പ്രേതസാന്നിധ്യം തിരിച്ചറിയാം

പ്രേതം, വിശ്വസിയ്ക്കുന്നവര്‍ക്കുണ്ടെന്നും ഇല്ലാത്തവര്‍ക്ക് ഇല്ലെന്നും തോന്നുന്ന ഒന്ന്. പ്രേതമുണ്ടോയെന്ന ചോദ്യത്തിന് ഉത്തരം പറയാന്‍ ഇപ്പോഴും വ്യക്തമായി ആര്‍ക്കും കഴിയില്ല. കാരണം വിചിത്ര അനുഭവങ്ങളുണ്ടായതായി പലരും പലപ്പോഴും അവകാശപ്പെടുന്നതു കൊണ്ടുതന്നെ.

്എന്തൊക്കെയായാലും കഥകളിലും സിനിമകളിലുമെല്ലാം പ്രേതസാന്നിധ്യം വെളിപ്പെടുത്തുന്ന പല സന്ദര്‍ഭങ്ങളുമുണ്ട്. ഇത്തരം സന്ദര്‍ഭങ്ങള്‍ നിങ്ങളുടെ ജീവിതത്തിലുമുണ്ടായിട്ടുണ്ടോയെന്നു നോക്കൂ, അതായത് നിങ്ങള്‍ക്കുണ്ടായത് പ്രേതസാന്നിധ്യമാണോയെന്നു തിരിച്ചറിയൂ,

ആരോ നിങ്ങളുടെ പേര്‍ വിളിയ്ക്കുന്നതു പോലെ തോന്നിയോ, നോക്കുമ്പോള്‍ ആരെയും കണ്ടില്ലെന്നുണ്ടോ.

നായ്ക്കള്‍ക്ക് അദൃശ്യസാന്നിധ്യം തിരിച്ചറിയാന്‍ കഴിയുമെന്നു പറയാറുണ്ട്. അപരിചിതരുടെ സാന്നിധ്യമില്ലെങ്കില്‍ നിങ്ങളുടെ നായ പെട്ടെന്ന് ഓലിയിടാന്‍ തുടങ്ങിയോ, പ്രത്യേകിച്ച് രാത്രിയില്‍...

പെട്ടെന്ന് എവിടെ നിന്നോ ഉറവിടമില്ലാത്ത ഒരു സുഗന്ധമനുഭവപ്പെടുന്നതായി നിങ്ങള്‍ക്കു തോന്നിയോ. പെട്ടെന്നു തന്നെ ഇത് ഇല്ലാതാകുന്നതായും. പാലപ്പൂവും പിച്ചിപ്പൂവും മുല്ലപ്പൂവുമെല്ലാമാണ് കഥകളില്‍ സു്ഗന്ധത്തിന്റെ ഉറവിടം.

നിങ്ങളുടെ തോളില്‍, സമീപത്ത് ഒരു നിശ്വാസമനുഭവപ്പെടുന്നുവോ, അദൃശ്യമായ ഒരു നിശ്വാസം.

ആരോ നടക്കുന്നതുപോലൊരു ഒച്ച കേള്‍ക്കുന്നുവോ, നോക്കുമ്പോള്‍ ആരെയും കണ്ടെന്നു വരില്ല.

ശാന്തമായി നില്‍ക്കുന്ന പ്രകൃതിയില്‍ പെട്ടെന്നൊരു കാറ്റു വീശിയോ, അതും നിങ്ങള്‍ നില്‍ക്കുന്നിടത്തു മാത്രം. മറ്റെവിടേയും കാറ്റില്ലെങ്കില്‍....

നിങ്ങളുടെ വീട്ടിലെ ലൈറ്റുകള്‍ പെട്ടെന്നു തന്നെ പ്രത്യേക പ്രശ്‌നങ്ങളില്ലാതെ കെടുകയും കത്തുകയും ചെയ്യുന്നുവോ, അപ്പോള്‍..

ഒരു അടിക്കുറുപ്പ്, പ്രേതമെന്നത് ഒരു സങ്കല്‍പം മാത്രമാണെന്നു വിശ്വസിയ്ക്കുന്നവര്‍ക്ക്, പ്രേത കഥകള്‍ വായിക്കാന്‍ ഇഷ്ടപ്പെടുന്നവര്‍ക്കുള്ള ഒരു വിനോദ്ം മാത്രമാണിത്.