2015നു മുന്‍പ് ഇവയുപേക്ഷിയ്ക്കൂ

Published: Saturday, December 20, 2014, 14:37 [IST]

പുതുവര്‍ഷം പുതുപ്രതിജ്ഞയോടെ തുടങ്ങുന്നവരാണ് പലരും. 2014 ഏതാണ്ട് അവസാനിക്കാറായി. പുതുവര്‍ഷത്തെ പുതുപ്രതീക്ഷയോടെ വരവേല്‍ക്കുന്നവരാണ് എല്ലാവരും.

പുതുവര്‍ഷത്തെ വരവേല്‍ക്കുന്നതിനു മുന്‍പ് നാം ഉപേക്ഷിയ്‌ക്കേണ്ട ചില കാര്യങ്ങളുണ്ട്. നല്ലൊരു നാളേയ്ക്കു വേണ്ടി, നിങ്ങളുടെ നല്ലൊരു ഭാവിയ്ക്കു ഉപേക്ഷിയ്‌ക്കേണ്ട ചിലത്. ഇവയെന്തൊക്കെയെന്നു നോക്കൂ,

2015നു മുന്‍പ്

എനിക്കെന്തെങ്കിലും പ്രശ്‌നമുണ്ടോ, എനിക്കെന്താണതിനു കഴിയാത്തത്.. തുടങ്ങി തങ്ങളെക്കുറിച്ചു തന്നെയുള്ള എല്ലാ സംശയങ്ങളും ഉപേക്ഷിയ്ക്കുക.

2015നു മുന്‍പ്

മറ്റുള്ളവരോടു വിദ്വേഷം ഉപേക്ഷിയ്ക്കുക. ഇത് നിങ്ങളെത്തന്നെയാണ് നശിപ്പിയ്ക്കുകയെന്നു തിരിച്ചറിയൂ.

2015നു മുന്‍പ്

കഴിഞ്ഞു പോയ കാര്യങ്ങളെക്കുറിച്ചോര്‍ത്തുള്ള ഖേദം ഉപേക്ഷിയ്ക്കുക. കഴിഞ്ഞു പോയതു കഴിഞ്ഞു, ഇതു നമുക്കു മാറ്റാനാകില്ല. ഭാവിയിലേയ്ക്കു ശ്രമിയ്ക്കുക.

2015നു മുന്‍പ്

പരാജയങ്ങളെക്കുറിച്ചോര്‍ത്തിരിയ്ക്കരുത്. ഇവ മറക്കുക. പരാജയം വിജയത്തിലേയ്ക്കുള്ള ചവിട്ടു പടിയായി കാണുക.

2015നു മുന്‍പ്

അവനവനെത്തന്നെ പഴിയ്ക്കുന്നത് ഉപേക്ഷിയ്ക്കുക. ഇത് നിങ്ങളുടെ ആത്മവിശ്വാസം കെടുത്താനേ ഉപകരിയ്ക്കൂ.

2015നു മുന്‍പ്

പ്രശ്‌നങ്ങളില്‍ നിന്നും ഒളിച്ചോടുന്ന ശീലം ഉപേക്ഷിയ്ക്കണം. മറിച്ച് പ്രശ്‌നങ്ങളെ നേരിടാനുള്ള മനസാന്നിധ്യം നേടുക.

2015നു മുന്‍പ്

ഭാവിയെക്കുറിച്ചുള്ള ഭയം, നാളെയെന്താകും എന്നുള്ള ചിന്ത ഉപേക്ഷിയ്ക്കണം. നാളെയ്ക്കു വേണ്ടി പരിശ്രമിയ്ക്കാം. എന്നാല്‍ ഇത്തരം ഭയം ദോഷമല്ലാതെ ഗുണം ചെയ്യില്ല.