രാജകാല പ്രൗഢിയുടെ നഗരം, വിസ്മയിപ്പിക്കുന്ന കാഴ്ചകള്‍; അത്ഭുതങ്ങള്‍ ഒളിപ്പിച്ച രാജസ്ഥാന്‍

ഇന്ത്യയിലെ അതിമനോഹരമായ വിനോദസഞ്ചാര കേന്ദ്രങ്ങളിലൊന്നാണ് രാജസ്ഥാന്‍. വിനോദസഞ്ചാരികളെ വിസ്മയിപ്പിക്കുന്ന നിരവധി സ്ഥലങ്ങള്‍ രാജസ്ഥാനിലുണ്ട്. ഭൂമിശാസ്ത്രപരമായ നിധികള്‍ മുതല്‍ മനുഷ്യനിര്‍മിത അത്ഭുതങ്ങള്‍ വരെ ഇവിടെയുണ്ട്. ഇന്ത്യയിലെ ഏക മരുഭൂമിയായ താര്‍ മരുഭൂമി സ്ഥിത ചെയ്യുന്ന സംസ്ഥാനമാണിത്. ഒരുകാലത്ത് മഹാരാജാക്കന്മാരുടെ നാടായിരുന്നു രാജസ്ഥാന്‍.

ഭൂതകാല പ്രൗഢിയോടെ നിലകൊള്ളുന്ന നിരവധി കൊട്ടാരങ്ങളും രാജസ്ഥാനിലുണ്ട്. രാജസ്ഥാനിലെ വാസ്തുവിദ്യാ വിസ്മയങ്ങള്‍ ഒരു സുവര്‍ണ്ണ കാലഘട്ടത്തിന്റെ കഥ തന്നെ സഞ്ചാരികള്‍ക്ക് പറഞ്ഞുനല്‍കുന്നു. രാജസ്ഥാന്‍ സംസ്ഥാനത്തെക്കുറിച്ചുള്ള ചില രസകരമായ വസ്തുതകള്‍ ഈ ലേഖനത്തില്‍ നിങ്ങള്‍ക്ക് വായിച്ചറിയാം.

1. ഇന്ത്യയിലെ ഏറ്റവും വലിയ സംസ്ഥാനം

ഇന്ത്യയിലെ ഏറ്റവും വലിയ സംസ്ഥാനമാണ് രാജസ്ഥാന്‍. 6,85,48,437 (2011 ലെ സെന്‍സസ് പ്രകാരം) ജനസംഖ്യയുള്ള രാജസ്ഥാന്റെ വിസ്തൃതി 342,239 ചതുരശ്ര കിലോമീറ്ററാണ്. 1949 മാര്‍ച്ച് 30-നാണ് 22 നാട്ടുരാജ്യങ്ങള്‍ സംയോജിപ്പിച്ച് രാജസ്ഥാന്‍ സംസ്ഥാനം രൂപീകരിച്ചത്.

2. കാലിബംഗന്‍

ദൃഷദ്വതി, സരസ്വതി നദികളുടെ സംഗമസ്ഥാനത്തിനടുത്തായി സ്ഥിതി ചെയ്യുന്ന രാജസ്ഥാനിലെ കാലിബംഗന്‍ ഒരു ചരിത്ര നഗരമാണ്. ചരിത്രാതീത കാലത്തും മൗര്യകാലത്തും ഈ പ്രദേശത്ത് രൂപംകൊണ്ട നാഗരികതകളുടെ അവശിഷ്ടങ്ങള്‍ ഇപ്പോഴും ഇവിടുണ്ട്.

3. മണ്ടോര്‍

രാവണന്റെ ഭാര്യയും അദ്ദേഹത്തിന്റെ സാമ്രാജ്യത്തിന്റെ രാജ്ഞിയുമായ മണ്ഡോദരി ജനിച്ചത് രാജസ്ഥാനിലെ മണ്ടോറിലായിരുന്നു. ഇവരുടെ വിവാഹ ചടങ്ങുകള്‍ ഇതേ സ്ഥലത്തു വച്ചാണ് സംഘടിപ്പിച്ചതെന്നു കരുതുന്നു.

4. ഭാന്‍ഗര്‍

ഇന്ത്യയിലെ ഏറ്റവും പ്രേതബാധയുള്ള കോട്ടകളിലൊന്നാണ് അല്‍വാര്‍ ജില്ലയില്‍ സ്ഥിതി ചെയ്യുന്ന ഭാന്‍ഗര്‍ഹ്. പതിനാറാം നൂറ്റാണ്ടില്‍ ആമ്പറിലെ രാജാ ഭഗവന്ത് ആണ് ഈ കോട്ട സ്ഥാപിച്ചത്. സുന്ദരിയായ രത്നവതി രാജകുമാരിയെ വശീകരിക്കാന്‍ ശ്രമിച്ച ഒരു താന്ത്രികനാല്‍ ഭംഗാര്‍ഹ് ഗ്രാമം മുഴുവനും ശപിക്കപ്പെട്ടതായി വിശ്വസിക്കപ്പെടുന്നു. സൂര്യാസ്തമയത്തിനും സൂര്യോദയത്തിനും ഇടയില്‍ ഭംഗറിലേക്കുള്ള പ്രവേശനം നിരോധിച്ചിരിക്കുകയാണ്.

5. താര്‍ മരുഭൂമി

ലോകത്തിലെ ഏറ്റവും വലിയ ഒമ്പതാമത്തെ ഉപ ഉഷ്ണമേഖലാ മരുഭൂമിയായ താര്‍ രാജസ്ഥാന്‍ സംസ്ഥാനത്താണ്. എന്നിരുന്നാലും, ഥാറിന്റെ ഭാഗങ്ങള്‍ പഞ്ചാബ്, ഗുജറാത്ത്, ഹരിയാന, സിന്ധ് (പാക്കിസ്ഥാന്‍) എന്നിവിടങ്ങളിലും ഉണ്ട്. എന്നാല്‍ ഈ മരുഭൂമിയുടെ 60% ഭാഗവും രാജസ്ഥാനിലാണ്. വര്‍ഷം മുഴുവനും വരള്‍ച്ചയില്‍ തന്നെ തുടരുന്ന പ്രദേശമാണ് ഇത്.

6. ആരവല്ലി

ലോകത്തിലെ ഏറ്റവും പഴക്കമേറിയ പര്‍വ്വത നിരകളിലൊന്നാണ് ആരവല്ലി. യുറേഷ്യന്‍ ഫലകത്തെ ഇന്ത്യന്‍ ഫലകത്തില്‍ നിന്ന് സമുദ്രം വേര്‍പെടുത്തിയ കാലത്താണ് ആരവല്ലി പര്‍വതനിരയുടെ ആരംഭം. ഈ സുപ്രധാന കവചം ക്രാറ്റോണിക് കൂട്ടിയിടികളില്‍ നിന്നാണ് രൂപപ്പെട്ടത്. പുരാതന കാലത്ത് ഇത് ഉയര്‍ന്നതായിരുന്നു. ഈ പാറക്കെട്ടുകള്‍ ഏകദേശം 560 കിലോമീറ്റര്‍ നീളമുള്ളതാണ്. ഇതിന്റെ പ്രധാന ഭാഗങ്ങള്‍ രാജസ്ഥാനിലൂടെ കടന്നുപോകുന്നു.

7. കുംഭല്‍ഗഡ് കോട്ട

ഇന്ത്യയിലെ ഏറ്റവും വിപുലമായ കോട്ടകളിലൊന്നാണ് കുംഭല്‍ഗഡ് കോട്ട. 36 കിലോമീറ്റര്‍ നീളത്തില്‍ പരാമീറ്റര്‍ മതിലുകളുള്ള ഒരു കുന്നിന്‍ മുകളില്‍ 1,100 മീറ്റര്‍ ഉയരത്തിലാണ് കോട്ട സ്ഥിതി ചെയ്യുന്നത്. ലോകത്തിലെ ഏറ്റവും നീളം കൂടിയ കോട്ടയാണ് കൊട്ടാരത്തിന്റേത്.

8. ഹവാമഹല്‍

പതിനെട്ടാം നൂറ്റാണ്ടില്‍ മഹാരാജ സവായ് പ്രതാപ് സിംഗ് നിര്‍മ്മിച്ചതാണ് ഹമാമഹല്‍. ചുവപ്പും പിങ്ക് നിറത്തിലുള്ള മണല്‍ക്കല്ലും കൊണ്ടാണ് ഇത് നിര്‍മ്മിച്ചത്.

9. കളര്‍ കോഡഡ് നഗരങ്ങള്‍

രാജസ്ഥാനെക്കുറിച്ചുള്ള അതിശയകരമായ വസ്തുതകളില്‍ ഒന്ന്, അതിലെ ചില പ്രധാന നഗരങ്ങള്‍ കളര്‍ കോഡുകള്‍ പിന്തുടരുന്നുണ്ട്. വെയില്‍സ് രാജകുമാരനെയും വിക്ടോറിയ രാജ്ഞിയെയും സ്വാഗതം ചെയ്യുന്നതിനായി 1876-ല്‍ മഹാരാജ സവായ് റാം സിംഗ് ഒരു നിയമം പാസാക്കിയതിനാല്‍ ജയ്പ്പൂരിനെ പിങ്ക് സിറ്റി എന്ന് വിളിക്കുന്നു. ജോധ്പൂരിലെ നീല നിറത്തിലുള്ള വീടുകള്‍ ഒരിക്കല്‍ ബ്രാഹ്‌മണരുടെ വസതിയായിരുന്നു, പിന്നീട് അത് നഗരത്തിന്റെ നിറമായി അത് മാറുകയും ചെയ്തു. താര്‍ മരുഭൂമിയുടെ നിറത്തില്‍ നിന്ന് പ്രചോദനം തേടുന്ന ഗോള്‍ഡന്‍ സിറ്റി എന്ന പേരിലാണ് ജയ്സാല്‍മീര്‍ അറിയപ്പെടുന്നത്.

10. ലൂണി നദി

ലൂണി നദിയുടെ വെള്ളത്തില്‍ ലവണാംശം കൂടുതലാണ്. ലൂണി നദി പുഷ്‌കര്‍ താഴ്‌വരയില്‍ നിന്ന് ഉത്ഭവിക്കുകയും താര്‍ മരുഭൂമിയിലൂടെ ഒഴുകുകയും കച്ചിലെ ചതുപ്പുനിലങ്ങളിലെ ലക്ഷ്യസ്ഥാനത്തെത്തുകയും ചെയ്യുന്നു. ലവന്‍വതി എന്ന സംസ്‌കൃത വാക്കില്‍ നിന്നാണ് നദിക്ക് ഈ പേര് ലഭിച്ചത്, അതായത് ഉപ്പ് നദി.

11. യുനെസ്‌കോയുടെ 8 ലോക പൈതൃക സൈറ്റുകള്‍

ചിത്തോര്‍ഗഡ് കോട്ട, കുംഭല്‍ഗഡ് കോട്ട, രണ്‍തംബോര്‍ കോട്ട, ഗാഗ്രോണ്‍ ഫോര്‍ട്ട്, ആംബര്‍ ഫോര്‍ട്ട്, ജയ്സാല്‍മീര്‍ ഫോര്‍ട്ട്, കിയോലാഡിയോ നാഷണല്‍ പാര്‍ക്ക്, ജന്തര്‍ മന്തര്‍ എന്നിവ ഉള്‍പ്പെടുന്ന യുനെസ്‌കോയുടെ 8 ലോക പൈതൃക സ്ഥലങ്ങള്‍ അടങ്ങിയ വിശേഷ നഗരമാണ് രാജസ്ഥാന്‍.

12. പാലസ് ഓണ്‍ വീല്‍സ്

ഇന്ത്യയിലെ ഏറ്റവും ആഡംബര ട്രെയിനുകളിലൊന്നാണ് പാലസ് ഓണ്‍ വീല്‍സ്. 1982-ല്‍ ഇന്ത്യന്‍ റെയില്‍വേയും രാജസ്ഥാന്‍ ടൂറിസം ഡെവലപ്മെന്റ് കോര്‍പ്പറേഷനും ചേര്‍ന്നാണ് ഇത് ആരംഭിച്ചത്. രാജസ്ഥാനിലെ രാജകീയ സംസ്‌കാരത്തെയും ആചാരങ്ങളെയും അടിസ്ഥാനമാക്കിയാണ് ഈ ട്രെയിനിന്റെ ആശയവും രൂപകല്‍പ്പനയും. 104 പേര്‍ക്ക് യാത്ര ചെയ്യാവുന്ന 23 കോച്ചുകളാണ് ട്രെയിനിലുള്ളത്.