ചില സ്വപ്‌ന യാഥാര്‍ത്ഥ്യങ്ങള്‍

കണ്ണു കാണാത്തവരുടെ സ്വപ്നം

കണ്ണുകാണാത്തവരുടെ സ്വപ്‌നത്തെക്കുറിച്ച് ആലോചിച്ചിട്ടുണ്ടോ? അവര്‍ക്കുമുണ്ട് സ്വപ്‌നം കാണാനുള്ള കഴിവ്. പക്ഷേ സ്വപ്‌നം കാണുന്നത് അവരുടെ സ്പര്‍ശനത്തില്‍ നിന്നോ ശബ്ദത്തില്‍ നിന്നോ മണത്തില്‍ നിന്നോ ലഭിക്കുന്ന അനുഭവങ്ങള്‍ വഴിയായിരിക്കും.

കൂടുതല്‍ സ്വപ്‌നങ്ങളും മറവിയിലേക്ക്

നമ്മള്‍ കാണുന്ന അന്‍പത് ശതമാനം സ്വപ്‌നങ്ങളും അഞ്ച് മിനിട്ടിനുള്ളില്‍ മറക്കുന്നതാണ്. തൊണ്ണൂറു ശതമാനം സ്വപ്‌നങ്ങളും ഉണര്‍ന്ന് പത്ത് മിനിട്ടിനുള്ളില്‍ മറക്കുന്നതുമായിരിക്കും.

മനസ്സിനെ സ്വസ്ഥമാക്കുന്നു

നമ്മള്‍ കാണുന്ന പല സ്വപ്‌നങ്ങളും നമ്മുടെ മനസ്സിനെ സ്വസ്ഥമാക്കുന്നതാണ്. സ്വപ്‌നങ്ങള്‍ക്ക് നമ്മളില്‍ ശാരീരിക മാറ്റം വരുത്താന്‍ കഴിയുമെന്നാണ് പറയപ്പെടുന്നത്.

കഴിഞ്ഞ കാലം

വര്‍ഷങ്ങള്‍ക്കു മുന്‍പ് നടന്ന കാര്യങ്ങള്‍ പലപ്പോഴും നമ്മുടെ സ്വപ്‌നത്തില്‍ കാണാറുണ്ട്. ഇതില്‍ പലതും നമ്മുടെ ജീവിതത്തില്‍ സംഭവിച്ചതായിരിക്കും. ജീവിതത്തില്‍ അത്രയേറെ സ്വാധീനിച്ച കാര്യങ്ങള്‍ പലപ്പോഴായി സ്വപ്‌നമായി വരുന്നു.

സാധാരണ സ്വപ്‌നം

പലരുടേയും സ്വപ്‌നങ്ങള്‍ പലതും ആവര്‍ത്തിച്ചുള്ളതായിരിക്കും. പരീക്ഷയില്‍ തോല്‍ക്കുന്നതും ഉയരത്തില്‍ നിന്ന താഴെ വീഴുന്നതും സ്‌കൂളിലുണ്ടായ പ്രശ്‌നങ്ങളുമായിരിക്കും മിക്കവരുടേയും സ്വപ്‌നത്തിനാധാരം.

അനാവശ്യ പേടികള്‍

സ്വപ്‌നം കണ്ടുണ്ടാവുന്ന അനാവശ്യ പേടികള്‍ നമ്മുടെ മനസ്സിനെ എപ്പോഴും അലട്ടിക്കൊണ്ടിരിക്കും. സ്വപ്‌നത്തെക്കുറിച്ച് നമുക്ക് കൃത്യമായ ഓര്‍മ്മയുണ്ടാവില്ലെങ്കിലും എന്തോ ഒരു പേടി നമ്മളെ എപ്പോഴും ചുറ്റി വരിയും.

പുകവലി

പുകവലിക്കുന്നതായി സ്വപ്‌നം കാണുന്നവര്‍ എപ്പോഴും ആ ദു:ശ്ശീലത്തില്‍ നിന്ന് പിന്തിരിയുന്നു. ഈ അടുത്ത കാലത്തായി നടത്തിയ പഠനത്തിലാണ് 33 ശതമാനത്തില്‍ കൂടുതല്‍ ആളുകളും ഇത്തരത്തില്‍ സ്വപ്‌നം കണ്ടതിനു ശേഷം പുകവലി ഉപേക്ഷിച്ചത്.

ശാരീരിക ബുദ്ധിമുട്ടുകള്‍

പല സ്വപ്‌നങ്ങളിലും നമ്മുടെ മനസ്സിനു മാത്രമേ സഞ്ചരിക്കാന്‍ കഴിയൂ. എന്നാല്‍ പല സ്വപ്‌നങ്ങളിലും ശാരീരികമായി വരെ നമുക്ക് അസ്വസ്ഥതയുണ്ടാകുന്നു.