ജോലിയിലെ താല്പര്യമില്ലായ്മയുടെ ലക്ഷണങ്ങള്‍

Pulse

oi-Staff

By Super

Published: Tuesday, April 22, 2014, 16:14 [IST]

ചിലപ്പോള്‍ നിങ്ങള്‍ നിങ്ങളുടെ ജോലി ഇഷ്ടപ്പെടുന്നില്ലെങ്കിലും അത് പ്രകടമാക്കുന്നത് മറയ്ക്കാന്‍ സാധിക്കും. എന്നാല്‍ നിങ്ങളുടെ ഉള്ളിലെ അസന്തുഷ്ടി ശ്രദ്ധിക്കുന്നത് നല്ലതാണ്. ജോലി തീര്‍ത്ത് പുറത്തേക്കോടാന്‍ നിങ്ങള്‍ വെമ്പുന്നുണ്ടാകും. നിങ്ങളുടെ രാജിക്കത്തെഴുതാനും, പുതിയ ജോലി അന്വേഷിക്കാനും നേരമായെന്ന് സൂചിപ്പിക്കുന്ന ചില അടയാളങ്ങളെ പരിചയപ്പെടാം.

1. രാവിലെ എഴുന്നേല്‍ക്കാന്‍ മടി - നിങ്ങള്‍‌ ജോലി ഇഷ്ടപ്പെടുന്നില്ല എന്നതിന്‍റെ വ്യക്തമായ ഒരു സൂചനയാണ് ഇത്. അലാറം മൂന്ന് വട്ടം അടിച്ചാലും എഴുന്നേല്‍ക്കാത്തത് ജോലിയില്‍ താല്പര്യമില്ലാത്തതിനാലാവാം. ഒരു രാത്രി മുഴുവന്‍ ഉറങ്ങിയിട്ടും വീണ്ടും മടി തോന്നുന്നുവെങ്കില്‍ അത് ഒരു സൂചനയാണ്. ജോലിയിലുള്ള താല്പര്യമില്ലായ്മ മനസിനെ പ്രതിരോധത്തിലാക്കും.

2. സഹപ്രവര്‍ത്തകരുമായുള്ള സഹകരണമില്ലായ്മ - നിങ്ങള്‍ ആദ്യമായി ജോലി തുടങ്ങിയ കാലം ഓര്‍മ്മിച്ച് നോക്കുക. നിങ്ങള്‍ ജോലിയില്‍ സംതൃപ്തനല്ലെങ്കില്‍ സഹപ്രവര്‍ത്തകരോട് അനുകൂലമായ സമീപനമാകില്ല ഉണ്ടാവുക. ചുറുചുറുക്കോടെ ജോലി ചെയ്യുന്ന സഹപ്രവര്‍ത്തകരോട് നിങ്ങള്‍ക്ക് താല്പര്യം ഉണ്ടാകില്ല.

3. പുതിയ കര്‍ത്തവ്യങ്ങളോടുള്ള മടി - നിങ്ങള്‍ നിലവിലുള്ള ജോലി ഇഷ്ടപ്പെടുന്നില്ല എന്നതിന്‍റെ വ്യക്തമായ സൂചനയാണിത്. ഓഫിസിലേക്ക് കടക്കുമ്പോള്‍ ഊര്‍ജ്ജം നഷ്ടപ്പെട്ട അവസ്ഥയിലാണോ നിങ്ങള്‍. നിങ്ങളുടെ സ്ഥാനത്തെക്കുറിച്ച് ആലോചിക്കുക. നിങ്ങളെങ്ങനെ ഇവിടെയെത്തി? ഇവിടെ നിങ്ങളുടെ ആവശ്യമുണ്ടോ? ഇപ്പോഴത്തെ ജോലി നിങ്ങള്‍ക്ക് താല്പര്യം ജനിപ്പിക്കുന്നതാണോ? എന്നീ ചോദ്യങ്ങള്‍ക്കെല്ലാം അല്ല എന്നാണ് ഉത്തരമെങ്കില്‍ നിങ്ങള്‍ക്ക് ഇപ്പോഴത്തെ ജോലിയില്‍ താല്പര്യമില്ല എന്നാണര്‍ത്ഥം.

4. സമയത്തിന് ജോലികള്‍ തീര്‍ക്കാനാവുന്നില്ല - നിങ്ങള്‍ ജോലിയില്‍ മത്സരബുദ്ധിയുള്ള ആളാണെങ്കില്‍ കടമകള്‍ സമയത്ത് ചെയ്ത് തീര്‍ക്കേണ്ടതുണ്ട്. അല്ലെങ്കില്‍ നിങ്ങള്‍‌ എത്രയധികം ജോലി കൂടുതല്‍ ചെയ്താലും ബോസ് ജോലി ചെയ്യാന്‍ പ്രേരിപ്പിച്ചാലും അവ അര്‍ത്ഥശൂന്യമാണ്.

5. തരംതാഴ്ത്തലിനുള്ള സന്നദ്ധത - 9 മുതല്‍ 5 വരെ നീളുന്ന ജോലിയിലിരിക്കുകയും മറ്റ് ജോലികളെക്കുറിച്ച് ദിവാസ്വപ്നം കാണുകയും ചെയ്യുന്നത് നിലവിലുള്ള ജോലി ഇഷ്ടപ്പെടുന്നില്ല എന്നതിന്‍റെ സൂചനയാണ്. ഓഫിസിലൊഴിച്ച് വേറെ എവിടെയെങ്കിലും ആയിരിക്കുന്നതിനെക്കുറിച്ച് പതിവായി ചിന്തിക്കുന്നുവെങ്കില്‍ അത് നിങ്ങള്‍ വേറൊരിടം കണ്ടെത്താനുള്ളതിന്‍റെ സൂചനയാണ്.