ആര്‍ക്കും കീഴടക്കാനാകാത്ത നിഗൂഢതകളുടെ കൊടുമുടി; ഹിമാലയത്തിലെ രഹസ്യ സ്ഥലങ്ങള്‍

Mysterious Places Of Himalayas: നിഗൂഢതകള്‍ നിറഞ്ഞ ഒരു പര്‍വ്വതമാണ് ഹിമാലയം. ഇവിടെയുള്ള പല രഹസ്യങ്ങള്‍ക്കും ഉത്തരം കണ്ടെത്താന്‍ ശാസ്ത്രജ്ഞര്‍ക്ക് പോലും ഇതുവരെ കഴിഞ്ഞിട്ടില്ല. നിഗൂഢതകളാല്‍ ലോകമെമ്പാടും പ്രശസ്തമായ നിരവധി സ്ഥലങ്ങള്‍ ഹിമാലയത്തിലുണ്ട്. ഈ സ്ഥലങ്ങളില്‍ ഒന്നോ രണ്ടോ സ്ഥലങ്ങളില്‍ എത്താന്‍ ശാസ്ത്രജ്ഞര്‍ പലതവണ ശ്രമിച്ചിട്ടുണ്ട്. എന്നാല്‍ ഇതിലും ശാസ്ത്രജ്ഞര്‍ വിജയിച്ചിട്ടില്ല. ഹിമാലയത്തിലെ ചില നിഗൂഢ സ്ഥലങ്ങളെക്കുറിച്ചാണ് ഈ ലേഖനത്തില്‍ പറയുന്നത്.

ഗുരുഡോങ്മര്‍ തടാകം

ഹിമാലയത്തില്‍ സ്ഥിതി ചെയ്യുന്ന ഈ തടാകം വളരെയേറെ ദുരൂഹതയുള്ള ഒന്നായി കണക്കാക്കപ്പെടുന്നു. ഈ തടാകം ഗുരു പത്മസംഭവയുമായി ബന്ധപ്പെട്ടിരിക്കുന്നു. ഗുരു പത്മസംഭവ തടാകത്തിന്റെ ഒരു ഭാഗത്ത് പ്രത്യേകതയുണ്ട്. കൊടും തണുപ്പുള്ള ദിവസങ്ങളില്‍ പോലും തടാകത്തിന്റെ ഈ സ്ഥലം മരവിക്കുന്നില്ലെന്ന് പറയപ്പെടുന്നു. ഇവിടം ഒഴികെ മുഴുവന്‍ തടാകവും തണുത്ത് ഐസ് ആകും എന്നതാണ് ഏറ്റവും ആശ്ചര്യകരമായ കാര്യം! ഈ തടാകം നൂറ്റാണ്ടുകളായി ജനങ്ങളുടെ ജലസ്രോതസ്സാണ്.

കൊങ്ക ലാ പാസ്

ലഡാക്കിലാണ് കൊങ്ക ലാ പാസ് സ്ഥിതി ചെയ്യുന്നത്. കൊങ്ക ലാ ചുരത്തിലെത്തുക വളരെ ബുദ്ധിമുട്ടായ ഒരു കാര്യമാണ്. കാരണം ഈ സ്ഥലം എപ്പോവും മഞ്ഞുമൂടിക്കിടക്കുന്നു. 1962-ല്‍ ഇന്ത്യയും ചൈനയും തമ്മിലുള്ള യുദ്ധത്തിനു ശേഷം ഇരു രാജ്യങ്ങളിലെയും സൈനികര്‍ ഈ സ്ഥലത്ത് മാര്‍ച്ച് ചെയ്യില്ലെന്ന് ധാരണയായിരുന്നു. അന്നുമുതല്‍ ഈ സ്ഥലം വിജനമായി. പ്രദേശവാസികള്‍ പറയുന്നതനുസരിച്ച്, ഈ സ്ഥലത്ത് അവര്‍ ഇടയ്ക്കിടെ പറക്കും തളികകള്‍ കാണാറുണ്ട്. പറക്കും തളികകള്‍ കാണാന്‍ ആഗ്രഹമുള്ളവര്‍ ഈ സ്ഥലത്തെ എത്തിയാല്‍ മതിയെന്ന് അവര്‍ പറയുന്നു. അന്യഗ്രഹ ജീവികളും ഇവിടെ എത്താറുണ്ടെന്ന് പറയപ്പെടുന്നു. ഇവിടെ ആളുകള്‍ കുറവായതിനാല്‍, അന്യഗ്രഹജീവികള്‍ അവരുടെ താവളമായി ഇത് മാറ്റിയെന്നാണ് പറയുന്നത്.

ഗ്യാന്‍ഗഞ്ച്

ടിബറ്റില്‍ കൈലാസ പര്‍വതത്തിനും മാനസസരോവര്‍ തടാകത്തിനും സമീപമാണ് ഗ്യാന്‍ഗഞ്ച് സ്ഥിതി ചെയ്യുന്നത്. മതവിശ്വാസമനുസരിച്ച് ഇവിടെ ഒരു ആശ്രമം സ്ഥിതി ചെയ്യുന്നു. ഈ ആശ്രമം നിര്‍മ്മിച്ചത് ഭഗവാന്‍ വിശ്വകര്‍മ്മാവാണ്. ശ്രീരാമന്‍, ശ്രീകൃഷ്ണന്‍, ബുദ്ധന്‍ തുടങ്ങിയവര്‍ ഇപ്പോഴും ഈ സ്ഥലത്ത് ഭൗതിക രൂപത്തില്‍ ഉണ്ട്. ഇതുകൂടാതെ മഹര്‍ഷി വസിഷ്ഠന്‍, വിശ്വാമിത്രന്‍, മഹായോഗി ഗോരഖ്‌നാഥ്, ശങ്കരാചാര്യന്‍, ഭീഷ്മര്‍, കൃപാചാര്യന്‍, കാനാട്, പുലസ്ത്യന്‍ എന്നിവരെ ആശ്രമത്തില്‍ ശാരീരിക രൂപത്തില്‍ കാണാം. ഇവിടെ നൂറുകണക്കിന് ഋഷിമാര്‍ ആയിരക്കണക്കിന് വര്‍ഷങ്ങളായി ധ്യാനിക്കുന്നുണ്ടെന്ന് പറയുന്നു. സ്വാമി വിശുദ്ധാനന്ദ പരമഹംസയാണ് ഈ സ്ഥലത്തെക്കുറിച്ച് ആദ്യമായി ജനങ്ങളെ അറിയിച്ചത്.

ഗംഖര്‍ പന്‍സും

ലോകത്തിലെ ഏറ്റവും ഉയരം കൂടിയ പര്‍വതമായി കണക്കാക്കപ്പെടുന്നതാണ് ഗംഖര്‍ പന്‍സും. ഇതുവരെ ആര്‍ക്കും ഈ പര്‍വതത്തില്‍ എത്താന്‍ കഴിഞ്ഞിട്ടില്ല. ഇന്നുവരെ ആരും കയറാത്ത ലോകത്തിലെ ആദ്യത്തെ മലയാണിത്. ഭൂട്ടാനിലെ ഈ പര്‍വതത്തിലാണ് അര്‍ദ്ധ മനുഷ്യ യതി ജീവിക്കുന്നത്. നിരവധി പര്‍വതാരോഹകര്‍ ഉള്‍പ്പെടെയുള്ള പ്രദേശവാസികളും ഇവിടെ യതിയെ കണ്ടതായി അവകാശപ്പെട്ടിട്ടുണ്ട്. ടിബറ്റിലെ ജനങ്ങള്‍ ഇതിനെ ഭയപ്പെടുകയും ആരാധിക്കുകയും ചെയ്യുന്നു. ടിബറ്റിലെ ജനങ്ങള്‍ ഈ പര്‍വതത്തെ ദൈവമായി കണക്കാക്കുന്നു.

ടൈഗര്‍ നെസ്റ്റ് മൊണാസ്ട്രി

കുത്തനെയുള്ള പാറക്കെട്ടിന്റെ വശത്തായി ഈ ആശ്രമത്തിന്റെ മധ്യഭാഗത്തായി ഒരു ഗുഹ സ്ഥിതി ചെയ്യുന്നു. ഗുരു പദ്മസംഭവ ഇവിടെ മൂന്ന് വര്‍ഷവും മൂന്ന് മാസവും മൂന്ന് ദിവസവും മൂന്ന് മണിക്കൂറും കഠിനമായ തപസ്സു ചെയ്തുവെന്ന് വിശ്വസിക്കപ്പെടുന്നു. ഗുരു പദ്മസംഭവ കടുവയുടെ പുറത്ത് സവാരി നടത്തിയാണ് ഈ ഗുഹയിലേക്ക് പോയതെന്ന് പറയപ്പെടുന്നു. ഈ ഗുഹ ടൈഗര്‍ മഠം എന്നും അറിയപ്പെടുന്നു. 1962-ല്‍ നിര്‍മ്മിച്ച ഇത് ഇന്നും ഇളക്കം തട്ടാതെ നിലനില്‍ക്കുന്നു.