1 മണിക്കൂര്‍ 33 വിഭവങ്ങള്‍; അഭിമാനായി സാന്‍വി

പാചകത്തില്‍ നൂറില്‍ നൂറ് മാര്‍ക്കാണ് സാന്‍വി എന്ന കൊച്ചുമിടുക്കി സ്വന്തമാക്കിയിരിക്കുന്നത്. അതിന് കാരണമാകട്ടെ ഒരു മണിക്കൂറിനുള്ളില്‍ 33 വിഭവങ്ങള്‍ ഈസിയായി പാചകം ചെയ്തത് തന്നെ. ഊത്തപ്പം ഉള്‍പ്പടെയുള്ള വിഭവങ്ങള്‍ വളരെ എളുപ്പത്തില്‍ ഒരു മണിക്കൂറിനുള്ളിലാണ് ഈ മിടുക്കി 33 വിഭവങ്ങള്‍ തയ്യാറാക്കിയിരിക്കുന്നത്. ഈ മികച്ച പാചകത്തിന് ഏഷ്യാ ബുക്ക് ഓഫ് റെക്കോര്‍ഡും ഇന്ത്യാ ബുക്ക് ഓഫ് റെക്കോര്‍ഡും കരസ്ഥമാക്കിയിരിക്കുകയാണ് സാന്‍വി. ഇന്ത്യന്‍ വ്യോമസേനയുടെ വിംഗ് കമാന്‍ഡര്‍ പ്രജിത് ബാബുവിന്റെയും മഞ്ജിമയുടെയും മകള്‍ സാന്‍വി എം പ്രജിത് നടത്തിയ അത്ഭുതകരമായ നേട്ടം ഇന്ന് എല്ലാവര്‍ക്കും തന്നെ അത്ഭുതമാണ്.

സാന്‍വി 33 ഇനങ്ങള്‍ ആണ് പാകം ചെയ്തത്. അതില്‍ ഇഡ്‌ലി, മഷ്‌റൂം ടിക്ക, പനീര്‍ ടിക്ക, ബുള്‍സ് ഐ, കോണ്‍ഫ്രിറ്റേഴ്‌സ്, ചിക്കന്‍ റോസ്റ്റ്, പാന്‍കേക്ക്, ഫ്രൈഡ് റൈസ്, പാപ്ഡി ചാറ്റ്, ഊത്തപ്പം, സാന്‍ഡ് വിച്ച് എന്നിവയെല്ലാം ഉള്‍പ്പെടുന്നുണ്ട്. ഓഗസ്റ്റ് 29 നാണ് സാന്‍വിക്ക് വെറും പത്ത് വയസ്സ് തികഞ്ഞത്. ഇത്രയും ചെറുപ്രായത്തിനുള്ളില്‍ തന്നെ ഇങ്ങനെയൊരു റെക്കോര്‍ഡിന് ഉടമയാണ സാന്‍വി. വെറും കുറഞ്ഞ സമയത്തിനുള്ളില്‍ ഏറ്റവുമധികം ഭക്ഷണം പാകം ചെയ്ത കുട്ടി എന്ന നിലയിലുള്ള റെക്കോര്‍ഡ് ആണ് സാന്‍വിയെ തേടിയെത്തിയത്. വിശാഖപട്ടണത്തിലെ സാന്‍വിയുടെ വീട്ടില്‍ വെച്ച് നടത്തിയ കുക്കറി ഷോയില്‍ ഓണ്‍ലൈന്‍ ആയിട്ടാണ് ഏഷ്യബുക്ക് ഓഫ് റെക്കോര്‍ഡ് അധികൃതര്‍ വീക്ഷിച്ചത്.

ഓഗസ്റ്റ് 29നാണ് സാന്‍വിക്ക് 10 വയസ്സ് തികഞ്ഞത്. ഓഗസ്റ്റ് 29നായിരുന്നു സാന്‍വിയുടെ പാചകം നടന്നതും. എറണാകുളം സ്വദേശിയാണ് സാന്‍വി. സാന്‍വിയുടെ അമ്മ പാചക വിദഗ്ധയും ഭരതനാട്യം നര്‍ത്തകി കൂടിയാണ്. ഇത് കൂടാതെ ഇവര്‍ റിയാലിറ്റി കുക്കറിഷോയുടെ അവസാന മത്സരാര്‍ത്ഥി കൂടിയായിരുന്നു. അമ്മയാണ് തന്റെ പ്രചോദനത്തിന് പിന്നില്‍ എന്ന് സാന്‍വി പറയുന്നു. നിരവധി കുക്കറി ഷോയില്‍ ഈ കുഞ്ഞ് മിടുക്കി പങ്കെടുത്തിരുന്നു. നിരവധി സമ്മാനങ്ങളും സാന്‍വിയെ തേടി ഈ കുഞ്ഞ് പ്രായത്തില്‍ എത്തിയിട്ടുണ്ട്. സാന്‍വിയുടെ യൂട്യൂബ് ചാനലിനും നിരവധി ആരാധകരാണ് ഉള്ളത്.

image courtesy : youtube