മായക്കാഴ്ചകളുടെ ലോകം, സ്വര്‍ഗ്ഗത്തിലേക്കുള്ള വാതില്‍; കൈലാസ പര്‍വതത്തിലെ രഹസ്യങ്ങള്‍

ഹിന്ദു മതത്തില്‍ ദേവന്‍മാരുടെ ദേവനായി മഹാദേവനെ കണക്കാക്കുന്നു. ലോകത്തിലെ എല്ലാ മതങ്ങളുടെയും ഉത്ഭവം ശിവനില്‍ നിന്നാണെന്ന് വിശ്വസിക്കുന്നു. ഹിന്ദു പുരാണങ്ങള്‍ അനുസരിച്ച് കൈലാസ പര്‍വ്വതമാണ് ശങ്കരന്റെ വാസസ്ഥലമായി കണക്കാക്കപ്പെടുന്നത്. ശിവന്‍ തന്റെ കുടുംബത്തോടൊപ്പം കൈലാസ പര്‍വതത്തില്‍ വസിക്കുന്നു എന്നാണ് വിശ്വാസം. ടിബറ്റില്‍ സ്ഥിതി ചെയ്യുന്ന കൈലാസ പര്‍വ്വതം ഹിന്ദുമതത്തിലെ പല ഗ്രന്ഥങ്ങളിലും പരാമര്‍ശിക്കപ്പെടുന്നു. ശിവപുരാണം, സ്‌കന്ദപുരാണം, മത്സ്യപുരാണം മുതലായവയില്‍ കൈലാസ കാണ്ഡം എന്ന പേരില്‍ ഒരു പ്രത്യേക അധ്യായം തന്നെയുണ്ട്. ഇതില്‍ കൈലാസ പര്‍വതത്തിന്റെ മഹത്വവും അത്ഭുതങ്ങളും പറഞ്ഞിട്ടുണ്ട്.

കൈലാസ പര്‍വ്വതം നിരവധി നിഗൂഢതകള്‍ നിറഞ്ഞ സ്ഥലമാണെന്ന് പറയുന്നു. ഇതിന് നിരവധി തെളിവുകളും ആധുനിക ലോകത്ത് ഉണ്ട്. കൈലാസ പര്‍വ്വതം ലോകത്തിലെ ഏറ്റവും നിഗൂഢമായ പര്‍വതങ്ങളില്‍ ഒന്നായി കണക്കാക്കപ്പെടുന്നു. ഈ ലേഖനത്തില്‍ കൈലാസ പര്‍വതവുമായി ബന്ധപ്പെട്ട ചില രസകരമായ വസ്തുതകള്‍ ഞങ്ങള്‍ നിങ്ങള്‍ക്കായി നല്‍കുന്നു. നിങ്ങളെ അത്ഭുതപ്പെടുത്തുന്ന കൈലാസ പര്‍വതത്തിന്റെ ആ രഹസ്യങ്ങളെക്കുറിച്ച് അറിയൂ.

നാല് വലിയ നദികളുടെ ഉറവിടം

സിന്ധു, ബ്രഹ്‌മപുത്ര, സത്ലജ്, കര്‍ണാലി അല്ലെങ്കില്‍ ഗാഘ്ര എന്നീ നാല് മഹാനദികളുടെ ഉത്ഭവസ്ഥാനമാണ് കൈലാസ പര്‍വ്വതം. ഇതുകൂടാതെ ഈ കൊടുമുടികള്‍ക്കിടയില്‍ രണ്ട് തടാകങ്ങളും സ്ഥിതി ചെയ്യുന്നു. ആദ്യത്തെ തടാകം മാനസസരോവര്‍ തടാകമാണ്. ലോകത്തിലെ ഏറ്റവും ഉയരത്തില്‍ സ്ഥിതി ചെയ്യുന്ന ശുദ്ധജല തടാകങ്ങളില്‍ ഒന്നാണ് ഇത്. അതിന്റെ ആകൃതി സൂര്യനെപ്പോലെയാണ്. രണ്ടാമത്തെ തടാകം രക്ഷസതടാകമാണ്. ലോകത്തിലെ ഏറ്റവും ഉയരത്തില്‍ സ്ഥിതി ചെയ്യുന്ന ഏറ്റവും വലിയ ഉപ്പുവെള്ള തടാകങ്ങളില്‍ ഒന്നാണ് ഇത്. അതിന്റെ ആകൃതി ചന്ദ്രനെപ്പോലെയാണ്.

പാപങ്ങളില്‍ നിന്നുള്ള മോചനം

നിങ്ങള്‍ കൈലാസ പര്‍വ്വതം സന്ദര്‍ശിക്കുകയാണെങ്കില്‍, മാനസസരോവര്‍ തടാകത്തില്‍ കുളിക്കാന്‍ ഏറ്റവും അനുയോജ്യമായ സമയം പുലര്‍ച്ചെ 3 മുതല്‍ 5 വരെ ആണ്. ഇത് ബ്രാഹ്‌മമുഹൂര്‍ത്തമാണ്. ഈ സമയത്ത് ദേവന്മാര്‍ പോലും കുളിക്കാന്‍ ഈ തടാകത്തില്‍ എത്തുന്നു എന്നാണ് വിശ്വാസം. മാനസസരോവര്‍ തടാകത്തില്‍ സ്‌നാനം ചെയ്യുന്നതിലൂടെ ഏഴ് ജന്മങ്ങളിലെ പാപങ്ങളും ഇല്ലാതാകുമെന്ന് ഹിന്ദു പുരാണങ്ങളില്‍ പറയുന്നു.

സമയം വേഗത്തില്‍ കടന്നുപോകുന്നു

വിശ്വസിച്ചാലും ഇല്ലെങ്കിലും, കൈലാസ പര്‍വതത്തില്‍ സമയം അതിവേഗം കടന്നുപോകുന്നു. അവിടെ സന്ദര്‍ശിക്കുന്ന സഞ്ചാരികളും ശാസ്ത്രജ്ഞരും അവരുടെ മുടിയുടെയും നഖത്തിന്റെയും ദ്രുതഗതിയിലുള്ള വളര്‍ച്ച നിരീക്ഷിച്ചു. അതിന്റെ അടിസ്ഥാനത്തില്‍ കൈലാസ പര്‍വതത്തില്‍ സമയം വേഗത്തില്‍ കടന്നുപോകുന്നതായി പറയുന്നു. എന്നിരുന്നാലും, ഇതിന് പിന്നിലെ കാരണങ്ങള്‍ കണ്ടെത്താന്‍ ശാസ്ത്രജ്ഞര്‍ക്ക് ഇതുവരെ കഴിഞ്ഞിട്ടില്ല.

നിഗൂഢമായ ഭൂമിശാസ്ത്രപരമായ സ്ഥാനം

ഈ പുണ്യ പര്‍വതത്തിന്റെ ഉയരം 6714 മീറ്ററാണ്. അതിന്റെ കൊടുമുടിയുടെ ആകൃതി ഒരു വലിയ ശിവലിംഗം പോലെയാണ്, അതില്‍ വെളുത്ത മഞ്ഞ് പാളി വര്‍ഷം മുഴുവനും പൊതിഞ്ഞ് കിടക്കുന്നു. കൈലാസ പര്‍വ്വതം കയറുന്നത് നിഷിദ്ധമായി കണക്കാക്കപ്പെടുന്നു. എന്നാല്‍ പതിനൊന്നാം നൂറ്റാണ്ടില്‍ ടിബറ്റന്‍ ബുദ്ധ യോഗിയായ മിലരേപ കൈലാസ പര്‍വ്വതം കയറിയതായി രേഖകളുണ്ട്.

കൈലാസ പര്‍വ്വതം നീങ്ങിക്കൊണ്ടിരിക്കുന്നു

പലരും കൈലാസ പര്‍വതത്തിന്റെ കൊടുമുടിയിലെത്താന്‍ ശ്രമിച്ചിരുന്നു. എന്നാല്‍ കഠിനമായ കാലാവസ്ഥ കാരണം ആരുടെയും ശ്രമം പൂര്‍ണമായി വിജയിച്ചില്ല. കൈലാസ പര്‍വതത്തിന്റെ കൊടുമുടിയില്‍ കയറുമ്പോള്‍ ദിശ നഷ്ടപ്പെടുന്നതായി തോന്നുന്നുവെന്ന് പര്‍വ്വതാരോഹകര്‍ പറഞ്ഞിട്ടുണ്ട്. കൈലാസ പര്‍വ്വതം നീങ്ങിക്കൊണ്ടിരിക്കുന്നതായി പലരും പറയുന്നു.

ഓം ശബ്ദത്തിന്റെ പ്രതിധ്വനി

കൈലാസ പര്‍വ്വതം ഓം പര്‍വ്വതം എന്നും അറിയപ്പെടുന്നു. കൈലാസ പര്‍വതത്തിനടുത്ത് എത്തുമ്പോള്‍ ഓം എന്ന ശബ്ദം മുഴങ്ങി കേള്‍ക്കുന്നതായി തീര്‍ത്ഥാടകര്‍ പറയുന്നു. ഇതുകൂടാതെ, ശിവന്റെ വാസസ്ഥലമെന്ന നിലയില്‍ പ്രസിദ്ധമായ ഈ സ്ഥലം അതിശയകരമായ രീതിയില്‍ മനസിന് സമാധാനം നല്‍കുന്നതായും തീര്‍ത്ഥാടകര്‍ പറയുന്നു.

അമാനുഷിക ശക്തിയുടെ അന്തരീക്ഷം

കൈലാസ പര്‍വതത്തെക്കുറിച്ചും അതിന്റെ ചുറ്റുപാടുകളെക്കുറിച്ചും പഠിക്കുന്ന ശാസ്ത്രജ്ഞനായ സാര്‍ നിക്കോളായ് റൊമാനോവും സംഘവും ടിബറ്റിലെ ക്ഷേത്രങ്ങളില്‍ ചെന്ന് ഒരിക്കല്‍ സന്ന്യാസിവര്യന്‍മാരെ കണ്ടു. കൈലാസ പര്‍വതത്തിന് ചുറ്റും അമാനുഷിക ശക്തിയുടെ പ്രവാഹമുണ്ടെന്ന് ആ സന്ന്യാസിമാര്‍ പറയുന്നു. ചില സന്യാസിമാര്‍ക്ക് കൈലാസ പര്‍വ്വതവുമായി ഒരു ടെലിപതിക് ബന്ധമുണ്ടെന്നും പറയുന്നു.

സ്വര്‍ഗ്ഗത്തിലേക്കുള്ള പാത

ടിബറ്റില്‍ സ്ഥിതി ചെയ്യുന്ന കൈലാസ പര്‍വ്വതം 'സ്വര്‍ഗ്ഗത്തിലേക്കുള്ള ഗോവണി'യാണെന്ന് വിശ്വസിക്കപ്പെടുന്നു. ഹിന്ദു പുരാണങ്ങള്‍ അനുസരിച്ച് ഇത് ശിവന്റെയും പാര്‍വതി ദേവിയുടെയും വാസസ്ഥലമാണ്. മറ്റ് മതങ്ങളും ഇതിനെ പവിത്രമായി കണക്കാക്കുന്നു, അതിനാല്‍ ഈ പുണ്യമായ കൊടുമുടി കയറുന്നത് നിഷിദ്ധമാണെന്ന് പറയുന്നു. ഹിന്ദുമതം, ജൈനമതം, ബുദ്ധമതം, സിഖ് മതം എന്നിവര്‍ക്ക് കൈലാസ പര്‍വ്വതം പവിത്രമാണ്.

കൈലാസം ഒരു പിരമിഡ്

കൈലാസ പര്‍വതത്തിന്റെ വിചിത്രമായ രൂപം അത് മനുഷ്യനിര്‍മ്മിത പര്‍വതമാണെന്ന് പറയുന്നു. റഷ്യന്‍ ഗവേഷകരുടെ അഭിപ്രായത്തില്‍ കൈലാസ പര്‍വ്വതം ഒരു പര്‍വതമല്ല, കാരണം ഇത് പ്രകൃതിദത്തമായി കണക്കാക്കാന്‍ കഴിയാത്തത്ര സമ്പൂര്‍ണ്ണവും സമമിതിയുമാണ്. ശാസ്ത്രജ്ഞരുടെ അഭിപ്രായത്തില്‍ ഇത് മനുഷ്യനിര്‍മിത വാക്വം പിരമിഡാണ്. ഇതിന് ചുറ്റും 100 ചെറിയ പിരമിഡുകള്‍ ഉണ്ടെന്ന് അവര്‍ പറയുന്നു.

കൈലാസ പര്‍വ്വതം ഇതുവരെ കീഴടക്കിയിട്ടില്ല

കൈലാസ പര്‍വതത്തിന്റെ ഉയരം ഏകദേശം 6,600 മീറ്ററാണ്. ഇത് ലോകത്തിലെ ഏറ്റവും ഉയരമുള്ള പര്‍വതമായ എവറസ്റ്റിനെക്കാള്‍ കുറവാണ്. നിരവധി പേര്‍ എവറസ്റ്റ് കീഴടക്കിയിട്ടുണ്ട്. എന്നാല്‍ ഉയരം കുറവാണെങ്കിലും കൈലാസ പര്‍വതത്തിന്റെ കൊടുമുടി ഇതുവരെ ആര്‍ക്കും കയറാന്‍ കഴിഞ്ഞിട്ടില്ല.

കൈലാസ പര്‍വതത്തിന്റെ കൊടുമുടിയില്‍ കയറുന്നത് നിഷിധമായി കണക്കാക്കുന്നു. എന്നാല്‍ പതിനൊന്നാം നൂറ്റാണ്ടിലെ ബുദ്ധ സന്യാസിയായ യോഗി മിലരേപ കൈലാസ പര്‍വ്വതം കയറിയതായി പറയുന്നു. ഈ പര്‍വതത്തിന്റെ നെറുകയിലെത്തിയ ശേഷം തിരിച്ചെത്തിയ ആദ്യ വ്യക്തിയാണ് അദ്ദേഹം. എന്നാല്‍ പര്‍വ്വതത്തിന് മുകളില്‍ കയറി തിരിച്ചു വന്നതിനു ശേഷം മിലരേപ ഒന്നും മിണ്ടിയില്ല. അത് ഇന്നും ദുരൂഹമായി തുടരുന്നു.

ഭൂമിയുടെ കേന്ദ്രം

ഭൂമിയുടെ ഒരു വശത്ത് ഉത്തരധ്രുവവും മറുവശത്ത് ദക്ഷിണധ്രുവവുമാണ്. ഇവ രണ്ടിനുമിടയിലാണ് ഹിമാലയം, അതിന്റെ കേന്ദ്രം കൈലാസ പര്‍വ്വതമാണ്. കൈലാസ പര്‍വ്വതത്തെ ഭൂമിയുടെ കേന്ദ്രമായി ശാസ്ത്രജ്ഞര്‍ കണക്കാക്കുന്നു.