മരിക്കും മുന്‍പ് ചോദിച്ചിരിക്കേണ്ട ആ ചോദ്യങ്ങള്‍

ഏറ്റവും വലിയ വിഷമം

എന്തായിരിക്കും നമ്മുടെ മാതാപിതാക്കളുടെ ഏറ്റവും വലിയ വിഷമം എന്ന് ആലോചിച്ചിട്ടുണ്ടോ? അതിനെപ്പറ്റി അവരോട് ചോദിക്കണം. എന്തായിരുന്നു അവരുടെ ഏറ്റവും വലിയ വിഷമം എന്ന്. ചിലപ്പോള്‍ ആ ഒരു ചോദ്യം കൊണ്ടു തന്നെ അവരുടെ എല്ലാ വിഷമങ്ങളും തീരും.

എന്തായിരുന്നു സ്വപ്നം?

എന്തായിരിക്കും അവരുടെ കുട്ടിക്കാലത്തെ ഏറ്റവും വലിയ സ്വപ്നം? ചിലപ്പോള്‍ സ്വപ്‌നം കണ്ടതില്‍ വെച്ച് നേരെ വിപരീതമായ ഒരു ജീവിതമായിരിക്കും അവര്‍ക്ക് ലഭിച്ചിട്ടുണ്ടാവുക.

എന്ത് മാറ്റമാണ് ആഗ്രഹിക്കുന്നത്?

ഈ ലോകത്ത് അടുത്ത പത്ത് വര്‍ഷത്തിനുള്ളില്‍ എന്ത് മാറ്റമാണ് നിങ്ങള്‍ ആഗ്രഹിക്കുന്നത്. ആഗ്രഹിക്കുന്ന പോലെ നടക്കില്ല എന്നാലും ആ ചോദ്യം അവര്‍ക്ക് സന്തോഷമുണ്ടാക്കും എന്ന കാര്യത്തില്‍ സംശയം വേണ്ട.

ചെറുപ്പത്തില്‍...

നിങ്ങളുടെ ചെറുപ്പത്തില്‍ ഏറ്റവും റിബല്‍ ആയി നിങ്ങള്‍ ചെയ്ത കാര്യമെന്ത്? അല്ലെങ്കില്‍ അങ്ങന എന്തെങ്കിലും ചെയ്യാന്‍ പറ്റാത്തതില്‍ ഇപ്പോള്‍ വിഷമമുണ്ടോ?

ഫസ്റ്റ് കിസ്സിനെക്കുറിച്ച്?

ഫസ്റ്റ് കിസ്സിനെക്കഉറിച്ച് ഇപ്പോള്‍ ആലോചിക്കുമ്പോള്‍ എന്ത് തോന്നുന്നു? ചിലര്‍ക്ക് പറയാന്‍ കഴിയില്ലെങ്കിലും അവരുടെ അവസാന കാലത്ത് ചിലര്‍ക്ക് സന്തോഷമുണ്ടാക്കുന്ന കാര്യമായിരിക്കും ഇത് എന്നതാണ് സത്യം.

ആദ്യപ്രണയം

പലര്‍ക്കും ഓര്‍ക്കാന്‍ ഇഷ്ടമുള്ള കാര്യമായിരിക്കും ആദ്യം പ്രണയത്തെക്കുറിച്ച്. അതില്‍ അല്‍പം ദു:ഖമാണെങ്കിലും സന്തോഷമാണെങ്കിലും ഓര്‍ക്കാന്‍ സുഖമായിരിക്കും.

ഇനി ഒരു ജീവിതമുണ്ടെങ്കില്‍

ഇനി ഒരു ജീവിതമുണ്ടെങ്കില്‍ എന്തായി ജനിക്കണമെന്നാണ് ആഗ്രഹമെന്നതാണ് അവസാനമായി നാം ചോദിക്കേണ്ട കാര്യം. ചിലപ്പോള്‍ നമ്മുടെ തന്നെ അച്ഛനമ്മമാരായി ജീവിക്കാനായിരിക്കും ആഗ്രഹം.