ബ്രൈഡല്‍ ഫാഷന്‍ വീക്കില്‍ ചിത്രാംഗദ

ഇന്ത്യന്‍ ബ്രൈഡല്‍ ഫാഷന്‍ വീക്കില്‍ ചിത്രാംഗദ സിംഗ് എത്തിയത് ട്രൈബല്‍ വധുവിന്റെ വേഷത്തിലായിരുന്നു. ചുവന്ന ഫ്രില്ലുകള്‍ പിടിപ്പിച്ച ഒരു വസ്ത്രത്തിലാണ് ഇവര്‍ വേദിയിലെത്തിയത്.

തരുണ്‍ തഹല്യാനിയാണ് ഈ വസ്ത്രം ഡിസൈന്‍ ചെയ്തത്.

ചുവപ്പിനു പുറമെ ഗോള്‍ഡന്‍, പള്‍പ്പിള്‍, കോറല്‍, മഞ്ഞ നിറങ്ങളും ഇതില്‍ കൂടിക്കലര്‍ന്നിരുന്നു. ചുവന്ന നിറത്തിലെ ദുപ്പട്ട വസ്ത്രത്തിന് കൂടുതല്‍ അഴക് നല്‍കി.

ആസ്വ എന്ന ജ്വല്ലറി ബ്രാന്റിനു വേണ്ടിയാണ് ചിത്രാംഗദ സിംഗ് റാമ്പിലെത്തിയത്. ഇതുകൊണ്ടുതന്നെ ഇവര്‍ അണിഞ്ഞിരുന്ന ആഭരണങ്ങളും ശ്രദ്ധ നേടി.

ഇവര്‍ അണിഞ്ഞിരുന്ന അരപ്പട്ടയും കമ്മലുകളും മാലുയമെല്ലാം ഡിസൈനര്‍ വസ്ത്രത്തിന് ചേരുന്ന വിധത്തിലായിരുന്നു.

മുടി ഉയര്‍ത്തിക്കെട്ടിയ സ്റ്റൈല്‍ വസ്ത്രത്തിനു ചേരുന്ന വിധത്തിലുമായിരുന്നു. മുടിയില്‍ ഗോള്‍ഡന്‍ നിറത്തിലുള്ള ഹെയര്‍ ബാന്റും ഇവര്‍ ധരിച്ചിരുന്നു.