ലേബർറൂമിൽ ഭാര്യയുടെ നിലവിളിയിൽ തലകറങ്ങി വീണു

പ്രസവ മുറിയിലെ പിന്തുണ

ലേബർ റൂമിൽ പങ്കാളിക്ക് ഭർത്താവിൽ നിന്ന് ലഭിക്കുന്ന പിന്തുണ ചില്ലറയല്ല. അതിന് വേണ്ടി കൂടിയാണ് ഭര്‍ത്താവിനെ ലേബർ റൂമിൽ കയറ്റുന്നത്. അമ്മ ലേബര്‍ റൂമില്‍ അനുഭവിക്കുന്ന വേദനയും പ്രയാസവും നേരിട്ട് മനസ്സിലാക്കുകയും ഇത് വഴി സാധിക്കുന്നുണ്ട്. മാനസികമായ പിന്തുണ നൽകുന്നതിനും ഏറ്റവും മികച്ച സമയം തന്നെയാണ് ഈ അനുഭവം ഭർത്താക്കന്‍മാർക്ക് നൽകുന്നത്.

ലേബർ റൂമിൽ കയറുന്നതിന് മുൻപ്

ലേബർ റൂമില്‍ കയറുന്നതിന് മുൻപ് കൈയ്യും കാലും അണുവിമുക്തമാക്കുകയും ആന്‍റി സെപ്റ്റിക് ലോഷൻ ഉപയോഗിച്ച് ദേഹം മുഴുവൻ അണുവിമുക്തമാക്കിയതിനും ശേഷമാണ് ലേബർ റൂമിൽ കയറ്റുന്നത്. മാത്രമല്ല കൈയ്യിൽ സർജ്ജിക്കൽ ഗ്ലൗസും മുഖം മറച്ചുള്ള മാസ്കും എല്ലാം ലേബർ റൂമിൽ കയറുന്നതിന് മുൻപ് ഈ ഭർത്താവിനെ നൽകിയിരുന്നു.

സെൽഫിയുടെ കഥ

മുകളിൽ പറഞ്ഞ എല്ലാ വിധത്തിലുള്ള സന്നാഹങ്ങളോടും കൂടി ലേബർ റൂമിൽ കയറിയ ഭർത്താവിനെ ഈ സെൽഫിയില്‍ കാണുന്നത് ബോധം കെട്ട് നിലത്ത് വീണതായിട്ടാണ്. പ്രസവം കഴിഞ്ഞ ഉടനേ ഈ സ്ത്രീ എടുത്ത സെൽഫിയാണ് ഇന്ന് സോഷ്യൽ മീഡിയയിലെ താരം. അടക്കാനാവാത്ത ചിരിയാണ് ഈ യുവതിയുടെ മുഖത്ത് കാണപ്പെടുന്നത്. എന്നാല്‍ അതിന് പിന്നിൽ കിടക്കുന്ന ഭർത്താവാണ് സോഷ്യൽ മീഡിയയിലെ താരം.

ബോധം കെടാനുള്ള കാരണം

ഭാര്യയുടെ പ്രസവവും ബഹളവും എല്ലാം കേട്ടതിനെത്തുടർന്ന് കണ്ട് പേടിച്ച് ബോധരഹിതനായി താഴെ വീഴുകയായിരുന്നു. ഭാര്യക്ക് പിന്തുണക്ക് വേണ്ടി ലേബർ റൂമിൽ കയറിയ ഭര്‍ത്താവ് പ്രസവത്തിനിടെയുള്ള പെടാപാടും നിലവിളിയും എല്ലാം കണ്ട് ഭയന്ന് ബോധരഹിതനായി താഴെ വീഴുകയായിരുന്നു. പ്രസവം കണ്ട് കളയാം എന്ന് കരുതി കയറുന്ന എല്ലാ ഭർത്താക്കൻമാർക്കും ഇതൊരു പാഠമാണ്.

സെൽഫി

എന്നാൽ ഭർത്താവ് ബോധം കെട്ടു കിടക്കുമ്പോള്‍ അത് പകർത്തിയ ഭാര്യയാണ് താരം. കാരണം എന്തായാലും ഈ ചിത്രം ജീവിത കാലം മുഴുവൻ ഓർത്ത് വെക്കുന്നതിന് ഉള്ളതാണ്. നിരവധി രസകരമായ കമന്‍റുകൾ ഇപ്പോൾ ഈ ചിത്രത്തിന് വരുന്നുണ്ട്. എന്തായാലും പ്രസവം കാണാൻ വന്ന ഭര്‍ത്താവിന് പറ്റിയ പറ്റ് ഇന്ന് സോഷ്യൽ മീഡിയയില്‍ അങ്ങോളമിങ്ങോളം താരമാണ്.