ശനിദോഷത്താല്‍ ജീവിതം മുടിയും; അബദ്ധത്തില്‍ പോലും ശനിയാഴ്ച ഈ കാര്യങ്ങള്‍ ചെയ്യരുത്

ആഴ്ചയിലെ എല്ലാ ദിവസവും ഓരോ ദേവതയ്ക്കായി സമര്‍പ്പിക്കുന്നു. ഓരോ ദിവസവും ആ പ്രത്യേക ദേവതയെ പ്രത്യേകമായ ആരാധിക്കുന്നു. ശനിയാഴ്ച ദിവസം നീതിയുടെ ദേവനായ ശനി ദേവന്റെ ആരാധനയ്ക്കായി സമര്‍പ്പിച്ചിരിക്കുന്നു. ഈ ദിവസം ശനി ദേവനെ ആരാധിക്കുന്നത് ഭക്തര്‍ക്ക് പ്രത്യേക അനുഗ്രഹങ്ങള്‍ നല്‍കും. ഒരു വ്യക്തിയുടെ നല്ലതും ചീത്തയുമായ പ്രവൃത്തികളെ അടിസ്ഥാനമാക്കി അവരെ അനുഗ്രഹിക്കുന്ന നീതിയുടെ ദൈവമായാണ് ശനി ദേവന്‍ അറിയപ്പെടുന്നത്. ജ്യോതിഷത്തില്‍, ശനിയെ ഒരു ക്രൂരമായ ഗ്രഹമായി കണക്കാക്കുന്നു.

അതിനാല്‍, ശനിയാഴ്ച ദിവസം ചില കാര്യങ്ങള്‍ ചെയ്യുന്നത് ശനിദേവനെ കോപിപ്പിക്കുന്നു. അത്തരക്കാര്‍ക്ക് ശനിയുടെ കോപവും ദോഷഫലങ്ങളും നേരിടേണ്ടിവരുമെന്നും വിശ്വസിക്കപ്പെടുന്നു. അത്തരമൊരു സാഹചര്യത്തില്‍, ശനിയാഴ്ച ദിവസം ശനികോപത്തിന്റെ ഇരയാകാതിരിക്കാന്‍ നിങ്ങള്‍ ചില കാര്യങ്ങള്‍ ശ്രദ്ധിക്കേണ്ടതുണ്ട്. കാരണം അവ അശുഭകരമായി കണക്കാക്കുകയും നിങ്ങള്‍ക്ക് നിര്‍ഭാഗ്യം വരുത്തുകയും ചെയ്യും. ശനിയാഴ്ച ദിവസം നിങ്ങള്‍ ഒരിക്കലും ചെയ്യാന്‍ പാടില്ലാത്ത ചില കാര്യങ്ങള്‍ ഏതൊക്കെയെന്ന് നമുക്ക് നോക്കാം.

മുടി മുറിക്കരുത്
ശനിയാഴ്ച ദിവസം നിങ്ങള്‍ നഖമോ മുടിയോ മുറിച്ചാല്‍ ശനിദേവന്‍ നിങ്ങളോട് ദേഷ്യപ്പെടുമെന്ന് വിശ്വസിക്കപ്പെടുന്നു.

മൃഗങ്ങളെ ഉപദ്രവിക്കരുത്
ശനിദേവന് മൃഗങ്ങളോട് പ്രത്യേക അടുപ്പമുണ്ട്. അതിനാല്‍ നിങ്ങള്‍ ഒരിക്കലും മൃഗങ്ങളെ ഉപദ്രവിക്കരുത്. കൂടാതെ നായ്ക്കള്‍, പശുക്കള്‍, ആട് തുടങ്ങിയ മൃഗങ്ങള്‍ക്കും പക്ഷികള്‍ക്കും ശനിയാഴ്ച ദിവസം ഭക്ഷണവും നല്‍കുക.

ഇവ വീട്ടില്‍ കൊണ്ടുവരരുത്
ശനിയാഴ്ച ദിവസം വീട്ടില്‍ ഇരുമ്പ് കൊണ്ടുള്ള വസ്തുക്കള്‍ കൊണ്ടുവരരുതെന്നാണ് പറയുന്നത്. ഈ ദിവസം വീട്ടില്‍ ഏതെങ്കിലും ഇരുമ്പ് സാധനങ്ങള്‍ കൊണ്ടുവന്നാല്‍ അത് ശനിയുടെ കോപത്തിന് ഇരയാക്കും. എന്നിരുന്നാലും, ഒരാള്‍ ഇരുമ്പ് കൊണ്ട് നിര്‍മ്മിച്ച സാധനങ്ങള്‍ വാങ്ങുകയാണെങ്കില്‍, ശനിയാഴ്ച ദിവസം അവ വീട്ടിലേക്ക് കൊണ്ടുവരാതിരിക്കുക.

ഉപ്പ്
ശനിയാഴ്ച ഉപ്പ് വാങ്ങുന്നത് ഒരാളുടെ കടം വര്‍ദ്ധിപ്പിക്കുകയും സാമ്പത്തിക സ്ഥിതിയെ ദുര്‍ബലപ്പെടുത്തുകയും ചെയ്യുമെന്ന് വിശ്വസിക്കപ്പെടുന്നു. അത്തരമൊരു സാഹചര്യത്തില്‍, കടങ്ങള്‍ ഒഴിവാക്കാന്‍ നിങ്ങള്‍ ആഗ്രഹിക്കുന്നുവെങ്കില്‍, ഈ ദിവസം ഉപ്പ് വാങ്ങരുത്.

കറുത്ത എള്ള്
ശനിയാഴ്ച കറുത്ത എള്ള് വാങ്ങാന്‍ പാടില്ല. ഈ ദിവസം കറുത്ത എള്ള് വാങ്ങുന്നത് ഒരാളുടെ ജോലിയെ തടസ്സപ്പെടുത്തുമെന്ന് വിശ്വസിക്കപ്പെടുന്നു. ഈ ദിവസം ശനി ദേവനെ കറുത്ത എള്ളും കടുകെണ്ണയും ഉപയോഗിച്ച് ആരാധിക്കുന്നു, അതിനാല്‍ ശനിയാഴ്ച കറുത്ത എള്ള് വാങ്ങുന്നത് നിഷിധമായി കണക്കാക്കുന്നു.

കറുത്ത ഷൂസ്
ശനിയാഴ്ച കറുത്ത ഷൂസ് വാങ്ങരുത്. ശനിയാഴ്ച വാങ്ങിയ കറുത്ത ഷൂസ് വാങ്ങുകയും ധരിക്കുകയും ചെയ്യുന്ന വ്യക്തിക്ക് പരാജയം കൊണ്ടുവരുമെന്ന് വിശ്വസിക്കപ്പെടുന്നു.

കത്രിക
ശനിയാഴ്ച കത്രിക വാങ്ങുകയോ കത്രിക സമ്മാനിക്കുകയോ ചെയ്യുന്നത് അശുഭകരമായി കണക്കാക്കപ്പെടുന്നു. കാരണം ഇത് കുടുംബാംഗങ്ങളുമായും സുഹൃത്തുക്കളുമായും വഴക്കിന് കാരണമാകുമെന്ന് പറയപ്പെടുന്നു.

ഈ പ്രവൃത്തികളിലൂടെ ശനികോപം വരുന്നു
രാത്രി വൈകി ഉറങ്ങുകയും രാവിലെ വൈകി ഉണരുകയും ചെയ്യുന്നവരോട് ശനിദേവന്‍ ദേഷ്യപ്പെടുമെന്ന് പറയപ്പെടുന്നു. ദരിദ്രരെ പീഡിപ്പിക്കുന്നതില്‍ മുന്നില്‍ നില്‍ക്കുന്നവരോട് ശനിദേവന്‍ ദേഷ്യപ്പെടുമെന്ന് പറയപ്പെടുന്നു. മാതാപിതാക്കളെ ബഹുമാനിക്കാത്തവര്‍ക്ക് ശനിദേവന്റെ കോപം നേരിടേണ്ടിവരുമെന്ന് പറയപ്പെടുന്നു.

മറ്റൊരാളുടെ പണം തട്ടിയെടുക്കാന്‍ മുന്നില്‍ നില്‍ക്കുന്നവരോട് ശനിദേവന്‍ ദേഷ്യപ്പെടുമെന്ന് പറയപ്പെടുന്നു. അമാവാസി നാളില്‍ മാംസവും മദ്യവും കഴിക്കുന്നവരോട് ശനി ദേവന്‍ ദേഷ്യപ്പെടുമെന്ന് പറയപ്പെടുന്നു. നിസ്സഹായരെയും ദുര്‍ബലരെയും വികലാംഗരെയും കളിയാക്കുന്നവരോട് ശനിദേവന്‍ ദേഷ്യപ്പെടുമെന്ന് പറയപ്പെടുന്നു.

ശനിയാഴ്ച ആല്‍മരത്തെ ആരാധിക്കുക
വിശ്വാസമനുസരിച്ച്, ശനിയാഴ്ച ദിവസം ആല്‍മരത്തെ ആരാധിക്കുന്നതിലൂടെ, ശനിദേവന്‍ സന്തോഷിക്കുകയും നിങ്ങള്‍ക്ക് അനുഗ്രഹങ്ങള്‍ വര്‍ഷിക്കുകയും ചെയ്യുന്നു. യഥാര്‍ത്ഥത്തില്‍, ഒരു ഐതിഹ്യമനുസരിച്ച്, ശനിയാഴ്ച ദിവസം ആല്‍മരത്തെ ആരാധിക്കുന്നവരെ ഒരിക്കലും ഉപദ്രവിക്കില്ലെന്ന് ശനിദേവന്‍ പിപ്ലദ ഋഷിക്ക് വരം നല്‍കിയിരുന്നു. ശനിദോഷം നീക്കാനായി നിങ്ങള്‍ ശനിയാഴ്ച ദിവസം ആല്‍മരത്തെ തൊട്ട് വണങ്ങി ആരാധിക്കുക.

ഹനുമാന്‍ ആരാധന
ഈ ദിവസം ഹനുമാന്‍ സ്വാമിയെയും ഭൈരവനെയും ആരാധിക്കണമെന്ന് പറയുന്നു. അങ്ങനെ ചെയ്യുന്നതിലൂടെ ശനിദേവന്‍ സന്തുഷ്ടനാകുമെന്നും ശനിയുടെ ദോഷഫലങ്ങള്‍ നിങ്ങളെ ബാധിക്കില്ലെന്നും വിശ്വസിക്കപ്പെടുന്നു.

ഈ കാര്യങ്ങള്‍ ദാനം ചെയ്യുക
ശനിയുടെ ഏഴരശനി, കണ്ടകശനി കാലഘട്ടത്തിലൂടെ കടന്നുപോകുന്നവര്‍ ശനിയാഴ്ച ദിവസം ശര്‍ക്കരയും ചെറുപയറും ഉപയോഗിച്ച് ശനി ദേവനെ പൂജിക്കണം. ഇതുകൂടാതെ, ശനി സംക്രമസമയത്ത് കറുത്ത ഷൂസ്, കറുത്ത പുതപ്പുകള്‍, കറുത്ത എള്ള്, ഉലുവ, ഖിച്ചടി എന്നിവ ദാനം ചെയ്യുക. ഇത് ചെയ്താല്‍ ശനിദോഷം കുറയുമെന്നാണ് വിശ്വാസം.

ശനി ആരാധന
ശനിയാഴ്ച ദിവസം സൂര്യോദയത്തിന് മുമ്പോ സൂര്യാസ്തമയത്തിന് ശേഷമോ ശനിയെ ആരാധിക്കുകയും കറുപ്പ് അല്ലെങ്കില്‍ നീല നിറത്തിലുള്ള ഇരിപ്പിടത്തില്‍ ഇരുന്ന് എള്ളെണ്ണ വിളക്ക് കത്തിക്കുകയും ചെയ്യുക. അതിനുശേഷം, 27 ദിവസം രാവിലെയും വൈകുന്നേരവും തുടര്‍ച്ചയായി ഏഴ് തവണ ശനി സ്‌തോത്രം പാരായണം ചെയ്യുക. നിങ്ങളുടെ പ്രശ്‌നത്തിന് ശനിദേവനോട് പ്രാര്‍ത്ഥിക്കുക. ഇത് ചെയ്യുന്നതിലൂടെ നിങ്ങളുടെ പ്രശ്‌നങ്ങള്‍ അകലുന്നതായിരിക്കും.