ഗരുഡപുരാണം: ആത്മാവ് ഗതികിട്ടാതെ അലയും; കുടുംബത്തില്‍ ആരെങ്കിലും മരിച്ചാല്‍ ഈ കാര്യം മറക്കരുത്

സനാതന ധര്‍മ്മത്തില്‍ ധാരാളം ഗ്രന്ഥങ്ങളും പുരാണങ്ങളുമുണ്ട്. ഈ പുരാണങ്ങളിലെല്ലാം ദേവീദേവന്മാരുടെ മഹത്വം പറയുകയും ആത്മീയ പാത പിന്തുടരാന്‍ പ്രചോദനം നല്‍കുകയും ചെയ്യുന്നു. അത്തരത്തിലൊരു മഹാപുരാണമാണ് ഗരുഡപുരാണം. ഇതില്‍ ജീവിതത്തിന്റെ തുടക്കം മുതല്‍ മരണം വരെയുള്ള വിവരണങ്ങളും അതിനുശേഷമുള്ള ജീവിതത്തെക്കുറിച്ചും പ്രതിപാദിക്കുന്നുണ്ട്.

അതുപോലെ തന്നെ മരണ സമയത്ത് കുടുംബാംഗങ്ങള്‍ എന്തുചെയ്യണം, മരണശേഷം ആത്മാവിന് എന്ത് സംഭവിക്കും എന്നതിനുള്ള ഉത്തരങ്ങളും ഇതില്‍ ലഭ്യമാണ്. നിങ്ങളുടെ കുടുംബത്തില്‍ ആരെങ്കിലും മരിച്ചാല്‍, ഗരുഡപുരാണത്തില്‍ പറഞ്ഞിരിക്കുന്ന ഈ നിയമങ്ങള്‍ മനസ്സില്‍ വയ്ക്കുക. അങ്ങനെ നിങ്ങളുടെ പ്രിയപ്പെട്ടവരുടെ ആത്മാവ് ഗതികിട്ടാതെ അലയുന്നത് തടയാം.

സൂര്യാസ്തമയത്തിനു ശേഷം ഒരു മൃതദേഹം കത്തിക്കുകയോ സംസ്‌കരിക്കുകയോ ചെയ്യരുത്. അത്തരമൊരു സാഹചര്യം ഉണ്ടായാല്‍, മൃതദേഹം വീട്ടില്‍ സൂക്ഷിക്കുക. ആരെങ്കിലും മൃതദേഹത്തിന് സമീപം കൂട്ടിരിക്കുകയും വേണം. അടുത്ത ദിവസം തന്നെ ശവസംസ്‌കാര നടപടികള്‍ പൂര്‍ത്തിയാക്കുക. സൂര്യാസ്തമയത്തിനു ശേഷം അന്ത്യകര്‍മങ്ങള്‍ നടത്തുന്നതിലൂടെ മരിച്ചയാള്‍ക്ക് ശാന്തി ലഭിക്കില്ലെന്നും, ദുരാത്മാക്കളായി അലയേണ്ടി വരുമെന്നും വിശ്വസിക്കപ്പെടുന്നു.

വേദഗ്രന്ഥങ്ങളില്‍ പഞ്ചക കാലത്തെ ശുഭകരമായി കണക്കാക്കുന്നില്ല. പഞ്ചകത്തില്‍ ശവസംസ്‌കാരം നടത്തിയാല്‍ ആ കുടുംബത്തിലെ അഞ്ച് പേര്‍ മരിക്കുമെന്നാണ് വിശ്വാസം. അതുകൊണ്ട് സംസ്‌കാരത്തിന് മുമ്പ് പഞ്ചകം ആരംഭിച്ചിട്ടില്ലെന്ന് ഉറപ്പാക്കുക. അത്തരമൊരു സാഹചര്യത്തില്‍ പഞ്ചകകാലം കഴിയുന്നതുവരെ മൃതദേഹം വീട്ടില്‍ സൂക്ഷിക്കുക. മൃതദേഹം കാണാന്‍ ആരെയും അനുവദിക്കരുത്, അല്ലെങ്കില്‍ ഒരു ജ്യോതിഷിയുടെ ഉപദേശത്തോടെ 4 കോലങ്ങള്‍ ഉണ്ടാക്കി മൃതദേഹത്തോടൊപ്പം ദഹിപ്പിക്കുക.

ഒരു വ്യക്തിയുടെ അന്ത്യകര്‍മങ്ങള്‍ അവരുടെ മരണശേഷം അവരുടെ മക്കള്‍ ചെയ്യണമെന്ന് ഗ്രന്ഥങ്ങളില്‍ പറയുന്നുണ്ട്. അത്തരമൊരു സാഹചര്യത്തില്‍, ആരുടെയെങ്കിലും മകനോ മകളോ സംഭവസ്ഥലത്ത് ഇല്ലെങ്കില്‍, അവരുടെ വരവിനായി കാത്തിരിക്കുകയും ശവസംസ്‌കാരം യഥാവിധി നടത്തുകയും വേണം. ആള്‍ക്ക് സന്താനമില്ലെങ്കില്‍, ജ്യോതിഷിയുടെ അഭിപ്രായം സ്വീകരിച്ച ശേഷം ശാസ്ത്ര സംവത് നിയമപ്രകാരം അന്ത്യകര്‍മങ്ങള്‍ നടത്തണം.

ഹിന്ദുമതവിശ്വാസപ്രകാരം സൂര്യാസ്തമയത്തിനു ശേഷം മൃതദേഹം ദഹിപ്പിക്കാറില്ല. രാത്രിയില്‍ അതായത് സൂര്യാസ്തമയത്തിനു ശേഷം ശവസംസ്‌കാരം നടത്തിയാല്‍ സ്വര്‍ഗ്ഗത്തിന്റെ കവാടങ്ങള്‍ അടയുകയും നരകത്തിന്റെ കവാടങ്ങള്‍ തുറക്കുകയും ചെയ്യുമെന്നാണ് വിശ്വാസം. അത്തരമൊരു സാഹചര്യത്തില്‍ മരിച്ചയാളുടെ ആത്മാവ് നരകയാതന അനുഭവിക്കേണ്ടിവരും.

ഗരുഡപുരാണം അനുസരിച്ച്, രാത്രിയില്‍ മൃതദേഹത്തെ തനിച്ചാക്കരുത്. കാരണം, ചുറ്റും അലഞ്ഞുതിരിയുന്ന ദുഷ്ടശക്തികള്‍ അതില്‍ പ്രവേശിക്കും. അത്തരമൊരു സാഹചര്യത്തില്‍, നെഗറ്റീവ് ശക്തികള്‍ വീടിനെ ബാധിക്കും. ഇത് മുഴുവന്‍ കുടുംബത്തിനും ഒരു പ്രശ്‌നമായി മാറിയേക്കാം.

മരണശേഷം ആത്മാവ് 13 ദിവസം വീട്ടില്‍ താമസിക്കുമെന്ന് പറയപ്പെടുന്നു. അത്തരമൊരു സാഹചര്യത്തില്‍, മൃതദേഹം സംസ്‌കരിക്കുന്നതുവരെ തനിച്ചാക്കരുത്. ഗുരുഡ പുരാണമനുസരിച്ച്, മൃതദേഹം തനിച്ചാക്കിയാല്‍, ചുവന്ന ഉറുമ്പുകളോ മറ്റ് പ്രാണികളോ സമീപത്ത് വരും. രാത്രിയില്‍ താന്ത്രിക പ്രവര്‍ത്തനങ്ങളുടെ ഫലം വര്‍ദ്ധിക്കുന്നു. അത്തരമൊരു സാഹചര്യത്തില്‍, മൃതദേഹത്തെ ഒരിക്കലും തനിച്ചാക്കരുത്. കാരണം ഇത് ചിലപ്പോള്‍ താന്ത്രിക സാധനയ്ക്ക് വിധേയമായേക്കാം. ഇത് ആത്മാവിന് ദോഷം ചെയ്യും.

ഹിന്ദുമതത്തില്‍ മരണശേഷം അന്ത്യകര്‍മങ്ങള്‍ നടത്തപ്പെടുന്നു. അതിനുശേഷം 13 ദിവസത്തേക്ക് പിണ്ഡദാനം നടത്തുന്നു. മരണശേഷം 13 ദിവസം വരെ ആത്മാവ് പ്രിയപ്പെട്ടവര്‍ക്കൊപ്പം വസിക്കുമെന്ന് ഗരുഡപുരാണത്തില്‍ പറഞ്ഞിട്ടുണ്ട്. ഇതിനുശേഷം മറ്റൊരു ലോകത്തേക്ക് ആരംഭിക്കുന്നു.