ചാണക്യനീതി: ഭാര്യയുടെ ഈ സ്വഭാവം ഭര്‍ത്താവിന് തലവേദന, ദാമ്പത്യം തകിടം മറിയും

മഹാനായ നയതന്ത്രജ്ഞനും പണ്ഡിതനും സാമ്പത്തിക ശാസ്ത്രജ്ഞനുമായ ആചാര്യ ചാണക്യന്‍ തന്റെ നീതി ശാസ്ത്രത്തില്‍ മനുഷ്യ ജീവിതവുമായി ബന്ധപ്പെട്ട നിരവധി വശങ്ങളെ കുറിച്ച് പരാമര്‍ശിച്ചിട്ടുണ്ട്. തന്റെ നിതി ശാസ്ത്രത്തിലൂടെ, വിജയകരമായ ദാമ്പത്യ ജീവിതത്തിന് നിരവധി നിര്‍ദ്ദേശങ്ങള്‍ അദ്ദേഹം നല്‍കിയിട്ടുണ്ട്. ചാണക്യനീതിയില്‍, ഭാര്യാഭര്‍ത്താക്കന്മാര്‍ തങ്ങളുടെ ബന്ധത്തില്‍ മാധുര്യം നിലനിര്‍ത്താന്‍ എന്തൊക്കെ കാര്യങ്ങള്‍ മനസ്സില്‍ സൂക്ഷിക്കണം, എന്തൊക്കെ തെറ്റുകള്‍ ഒഴിവാക്കണം ഇതുകൂടാതെ, വ്യക്തിയുടെ സ്വഭാവത്തെയും ഗുണങ്ങളെയും കുറിച്ചും അദ്ദേഹം വിശദമായി പറഞ്ഞിട്ടുണ്ട്. കൂടാതെ, ചാണക്യന്‍ തന്റെ നീതി ശാസ്ത്രത്തില്‍ സ്ത്രീകളുടെ ചില സ്വഭാവങ്ങളെക്കുറിച്ചും പറഞ്ഞിട്ടുണ്ട്. ഭാര്യമാരുടെ ഈ സ്വഭാവം ഭര്‍ത്താവിന് തലവേദന സൃഷ്ടിക്കുമെന്ന് ചാണക്യന്‍ പറയുന്നു.

കള്ളം പറയല്‍

ചാണക്യന്റെ അഭിപ്രായത്തില്‍ ഭൂരിഭാഗം സ്ത്രീകള്‍ക്കും കള്ളം പറയുന്ന സ്വഭാവമുണ്ട്. കള്ളം പറയുന്നതോ വഞ്ചിക്കുന്നതോ മാത്രമല്ല, മറ്റുള്ളവരെക്കുറിച്ച് മോശമായി സംസാരിക്കുന്നതും ഒരു ദുശ്ശീലമാണ്. ഈ ശീലങ്ങള്‍ ഒന്നല്ലെങ്കില്‍ മറ്റൊരു ദിവസം നിങ്ങളുടെ ജീവിതം ദുസ്സഹമാക്കും. ചില സ്ത്രീകള്‍ വീട്ടിലെ അംഗങ്ങളെ കുറിച്ച് കുശുകുശുക്കുകയും ചെറിയ കാര്യങ്ങള്‍ പെരുപ്പിച്ച് പറയുന്ന ശീലവുമുണ്ട്. അത്തരം സ്ത്രീകളെ ആരും വിശ്വസിക്കില്ല. ഈ സ്ത്രീകള്‍ക്ക് മറ്റുള്ളവരില്‍ നിന്ന് ബഹുമാനവും ലഭിക്കില്ല. അത്തരം സ്ത്രീകളുള്ള വീട് എപ്പോഴും പ്രശ്നങ്ങള്‍ക്ക് നടുവിലായിരിക്കും.

മുതിര്‍ന്നവരെ അനാദരിക്കല്‍

മുതിര്‍ന്നവരെ ബഹുമാനിക്കാത്ത സ്ത്രീകള്‍ നിങ്ങളോട് അപമര്യാദയായി സംസാരിക്കുകയോ എന്തു കാര്യത്തിനും വഴക്കിടുകയോ ചെയ്യുന്നു. അത്തരം സ്ത്രീകള്‍ വീടിന്റെ സമാധാനത്തിനും സന്തോഷത്തിനും വലിയ ഭീഷണിയാണ്. അത്തരമൊരു സ്ത്രീയെ വീട്ടില്‍ കൊണ്ടുവന്നാല്‍ പുരുഷന് ഒരിക്കലും സന്തോഷിക്കാനാവില്ല. മുതിര്‍ന്നവരെ അനാദരിക്കുന്ന സ്ത്രീകള്‍ കുടുംബത്തിന്റെ സന്തോഷത്തിന് കോട്ടം വരുത്തുമെന്ന് ചാണക്യന്‍ പറയുന്നു.

ദേഷ്യം

കോപം കാണിക്കുന്നത് സ്ത്രീകളുടെ ഒരു ശീലമാണ്. എന്നാല്‍, എല്ലാ കാര്യത്തിലും കോപം കാണിക്കുന്നത് ശരിയല്ല. അതുകൊണ്ട് ഈ കാര്യം മനസ്സില്‍ വയ്ക്കുക, എല്ലാ കാര്യങ്ങളിലും തന്ത്രങ്ങള്‍ കാണിക്കുന്നത് നിര്‍ത്തുക. കാരണം മുന്നില്‍ നില്‍ക്കുന്നയാള്‍ക്ക് ചിലപ്പോള്‍ നിങ്ങളോട് വളരെ ദേഷ്യം തോന്നുകയും അതിന്റെ ദൂഷ്യഫലങ്ങള്‍ നിങ്ങള്‍ അഭിമുഖീകരിക്കേണ്ടി വരുകയും ചെയ്യും. കോപസ്വഭാവമുള്ള സ്ത്രീകള്‍ വീടിന്റെ സമാധാനം തകര്‍ക്കുമെന്ന് ചാണക്യന്‍ പറയുന്നു.

പണത്തോടുള്ള അത്യാഗ്രഹം

ചാണക്യന്‍ പറയുന്നത്, ചില സ്ത്രീകള്‍ക്ക് പണത്തോട് അത്യാഗ്രഹമുണ്ടെന്നാണ്. അവര്‍ അത്യാഗ്രഹത്താല്‍ തെറ്റായ കാര്യങ്ങള്‍ പോലും ചെയ്യുന്നു. ഇത് പിന്നീട് അവര്‍ക്ക് ബുദ്ധിമുട്ടുണ്ടാക്കുന്നു. പണത്തോടുള്ള അത്യാഗ്രഹം ഒരു ദുശ്ശീലമാണ്. ഈ ശീലം നിങ്ങള്‍ക്കും ഉണ്ടെങ്കില്‍, എത്രയും വേഗം ഈ തിന്മയെ നിങ്ങളില്‍ നിന്ന് ഇല്ലാതാക്കണം. അല്ലാത്തപക്ഷം അതിന്റെ മോശം ഫലങ്ങള്‍ നിങ്ങള്‍ അഭിമുഖീകരിക്കേണ്ടിവരും. പണത്തോട് അത്യാര്‍ത്തി കാണിക്കുന്ന സ്ത്രീകള്‍ കുടുംബത്തിന് ഒരു ദോഷമാണെന്ന് ചാണക്യനീതിയില്‍ പരാമര്‍ശിക്കുന്നു.

ആരാധന നടത്താതിരിക്കല്‍

വീട്ടിലെ സ്ത്രീകള്‍ പതിവായി ആരാധന നടത്തണമെന്ന് ചാണക്യന്‍ പറയുന്നു. പൂജകളും ആരാധനകളും നടത്താത്ത വീട്ടില്‍ നെഗറ്റീവ് ഊര്‍ജം തഴച്ചുവളരാന്‍ തുടങ്ങുകയും വീട്ടിലെ സന്തോഷവും സമാധാനവും നശിക്കുകയും ചെയ്യുന്നു.

അമിതമായ സ്വാര്‍ത്ഥത

ഒരു കുടുംബിനി തന്റെ ജീവിതത്തെക്കുറിച്ച് മാത്രമല്ല, മുഴുവന്‍ കുടുംബാംഗങ്ങളെക്കുറിച്ചും ചിന്തിച്ച് ജീവിക്കണം. എന്നാല്‍ എല്ലാ വീടുകളിലും ഇത് നടക്കുന്നില്ല. ചില സ്ത്രീകള്‍ക്ക് ഈ ഉത്തരവാദിത്തം നിറവേറ്റാന്‍ പ്രയാസമാണ്. ചിലര്‍ പണം, വസ്തുവകകള്‍ എന്നിവയുടെ കാര്യത്തില്‍ കൂടുതല്‍ സ്വാര്‍ത്ഥത കാണിക്കുന്നു. സ്ത്രീകളുടെ ഇത്തരം സ്വഭാവം കുടുംബാംഗങ്ങള്‍ക്കിടയില്‍ വിള്ളലുണ്ടാക്കും. അത്തരമൊരു കുടുംബത്തില്‍ എപ്പോഴും തര്‍ക്കങ്ങളും ഉണ്ടാകും.

അനന്തരഫലങ്ങളെക്കുറിച്ച് ചിന്തിക്കാത്തത്

ചാണക്യന്റെ അഭിപ്രായത്തില്‍ സ്ത്രീ കുടുംബത്തിന്റെ നട്ടെല്ലാണ്. ഒരു കുടുംബത്തിന്റെ ഇപ്പോഴത്തെ ചുറ്റുപാട് മാത്രമല്ല ഭാവിയിലെ ചുറ്റുപാടും സ്ത്രീയുടെ പെരുമാറ്റത്തെ ആശ്രയിച്ചിരിക്കുന്നു. ഓരോ സ്ത്രീയും കുടുംബത്തില്‍ ഒരു പ്രധാന പങ്ക് വഹിക്കുന്നു. കുടുംബത്തിന്റെ സന്തോഷത്തിനും അഭിമാനത്തിനും വേണ്ടി ഏത് തീരുമാനവും എടുക്കുന്നതിന് മുമ്പ് ഒരു സ്ത്രീ ശരിയായി ചിന്തിക്കണം. അനന്തരഫലങ്ങളെക്കുറിച്ച് ചിന്തിക്കാതെ എന്തിനും തലയാട്ടുന്ന സ്വഭാവം സ്ത്രീകള്‍ക്കുണ്ട്. ഇത് തെറ്റാണെന്ന് ചാണക്യന്‍ പറയുന്നു. അതിനാല്‍ എന്ത് കാര്യവും ചെയ്യുന്നതിനു മുമ്പ് അതിനെക്കുറിച്ച് നന്നായി ചിന്തിക്കണം.