്മയ്‌ക്കെതിരേയും പെട്ടെന്ന് പ്രതികരിക്കുന്നയാളാണ് സംവിധായകന്‍ ആഷിഖ് അബു. ഫാറൂക്ക് കോളജിലെ ലിംഗ വിവേചനത്തിനെതിരേയും കെ എം മാണിയുടെ കോഴക്കേസിനു നേരെയും സോഷ്യല്‍ മീഡിയയില്‍ പ്രതികരിച്ചാണ് ആഷിഖ് അബു ഈ വര്‍ഷം മാധ്യമശ്രദ്ധ നേടിയത്.

പൃഥ്വിരാജ്

ബിജെപിയുടെ വര്‍ഗ്ഗീയ നിലപാടുകളില്‍ പ്രതിഷേധിച്ച് കലാകാരന്‍മാര്‍ രാജ്യം വിട്ടു പോകണമെന്നുള്ള വിവാദത്തിനെതിരെ ഷാരൂഖ്ഖാന് പിന്തുണ പ്രഖ്യാപിച്ച ഒരേയൊരു മലയാളി താരമായിരുന്നു പൃഥ്വി രാജ്. അല്‍പമെങ്കിലും സംസ്‌കാരമുള്ളവര്‍ക്ക് ഇതിനോട് യോജിക്കാനാവില്ലെന്നായിരുന്നു പൃഥ്വിവിന്റെ അഭിപ്രായം.

റിമ കല്ലിങ്കല്‍

സ്വകാര്യ ചാനല്‍ പരിപാടിയ്ക്കിടെ താന്‍ മദ്യപിക്കാറുണ്ടെന്ന് വെളിപ്പെടുത്തിയും ഇപ്പോള്‍ സമൂഹത്തില്‍ നടക്കുന്ന പ്രശ്‌നങ്ങള്‍ക്ക് സോഷ്യല്‍മീഡിയയിലൂടെ തന്റെ അമര്‍ഷം രേഖപ്പെടുത്തിയുമാണ് റിമ ഈ വര്‍ഷത്തെ മാധ്യമ ശ്രദ്ധ നേടിയത്.

ദീപ ടീച്ചര്‍

കേരള വര്‍മ്മ കോളജിലെ ദീപടീച്ചര്‍ ഇപ്പോള്‍ എല്ലാവര്‍ക്കും പരിചിതയാണ്. കോളജ് വിദ്യാര്‍ത്ഥികള്‍ നടത്തിയ ബീഫ് ഫെസ്റ്റിവലിനെതിരെ ഫേസ്ബുക്കില്‍ പോസ്റ്റിട്ടതിനാണ് ഒരു കൂട്ടം ആളുകള്‍ ഇവരെ സോഷ്യല്‍ മീഡിയയില്‍ കൊന്നു കൊലവിളിച്ചത്.

ദീപിക പദുക്കോണ്‍

ഈ വര്‍ഷം ആരംഭിച്ചതു തന്നെ ബോളിവുഡ് താരം ദീപിക പദുക്കോണിന്റെ തുറന്നു പറച്ചിലോടെയാണ്. താന്‍ കടുത്ത ഡിപ്രഷനിലാണ് എന്ന തുറന്നു പറച്ചിലാണ് ഇവര്‍ നടത്തിയത്. തുടര്‍ച്ചയായ ജോലിയും മാനസിക സമ്മര്‍ദ്ദവും തന്നെ ഡിപ്രഷനില്‍ എത്തിച്ചെന്ന് പറഞ്ഞാണ് ദീപിക മാധ്യമങ്ങളില്‍ ഇടം നേടിയത്.

അമിതാഭ് ബച്ചന്‍

തന്റെ കരളിന്റെ 75 ശതമാനവും ഇല്ലാതായെന്നും കടുത്ത കരള്‍ രോഗത്തിനടിമയാണ് താനെന്നുമായിരുന്നു ബിഗ് ബിയുടെ തുറന്നു പറച്ചില്‍. ഹെപ്പറ്റൈറ്റിസ് ബോധവത്കരണ പരിപാടിയുടെ ഭാഗമായി നടന്ന ചടങ്ങിലാണ് ബിഗ് ബി തന്റെ പ്രേക്ഷകര്‍ക്കു മുന്നില്‍ ആരോഗ്യകാര്യം വെളിപ്പെടുത്തിയത്.

ആമിര്‍ഖാന്‍

അസഹിഷ്ണുത എന്ന വാക്കു കേട്ടാല്‍ ഇപ്പോള്‍ ആദ്യം ഓര്‍മ്മവരുന്നത് ആമിര്‍ഖാനെയായിരിക്കും. തന്റെ ഭാര്യയ്ക്ക് ഇന്ത്യയില്‍ ജീവിയ്ക്കാന്‍ പേടിയാണെന്ന് പറഞ്ഞാണ് ആമിര്‍ കുറച്ചു ദിവസങ്ങള്‍ക്കു മുന്‍പ് ട്രോള്‍ ചെയ്യപ്പെട്ടത്.

ഷാരൂഖ് ഖാന്‍

ഇന്ത്യയില്‍ അസഹിഷ്ണുതയുണ്ടെന്നു പറഞ്ഞ നടന്‍ ആമിര്‍ഖാനെ പിന്തുണച്ചു കൊണ്ടാണ് കിംഗ് ഖാന്‍ മാധ്യമ ശ്രദ്ധ നേടിയത്.

ചാര്‍ലി ഷീന്‍

ചാര്‍ലി ഷീന്‍ എന്ന ഹോളിവുഡ് നടന്‍ തനിയ്ക്ക് എയ്ഡ്‌സ് ആണെന്ന് സ്ഥിരീകരിച്ചതും ഈ വര്‍ഷത്തെ വിവാദം സൃഷ്ടിച്ച പ്രസ്താവനകളില്‍ ഒന്നായിരുന്നു.

രാധേമാ

വിവാദദൈവം രാധേമാ കൂടുതല്‍ ശക്തി പ്രാപിച്ചതും ഈ വര്‍ഷം തന്നെയായിരുന്നു. അവരുടെ കള്ളത്തരം പൊളിഞ്ഞതും രാധേമാ മാധ്യ ശ്രദ്ധ നേടിയതും ഈ വര്‍ഷത്തെ പ്രത്യേകതയായിരുന്നു.