ഇന്റര്‍വ്യൂവില്‍ പരാജയപ്പെടാതിരിയ്‌ക്കാന്‍

കൃത്യനിഷ്‌ഠ

സമയത്തിന്റെ കാര്യത്തില്‍ കൃത്യനിഷ്‌ഠ പാലിയ്‌ക്കുക. പറഞ്ഞ സമയത്തിനു മുന്‍പു തന്നെ ഇന്റര്‍വ്യൂ നടക്കുന്നിടത്തെത്തുക. വൈകിയെത്തുന്നത്‌ നിങ്ങളുടെ ആത്മവിശ്വാസം കെടുത്തുമെന്നു മാത്രമല്ല, നിങ്ങളെക്കുറിച്ചുള്ള മോശം അഭിപ്രായത്തിനും ഇട വരുത്തും.

ശമ്പളം

ശമ്പളത്തിന്റെ കാര്യത്തെക്കുറിച്ചുള്ള കൂടുതല്‍ ചോദ്യങ്ങളും അമിത ഉത്‌കണ്‌ഠയുമൊന്നും വേണ്ട. നിങ്ങള്‍ തെരഞ്ഞെടുക്കപ്പെട്ടു കഴിഞ്ഞാല്‍ ഇതെക്കുറിച്ചു സ്ഥാപനത്തിലെ ഉത്തരവാദിത്വപ്പെട്ടവര്‍ തന്നെ അറിയിക്കും.

മൊബൈല്‍

ഇന്റര്‍വ്യൂ സമയത്ത്‌ മൊബൈല്‍ ഓഫ്‌ ചെയ്‌തു വയ്‌ക്കുക. ഈ സമയത്ത്‌ കോള്‍ വരുന്നത്‌ ഇന്റര്‍വ്യൂ ചെയ്യുന്നതവര്‍ക്ക്‌ അലോസരമുണ്ടാക്കും.

മിതത്വം

ഇന്റര്‍വ്യൂവില്‍ മിതത്വം പാലിയ്‌ക്കുക. അമിതമായ സംസാരവും തീരെ സംസാരിയ്‌ക്കാതിരിയ്‌ക്കുന്നതും നല്ലതല്ല. ചോദ്യങ്ങള്‍ക്കു മാത്രം കഴിവതും ഉത്തരം പറയുക. ആവശ്യമെങ്കില്‍ വളരെ ചുരുങ്ങിയ വാക്കുകളില്‍ കൂടുതല്‍ വിശദീകരണം നല്‍കുക.

വസ്‌ത്രധാരണം

വസ്‌ത്രധാരണം വളരെ പ്രധാനം. ഇന്റര്‍വ്യൂവില്‍ പങ്കെടുക്കാന്‍ ഒഫീഷ്യല്‍ വസ്‌ത്രധാരണമാണ്‌ വേണ്ടത്‌.

ബോഡി ലാംഗ്വേജ്‌

നിങ്ങളുടെ ബോഡി ലാംഗ്വേജ്‌ പ്രധാനം.നിവര്‍ന്നിരുന്ന്‌ കണ്ണില്‍ നോക്കി സംസാരിയ്‌ക്കുക. വളഞ്ഞൊടിഞ്ഞിരുന്ന്‌ മറ്റെവിടേക്കെങ്കിലും നോക്കി സംസാരിയ്‌ക്കുന്നത്‌ ഒഴിവാക്കുക.

അമിതവിനയവും അഹങ്കാരച്ചുവയുള്ള പെരുമാറ്റവും

ഇന്റര്‍വ്യൂവില്‍ പങ്കെടുക്കുമ്പോള്‍ അമിതവിനയവും അഹങ്കാരച്ചുവയുള്ള പെരുമാറ്റവും വേണ്ട. ഇവ രണ്ടും ദോഷം ചെയ്യും.

വ്യക്തിപരമായ കാര്യങ്ങളെക്കുറിച്ച്‌

വ്യക്തിപരമായ കാര്യങ്ങളെക്കുറിച്ച്‌ അധികം പരാമര്‍ശം വേണ്ട. ഇന്റര്‍വ്യൂ ചെയ്യുന്നവരെക്കുറിച്ച്‌ അവരോട്‌ കൂടുതല്‍ തിരക്കാതിരിയ്‌ക്കുക.നഖം പറയും നിങ്ങളുടെ സ്വഭാവം!

ഞങ്ങളുടെ ഫേസ്‌ബുക്‌ പേജ്‌ ലൈക്‌ ചെയ്യൂ, ഷെയര്‍ ചെയ്യൂ