പ്രണയത്തിൽ നിന്നും അകന്നു നിൽക്കുന്ന രാശികൾ

പ്രണയം പലപ്പോഴും ചിലർക്ക് വളരെ കഠിനവും ബുദ്ധിമുട്ട് നിറഞ്ഞതുമാണ്. രാശി ചക്രത്തിലെ ചില രാശിക്കാർ അത്തരത്തിലാണ്. അവരെ പ്രണയിക്കാൻ എളുപ്പമല്ല. അവർക്ക് പ്രണയത്തിലാവാനും എളുപ്പമല്ല.

കന്നി (ആഗസ്റ്റ് 24- സെപ്റ്റംബർ 23)

കന്നിരാശിക്കാർ ജോലി ചെയ്യുവാൻ വേണ്ടി ജീവിക്കുന്നവരാണ്. അവർക്ക് ഏറ്റവും മുഖ്യം ജോലിയാണ്. ജോലിയുടെ ഇടവേളകളിൽ അവർ അതുമായി ബന്ധപ്പെട്ട കാര്യങ്ങളിൽ മുഴുകും. ജോലിയിൽ നിന്നും അകന്നു നിൽക്കാൻ ഇവർക്ക് കഴിയില്ല. പ്രണയം നിഷ്ഫലമാണെന്ന് ഈ രാശിക്കാർ കരുതുന്നു. കൂടാതെ ഒരാളെ നിരുപാധികം വിശ്വസിക്കാൻ ഇവർക്ക് ബുദ്ധിമുട്ടാണ്. പ്രണയം ജീവിതത്തിൽ ഏറെ അത്യാവശ്യമാണെന്നും, നിറങ്ങളും സുഗന്ധങ്ങളും പ്രണയത്തിനു അകമ്പടി സേവിച്ച് ജീവിതത്തിലെത്തുമെന്നും ഈ രാശിക്കാർ മനസ്സിലാക്കണം.

മകരം (ഡിസംബർ 23- ജനുവരി 20)

മകരം രാശിക്കാർ പ്രായോഗികമതികളാണ്. പങ്കാളി സ്വന്തം ജീവിതത്തിനു എന്തെങ്കിലും തരത്തിൽ പ്രയോജനപ്പെടും എന്നു ഉറപ്പുണ്ടെങ്കിൽ മാത്രമെ അവർ ഒരു ബന്ധത്തിനു തുനിയുകയുള്ളു. സമൂഹത്തിൽ വിലയും നിലയുമുള്ള ദമ്പതികളിൽ പലരും മകരം രാശിയായിരിക്കും. അതു യാദൃശ്ചികമായി സംഭവിക്കുന്നതല്ല. കണക്കുകൂട്ടി ആലോചിച്ചു മാത്രമെ അവർ തീരുമാനമെടുക്കൂ. പ്രണയത്തിന്റെ ചാപല്യങ്ങൾ ഒരിക്കലും മകരം രാശിയിൽ നിന്നും പ്രതീക്ഷിക്കണ്ട.

കുംഭം (ജനുവരി 21-ഫെബ്രുവരി 18)

കുംഭം രാശിക്കാർക്ക് ഏറ്റവും പ്രധാനം അവരുടെ സ്വാതന്ത്ര്യമാണ്. അതു ഉപേക്ഷിച്ച് ഒരു ബന്ധത്തിലേക്ക് പോവാൻ ഈ രാശിക്കാർ ഇഷ്ടപ്പെടില്ല. പ്രണയം ഇവർക്ക് ആലോചിച്ചു തീരുമാനിക്കേണ്ട വിഷയമാണ്. നൂറ്റൊന്നാവർത്തി അവർ ആലോചിക്കും. പക്ഷെ ഒടുവിൽ പ്രണയത്തിനു കീഴടങ്ങുകയാണെങ്കിൽ ഇവർ വിശ്വസ്തരായ പങ്കാളികളായിരിക്കും.