അന്യഗ്രഹജീവികള്‍ മനുഷ്യരോട് പറയാന്‍ ശ്രമിച്ചത്; നാസ്‌ക വരകള്‍ക്ക് പിന്നിലെ നിഗൂഢ രഹസ്യം

Nazca Lines Mystery: ലോകത്തിന്റെ മിക്കവാറും എല്ലാ സ്ഥലങ്ങളിലും തന്നെ ചില നിഗൂഢതകള്‍ ഒളിഞ്ഞിരിക്കുന്നത്. ലോകത്ത് നിലവിലുള്ള ചില നിഗൂഢമായ സ്ഥലങ്ങളെക്കുറിച്ച് നിങ്ങള്‍ കേള്‍ക്കുകയും വായിക്കുകയും ചെയ്താല്‍ തീര്‍ച്ചയായും അമ്പരക്കും. കാരണം ഇതെല്ലാം മനുഷ്യന് സാധ്യമാണോ എന്ന് ചിന്തിച്ചുപോകും. തെക്കേ അമേരിക്കന്‍ ഭൂഖണ്ഡത്തില്‍ സ്ഥിതി ചെയ്യുന്ന പെറു, ലോകത്തിലെ ഏറ്റവും നിഗൂഢമായ സ്ഥലങ്ങളില്‍ ഒന്നായി കണക്കാക്കപ്പെടുന്നു.

ഇവിടത്തെ ഭൂമിയില്‍ ഭീമാകാരമായ ചില വരകളുണ്ട്. ഈ ചിത്രങ്ങള്‍ 'നാസക ലൈന്‍സ്' എന്നാണ് അറിയപ്പെടുന്നത്. ശാസ്ത്രജ്ഞരെയും ഗവേഷകരെയും ഒരുപോലെ ഇരുത്തി ചിന്തിപ്പിച്ച ചിത്രങ്ങളാണ് ഇത്. അന്യഗ്രഹജീവികളാണ് ഇതിന് പിന്നിലെന്ന് വരെ പല സിദ്ധാന്തങ്ങളും നിലവിലുണ്ട്.

നിഗൂഢത നിറഞ്ഞ നാസ്‌ക ലൈനുകള്‍

നാസ്‌ക മരുഭൂമിയിലെ ഈ ചിത്രങ്ങള്‍ക്ക് ഗവേഷകര്‍ ഏകദേശം 2200 വര്‍ഷം പഴക്കം കണക്കാക്കിയിട്ടുണ്ട്. ഈ രേഖാചിത്രം അലാസ്‌കയില്‍ നിന്ന് അര്‍ജന്റീനയിലേക്കുള്ള ഹൈവേയില്‍ ഒരു മലഞ്ചെരിവിലാണ് കാണ്ടെത്തിയത്. പെറുവില്‍ നൂറ്റാണ്ടുകളായി സംരക്ഷിക്കപ്പെട്ടിരിക്കുന്ന നാസ്‌ക ലൈനുകള്‍ നാസ്‌ക സംസ്‌കാരത്തിന്റെ പൈതൃകമായി കണക്കാക്കപ്പെടുന്നു. ആരെങ്കിലും ഈ ചിത്രം ഭൂമിയില്‍ നിന്ന് കണ്ടാല്‍ വളരെ സാധാരണമായ ചില അവ്യക്തമായ രൂപമായി ഇത് കാണുന്നു. എന്നാല്‍ ആരെങ്കിലും അവ വായുവില്‍ നിന്ന് കാണുമ്പോഴാണ് അമ്പരക്കുക. പക്ഷികള്‍, കുരങ്ങുകള്‍, സിംഹം, ജ്യാമിതീയ രൂപങ്ങള്‍ അങ്ങനെ പലപല കൂറ്റന്‍ ചിത്രങ്ങളാണ് ഈ വരകള്‍.

പെറുവിലെ ഈ പുരാവസ്തുക്കളില്‍ ചിലത് മനുഷ്യരുടേതും ചിലത് പൂച്ചകളുടേതുമായ രൂപങ്ങളാണ്. ഇവയില്‍ ഓരോന്നിനും ഏകദേശം 121 അടി നീളമുണ്ട്. പല വിദഗ്ധരും അവകാശപ്പെടുന്നത് ഇവിടെ അന്യഗ്രഹജീവികള്‍ അവരുടെ പറക്കും തളികയുമായി ഭൂമിയില്‍ ഇറങ്ങാറുണ്ടായിരുന്നു എന്നാണ്. ഈ നിഗൂഢ ഘടനകള്‍ സൃഷ്ടിച്ചത് അന്യഗ്രഹജീവികളാണ് എന്ന് പറയപ്പെടുന്നു. എന്നിരുന്നാലും, കുറച്ച് വര്‍ഷങ്ങള്‍ക്ക് മുമ്പ്, വളരെയധികം ഗവേഷണങ്ങള്‍ക്ക് ശേഷം, ഇത് പെറുവിലെ പുരാതന ജലസേചന സമ്പ്രദായത്തിന്റെ സങ്കീര്‍ണ്ണ സംവിധാനമാണെന്ന് ചില ശാസ്ത്രജ്ഞര്‍ അവകാശപ്പെട്ടു. എന്നാല്‍ ഇതിന്റെ യാഥാര്‍ത്ഥ്യം എന്തെന്നത് ഇപ്പോഴും ദുരൂഹമാണ്.

നാസ്‌ക ലൈനുകള്‍ കണ്ടെത്തിയത് എപ്പോള്‍

1927-ല്‍ പുരാവസ്തു ഗവേഷകനായ ടോറിബിയോ മജിയ സെസ്പെയാണ് ഈ സ്ഥലം ആദ്യമായി കണ്ടെത്തിയത്. ഈ ചിത്രങ്ങള്‍ വായിച്ചെടുക്കുന്ന ജോലി 1937 വരെ ഗവേഷകര്‍ തുടര്‍ന്നു. 1927 മുതല്‍ ഇന്നുവരെ, പുരാതന മനുഷ്യ നാഗരികതയുമായി ബന്ധപ്പെട്ട നിരവധി വസ്തുക്കള്‍ ഇവിടെ നിന്ന് കണ്ടെത്തിയിട്ടുണ്ട്.

നാസ്‌ക ലൈനുകളുടെ രഹസ്യം

നാസ്‌ക ലൈനുകളുടെ രഹസ്യം വളരെ രസകരമാണ്. വായുവില്‍ സന്ദേശങ്ങള്‍ അയക്കാനാണ് ഈ വരകള്‍ നിര്‍മ്മിച്ചതെന്ന് എഴുത്തുകാരനായ എറിക് വോണ്‍ 'ചാരിയറ്റ്‌സ് ഓഫ് ദി ഗോഡ്‌സ്' എന്ന പുസ്തകത്തില്‍ പറയുന്നു. അന്യഗ്രഹജീവികളും ഇവിടെ ഇറങ്ങാന്‍ സാധ്യതയുണ്ടെന്നും അദ്ദേഹം പറയുന്നു. അന്യഗ്രഹജീവികളെ ഭൂമിയിലേക്ക് ക്ഷണിക്കാന്‍ പെറുവിലെ തദ്ദേശവാസികള്‍ തന്നെയാണ് ഈ നിര്‍മിതികള്‍ നിര്‍മ്മിച്ചതെന്ന് അദ്ദേഹം പറയുന്നു. കൊളംബിയന്‍ നാഗരികതയില്‍ നിന്ന് പ്രചോദനം ഉള്‍ക്കൊണ്ടതാണ് അവയുടെ നിര്‍മ്മാണം എന്നതാണ് നാസ്‌ക ലൈനുകളെക്കുറിച്ചുള്ള മറ്റൊരു മിഥ്യ. ഈ ലൈനുകള്‍ ജലസേചനത്തിനായി നിര്‍മ്മിച്ചതാണെന്ന് ചിലര്‍ വിശ്വസിക്കുന്നു. എന്നാല്‍ ഇതിനുള്ള തെളിവ് ആരും കണ്ടെത്തിയില്ല.

ബഹിരാകാശത്ത് നിന്ന് പോലും കാണാന്‍ കഴിയുന്ന തരത്തില്‍ അന്യഗ്രഹജീവികളെ ആകര്‍ഷിക്കുന്നതിനാണ് ഈ വലിയ ഡിസൈനുകള്‍ തയ്യാറാക്കിയിരിക്കുന്നതെന്ന് ചിലര്‍ പറയുന്നത്. ബഹിരാകാശത്ത് നിന്ന് മാത്രം കാണാന്‍ കഴിയുന്ന തരത്തിലാണ് ഈ പാറ്റേണുകള്‍ നിര്‍മ്മിച്ചിരിക്കുന്നത്. രണ്ട് സഹസ്രാബ്ദങ്ങള്‍ പഴക്കമുള്ളതാണെന്ന് ശാസ്ത്രജ്ഞര്‍ സംശയിക്കുന്ന നാസ്‌ക ലൈനുകള്‍ അവയുടെ വലിയ വലിപ്പം കണക്കിലെടുത്ത് അന്യഗ്രഹ ജീവികളുടെ കരകൗശലമായി കണക്കാക്കപ്പെടുന്നു.

നാസ്‌ക ലൈനുകളില്‍ ഇതുവരെ 300-ലധികം വ്യത്യസ്ത രൂപങ്ങള്‍ കണ്ടെത്തിയിട്ടുണ്ട്. ഈ രൂപങ്ങളില്‍ മൃഗങ്ങളുടെയും ഗ്രഹങ്ങളുടെയും ചിത്രങ്ങള്‍ ഉള്‍പ്പെടുന്നു. ഏകദേശം 2200 വര്‍ഷങ്ങള്‍ക്ക് മുമ്പ്, ആധുനിക സാങ്കേതിക വിദ്യകളൊന്നുമില്ലാതെ മനുഷ്യര്‍ ഈ ചിത്രങ്ങള്‍ സൃഷ്ടിച്ചു എന്നത് ആരെയും ആശ്ചര്യപ്പെടുത്തുന്ന കാര്യമാണ്.