വാലിൽ ബൈക്ക് കയറിയിറങ്ങി; പാമ്പ് പിന്തുടർന്നത് 2KM

ഉത്തർപ്രദേശിൽ സംഭവം

ഉത്തർപ്രദേശിലാണ് ഇത്തരം ഒരു സംഭവം നടന്നത്. ബൈക്കിൽ സഞ്ചരിക്കുന്നതിനിടെ റോഡിലൂടെ ഇഴഞ്ഞ് പോവുകയായിരുന്ന പാമ്പിന്‍റെ വാലിലൂടെ ബൈക്ക് കയറിയിറങ്ങുകയായിരുന്നു. എന്നാൽ ഇക്കാര്യം ബൈക്ക് യാത്രികൻ അറിഞ്ഞിട്ട് കൂടി ഇല്ല എന്നുള്ളതാണ് മറ്റൊരു കാര്യം. തന്‍റ വാലിൽ കൂടി കയറിയിറങ്ങിയ ബൈക്ക് യാത്രക്കാരനെ വെറുതേ വിടുന്നതിന് പാമ്പും തയ്യാറായിരുന്നില്ല.

രണ്ട് കിലോമീറ്ററോളം

ഏകദേശം രണ്ട് കിലോമീറ്ററോളം ദൂരം പാമ്പ് ബൈക്കിന് പുറകേ യാത്ര ചെയ്തു. ഇത്തരത്തിൽ ഒരു സംഭവം ശരിക്കും അപൂർവ്വമായിട്ട് തന്നെയാണ് ഇന്നും നമ്മളെല്ലാവരും കണക്കാക്കുന്നത്. തന്നെ ദ്രോഹിച്ചവന് പുറകേ പോയി അയാളെ ഇല്ലാതാക്കുന്ന പാമ്പിന്‍റെ വൈരാഗ്യ ബുദ്ധിയെക്കുറിച്ച് നാം ധാരാളം കേട്ടിട്ടുണ്ട്. എന്നാൽ ഇത് ഇത്രത്തോളം വരുമെന്ന് ആ ഗ്രാമത്തിലെ ആരും കരുതിയിട്ടില്ല.

ബൈക്ക് ഉപേക്ഷിച്ച് പോയി

ഗുഡ്ഡു പചൗരി എന്നാണ് ബൈക്ക് യാത്രക്കാരൻറെ പേര്. തന്‍റെ പുറകേ പാമ്പ് പാഞ്ഞ് വരുന്നത് കണ്ട് ഇയാൾ ഭയന്നു പോയി. ഏകദേശം രണ്ട് കിലോമീറ്ററോളം റോഡിലൂടെ പാമ്പ് ബൈക്കിനെ തന്നെ പിന്തുടരുന്നുണ്ടായിരുന്നു. അതിന് ശേഷവും ഭയപ്പെട്ട ഇയാൾ ബൈക്ക് റോഡിൽ ഉപേക്ഷിച്ച് ഓടി രക്ഷപ്പെടുകയായിരുന്നു. ഉത്തര്‍പ്രദേശിയെ ജലൻ ജില്ലയിലാണ് ഇത്തരം ഒരു സംഭവം ഉണ്ടായത്.

പാമ്പ് വെറുതേ വിട്ടില്ല

എന്നാൽ ബൈക്ക് ഉപേക്ഷിച്ച് യാത്രക്കാരൻ പോയെങ്കിലും പാമ്പ് ഇയാളെ വെറുതേ വിട്ടില്ല. ബൈക്കിന് പുറകേ പാഞ്ഞെത്തിയ പാമ്പ് മറിഞ്ഞ് കിടക്കുന്ന ബൈക്കിന് മുകളിൽ കയറി ഇരിപ്പുറപ്പിച്ച്. പിന്നീട് ഈ കാഴ്ച കാണുന്നതിന് വേണ്ടി നിരവധിയാളുകളാണ് ചുറ്റും തടിച്ച് കൂടിയത്. ഏകദേശം ഒരു മണിക്കൂറോളം പാമ്പ് ബൈക്കിന് മുകളിൽ തന്നെ ചീറ്റി ഇരിക്കുന്നുണ്ടായിരുന്നു.

അവസാനം സംഭവിച്ചത്

എന്നാൽ ഒരു മണിക്കൂര്‍ കഴിഞ്ഞിട്ടും മാറാതിരുന്ന പാമ്പിനെ ആളുകൾ കല്ല് പെറുക്കി എറിഞ്ഞാണ് ഓടിച്ചത്. പാമ്പിന്‍റെ പ്രതികാര കഥ വെറും കെട്ടു കഥകൾ അല്ലെന്നാണ് ഈ നാട്ടുകാർ പറയുന്നത്. അതുകൊണ്ട് തന്നെ ഇനിയും നോവിക്കാൻ പാമ്പ് വരും എന്നുംം പ്രതികാരം ചെയ്യും എന്നുമാണ് ഗുഡ്ഡു പറയുന്നതും.