പരാജയം തരിമ്പുപോലും ജീവിതത്തില്‍ തട്ടില്ല; ചാണക്യനീതിയിലെ 10 രഹസ്യങ്ങള്‍

ചാണക്യനെ സാമ്പത്തിക ശാസ്ത്രത്തിന്റെയും ധാര്‍മ്മികതയുടെയും പിതാവായി കണക്കാക്കുന്നു. ജീവിതത്തിന്റെ പല വശങ്ങളെക്കുറിച്ചും അദ്ദേഹം പറഞ്ഞിട്ടുണ്ട്. തന്റെ നയങ്ങള്‍ ചാണക്യ നീതി എന്ന ഗ്രന്ഥത്തില്‍ അദ്ദേഹം പരാമര്‍ശിച്ചിട്ടുണ്ട്. മനുഷ്യജീവിതം ലളിതവും വിജയകരവുമാക്കുന്നതുമായി ബന്ധപ്പെട്ട നിരവധി കാര്യങ്ങള്‍ അദ്ദേഹം തന്റെ ചാണക്യനീതിയില്‍ പറയുന്നുണ്ട്. ഓരോ വ്യക്തിയും ജീവിതത്തില്‍ വിജയിക്കാന്‍ ആഗ്രഹിക്കുന്നു. ചാണക്യന്റെ അഭിപ്രായത്തില്‍, ജീവിതത്തില്‍ വിജയിക്കാന്‍ ഒരു വ്യക്തിക്ക് ചില ഗുണങ്ങള്‍ ഉണ്ടായിരിക്കണം.

ജീവിതത്തില്‍ പ്രാവര്‍ത്തികമാക്കാന്‍ കഴിയുന്ന പല കാര്യങ്ങളും ചാണക്യന്‍ തന്റെ നയത്തില്‍ സൂചിപ്പിച്ചിട്ടുണ്ട്. ജീവിത പ്രതിസന്ധികളെ തരണം ചെയ്യുന്നതിനുള്ള പല നടപടികളും ഇതിലുണ്ട്. ഇവ ശീലിക്കുന്നതിലൂടെ ഏത് സാഹചര്യത്തിലും പതറാതെ ഒരു വ്യക്തിക്ക് നല്ല ജീവിതം നയിക്കാന്‍ കഴിയും. ജീവിതം വിജയകരമാക്കാന്‍ സ്വീകരിക്കാവുന്ന ഇത്തരം നിരവധി കാര്യങ്ങള്‍ അദ്ദേഹം തന്റെ നയത്തില്‍ സൂചിപ്പിച്ചിട്ടുണ്ട്. ചാണക്യനീതിയില്‍ നല്‍കിരിക്കുന്ന അത്തരം ചില നടപടികളെക്കുറിച്ച് നമുക്ക് വായിച്ചറിയാം. ഇവ അറിഞ്ഞുവയ്ക്കുന്നതിലൂടെ നിങ്ങളുടെ ജീവിതത്തില്‍ നിങ്ങള്‍ക്ക് പരാജയം രുചിക്കേണ്ടിവരില്ല.

ആത്മവിശ്വാസം

ആത്മവിശ്വാസമുണ്ടെങ്കില്‍, ഏറ്റവും പ്രയാസകരമായ സാഹചര്യങ്ങളില്‍പ്പോലും ഒരു വ്യക്തി തന്റെ വിജയത്തിലേക്കുള്ള വഴി കണ്ടെത്തുന്നു. ചാണക്യന്റെ അഭിപ്രായത്തില്‍, ഒരു വ്യക്തിയെ ഒരിക്കലും തോല്‍പ്പിക്കാന്‍ അനുവദിക്കാത്ത ഒന്നാണ് ആത്മവിശ്വാസം. അതിനാല്‍, ഒരു വ്യക്തിക്ക് ആത്മവിശ്വാസമുണ്ടെങ്കില്‍ ജീവിതത്തില്‍ അവനെ തോല്‍പ്പിക്കാന്‍ ആര്‍ക്കും കഴിയില്ല.

അറിവ്

ഏതൊരു വ്യക്തിയുടെയും യഥാര്‍ത്ഥ സുഹൃത്താണ് അറിവ്. ചാണക്യന്റെ അഭിപ്രായത്തില്‍, അത് പുസ്തകജ്ഞാനമായാലും അല്ലെങ്കില്‍ ഏതെങ്കിലും പ്രവൃത്തിയിലൂടെ അനുഭവത്തിലൂടെ നേടിയ അറിവായാലും, അത് ഒരിക്കലും പാഴാകില്ല. അതുകൊണ്ടാണ് അറിവുള്ള ഒരാള്‍ ജീവിതത്തില്‍ ഒരിക്കലും പരാജയപ്പെടാത്തത്.

കഠിനാധ്വാനം

ഒരു വ്യക്തി ആഗ്രഹിക്കുന്നുവെങ്കില്‍, തന്റെ കഠിനാധ്വാനത്തിന്റെ സഹായത്തോടെ അസാധ്യമായ ഏതൊരു കാര്യവും സാധ്യമാക്കാനാകും. ഒരു വ്യക്തി ചെയ്യുന്ന കഠിനാധ്വാനത്തിന് തീര്‍ച്ചയായും ഒരു ദിവസം പ്രതിഫലം ലഭിക്കും. ചാണക്യന്റെ അഭിപ്രായത്തില്‍ കഠിനാധ്വാനമാണ് വിജയത്തിന്റെ അടിസ്ഥാനമന്ത്രം. അത്തരമൊരു സാഹചര്യത്തില്‍, കഠിനാധ്വാനിയായ ഒരു വ്യക്തി ജീവിതത്തില്‍ എല്ലായ്‌പ്പോഴും വിജയിക്കുന്നു.

നാട്യന്തം ശരീരൈര്‍ഭവ്യം ഗത്വാ പശ്യ വനസ്ഥലിം
ഛിദ്യന്തേ സരളാസ്ത്ര കുബ്ജസ്തിസ്ഥന്തി പാദപാഃ

ലോകത്തെ നിയന്ത്രിക്കാനുള്ള ഏക ശക്തി പണമാണെന്ന് ചാണക്യന്‍ പറയുന്നു. പണമുള്ളവന് ബന്ധുക്കളും പരിവാരങ്ങളുമുണ്ടാകും. ഒരു വ്യക്തി സമ്പന്നനായാല്‍, അവന്‍ ഒരു യഥാര്‍ത്ഥ വ്യക്തിയായി കണക്കാക്കപ്പെടുന്നു. ധനികനായിരിക്കുന്നതിലൂടെ, ഒരു വ്യക്തി വിഡ്ഢിയാണെങ്കിലും, അവന്‍ ബുദ്ധിമാനും പണ്ഡിതനും കഴിവുള്ളവനുമായി കണക്കാക്കപ്പെടുന്നു.

അച്ചടക്കമില്ലാത്ത ഒരു വ്യക്തി എപ്പോഴും അസന്തുഷ്ടനായി തുടരുകയും മറ്റുള്ളവരെയും അസന്തുഷ്ടനാക്കുകയും ചെയ്യുന്നു. ഇത്തരമൊരു വ്യക്തി സമൂഹത്തില്‍ ജീവിച്ചാല്‍ നിയമങ്ങള്‍ ലംഘിച്ച് മറ്റുള്ളവര്‍ക്കും പ്രശ്നങ്ങള്‍ സൃഷ്ടിക്കുമെന്ന് ചാണക്യന്‍ പറയുന്നു.

ചാണക്യന്‍ പറയുന്നത്, ഒരു സ്ത്രീ പുരുഷനെക്കാള്‍ ഇരട്ടി ഭക്ഷണം കഴിക്കുന്നുവെന്നും നാലിരട്ടി ബുദ്ധിയുള്ളവളും ആറിരട്ടി ധൈര്യശാലിയുമാണെന്നാണ്.

നിങ്ങളുടെ രഹസ്യങ്ങള്‍ ആരോടും വെളിപ്പെടുത്തരുത്. ഈ ശീലം നിങ്ങളെ നശിപ്പിക്കുമെന്ന് ചാണക്യന്‍ പറയുന്നു. വിജയം കാണുന്നതുവരെ നിങ്ങളുടെ പദ്ധതികള്‍ രഹസ്യമാക്കി വയ്ക്കണം.

ഓരോ സൗഹൃദത്തിനും പിന്നില്‍ ചില സ്വാര്‍ത്ഥതയുണ്ടെന്ന് ചാണക്യന്‍ പറയുന്നു. സ്വാര്‍ത്ഥതയില്ലാത്ത സൗഹൃദമില്ല. ഇത് കയ്‌പേറിയ സത്യമായാണ് ചാണക്യന്‍ പറയുന്നത്.

വിദ്യാഭ്യാസമാണ് ഏറ്റവും നല്ല സുഹൃത്തെന്ന് ചാണക്യന്‍ പറയുന്നു. വിദ്യാസമ്പന്നനായ ഒരാള്‍ക്ക് എല്ലായിടത്തും ബഹുമാനം ലഭിക്കും. അവര്‍ എല്ലായിടത്തും വിജയം നേടും

ഭൂതകാലത്തെക്കുറിച്ച് ഓര്‍ത്ത് പശ്ചാത്തപിക്കേണ്ടതില്ലെന്നും ഭാവിയെക്കുറിച്ച് ആകുലപ്പെടേണ്ടതില്ലെന്നും ചാണക്യന്‍ പറയുന്നു. ജ്ഞാനിയായ ഒരു വ്യക്തി എപ്പോഴും വര്‍ത്തമാനകാലത്തിലാണ് ജീവിക്കുന്നതെന്ന് ചാണക്യന്‍ പറയുന്നു.